نادي الفتاة بالخالديه

الايروبيكس المستوى الثالث ..انا العب صارلي سنتين تقريبا...وجدا ممتاز للجسم غير الاثقال تشد الجسم وتنسقه بشكل مو طبيعي :)

السلام عليكم
تحياتي لكم جميعا ...وخصوصا اختي جرح يقتل دخلت موضوعك لاجل الدعوتك الحلوه والله يحرم وجيهنا جميع من النار ...
اختي انا مثلك كنت والحين صرت شي ثاني طبعا اختك متزوجه ولها ولدين ربي يحفظهم وبعد العيال تعرفين اكيد وش يصير بالجسم ...يحزن هضاب وجبال ومرتفعات ...
لكن بالاراده القويه والعزيمه خليت وزني يصير 48والحمد لله الحين البس براحتي اقوم واقعد وانا مرتاحه
تدرين وش سويت جربت خلطة البابنج واكليل الجبل مع الميراميه وكانت مفيده بس مااعتمدت عليها اكنت اسوي رياضه ولو مدة ساعه بس كل يوم ...ولاحظت انه وزني خف مع شد الجسم وهذا اهم شي يكون الجسم مشدود

حبيبتي خلي ارادتك قويه وعندك عزيمه تخففين وتلعبين رياضه وباذن الله تصيرين رشيقه بس مافيه شي يجي من غير تعب وتضحيه .....يعني انسي الحلويااات والدسم

اتمنى اكون افدتك
اختك اللامعه:27:

بعد عمري جرح يقتل انشالله تحصلين على الجسم اللي تبينه ,, واعتقد اني مره شفت بالمنتدى انواع من الاعشاااب للتنحيف وشد الجسم وانشالله تفيييدج ,,,,




لاتنسييييني بالدعوه الحلووووه يا جمييييييل :26:

السلام عليكم00
اسأل الله العظيم رب العرش الكريم أن يذهب عنك ماتكرهين يااااااااااااااااااااااارب وكل مصاب أو مبتلى يا حي يا قيوم00
أنا برضوا دخلت الموضوع شرحت صدري الدعوة الحلوة00 بس ماجربت شي ولا أعرف شي جربت خل التفاح مرة وحدة بس ريحته00:01: المهم00 يارب تلقين حل جربي موية زمزم مع الإمان واليقين هذي أحلا خلطة00
والله يهدي أبو العياااااااااال:30:

azeezaa1990
مشكوره يالغاليه .. خلاص انا نويت اجرب خل التفاح مه لسان البحر هذا أول ماحصله
تسلمين والله يعينني على الريحه ..

حبيبتي_الكويت
مشكوره يالغاليه ,, انا بإذن الله بمشي .. كوني ساكنه بشقه هذا شي مايساعد
بس أول ماولد بالسلامه ان كتب لي الله عمر بمتر الشوارع

((ريم الصحاري))
مشكوره يالغاليه لمرورك والله يسمع منك

اميرة نفسها
والله مايمنع اشتريه وادهن فيه معدتي بعد الولاده .. اكيد بتصير هوايل

ندوn
مشكوره يالغاليه بس انا مافيني وزن .. انا نحيفه .. وزني كان 46 وجاهدت
نفسي مع الاكل لين وصلته 49 والحين مع الحمل زايده .. انا مشكلتي السلولايت
لاني نحيفه وغصبت عمري على الاكل وسمنت ومع الوقت رجعت نحفت وهكذا لقى السلولايت
بجسمي بيئه خصبه يعيش فيها يحسرة قلبي

كهرمان
ياقلبي انا باللبس اطلع مشدوده وافتح النفس خصوصا وان وزني ولا شي
بس لالبست بالبيت اللي انتي خابره اطالع بفخوذي من فوق واردافي اشوف
شي على قولك مايسر من السلولايت عادمني عدااااام من ورى .. يالله حسبي عليه
بس خليني اجرب واخبص على عمري واذا طلعت بنتيجه بقولك بإذن الله

قربوجه
أجل لاتشكي لي ابكي لك !! آآآآه :06:

رنونه الدلوعه
هلا يالغاليه ومشكوره لمرورك بس نيوهورايزن هذا معهد حاسب آلي معروف .. مدري
اذا فيه على نفس اسمه معهد رياضي ؟؟ ماعتقد .. بس الف شكر لك .. وان شاء الله
على يدي بينفذ التفاح الاخضر من سوق الخضره

آنسه احم احم
اذا على التدليك انا محطمه الرقم القياسي كل مادخل الحمام شالوا هم اللي وراي
متي بطلع .. لكن بزيد وبالزياده بركه
مشكوره لمرورك الغالي على قلبي ,,

الماء العذب
يارب من فمك لباب السماء وانتي معي وكل بنات هالمنتدى الغاليات اللي يحبون
الخير للغير .. مشكوره لدعوتك يالغلا

امل حياتي
إسمي حزين وانا اغلب وقتي حزينه :(
ووصفتك بجربها بعد الولاده مباشرة لاني سمعت المراميه ماتصلح للحامل لانها تنشط الرحم
تشكرين ياقلبي .. بس على فكره انا ماشتكي من الوزن لاني نحيفه .. انا اشتكي من السلولايت
بس برضو بجرب وصفتك وعساها ماتنحفني زياده

طفوليه
طيب يالغاليه ياليت قلتي لي مكان تشتبهين انهم يبعون هالطحالب باين فوايدها
كثيره .. تتوقعين هذي المراكز تبيعها زي بدي شوي وحول ؟؟ يارب القى ومشكوره لنصيحتك ياعسل

مغربية
هلا يالغاليه وبإذن الله من يدخل ثامني ابمشي وامشي وامشي .. مع اني ياما مشيت بس برضو
بمشي .. والله يجزاك كل خير

الشايبه
يازين هالدعوه من لسانك .. وياك ان شاء الله..الله يخليك لشبابك ويطول بعمرك ويستجيب منك
ويحليني بعينه كمان وكمان ..

ANOTHER
تسلمين ياعسل على نصيحتك .. والله يجزاك عني كل خير بإذن الله المشي ماشيه ماشيه بس يحين الوقت
أما طاري الصدر .. تكفين لاتفتحينه .. خلينا بلسلولايت على الاقل في أمل

ام رغودة
تسلمين ياقلبي ومشكوره بس انا مابي انحف ابي السلولايت يروح عني يفكني .. بس برضو مشكوره

@كويتية@أمورة@
الجهاز ذا دخل برأسي وانتي دخلتيه .. عسى القاه بمكان قريب مني على شان تكرار الزياره
وتسلمين على مرورك والرابطين اللي استفدت منهم .. وانا افضل شي سريع وفعال
بس لاولدت بإذن الله بدور مركز فيه ذا الجهاز وعسى القى .. والله ينور دربك وحياتك

حديث النفس
تسلمين يالغاليه .. إن شاء الله بشوف هالجهاز وبعلمكم بتجربتي معه .. ومشكوره لمرورك اللي فرح قلبي

عمــة الحسـن كله
مستخدمته مستخدمته من غير شر.. وهذا هو بالدرج يحتريني وجبت البخاخه بعد على شان اعبيها .. وش وراي
ومشكوره لطلتك الحلوه يالحلوه ..

الأميره دعد
السلولايت بحسب شرحي البسيط له هو تكتلات شحميه او دهنيه تخلي الجلد متعرج من زي قشرة البرتقال
يعني عكس شاد .. ويكثر بالافخاذ والارداف بالعاده ويجي لاسمنتي وبعدين نحفتي والعكس وبعد الحمل والولاده
ادخلي هنا

قرويه
شكرا ياقلبي وتسلمين يالغاليه لمرورك الكريم

آجا و سلمى
كنك تدرين .. لاعطشت اشرب ببسي ولا جعت اكل كاكاو وبرينقلز .. وش ترجين مني
بسانا لازم اتعدل واتسنع واكل زي الناس .. ياربي ارحمني برحمتك
ومشكوره على المعلومات الله لايحرمني منك ياشيخه ومن نصايحك وتسلمين

سيدة الوسط
تسلمين والله .. بس انا مابي اسوي حميات لاني مابي انحف لاني اصلا نحيفه
لكن بحاول استفيد من الرابط والله يجعله بميزان حسناتك

@كويتية@أمورة@
صدق انك قموره .. مشكوره يالغلا انا ابي شي ماينحف لكن يشيل السلولايت
بس عسى لادورته حصلته .. ومشكوره لمرورك مره ثانيه الله يجزاك كل خير

11صبا11
والله اني اشوفه ذا بدعايا اوربت بس اخاف ينحفني . .ان نحفت بتطلق تصدقين
لكن مشكوره على النصيحه والمرور والمشاركه الله يجعلها بميزان حسناتك

رقيقة
مشكوره لمرورك ,,

ana_7lwaaa
شفتي المشكله ؟؟ عمارنا بالعشرين ونحاف وعندنا سلولايت .. وش هالحاله بس تصدقين
الكعب والشبيس اشوف اننا متفقين بعد فيه .. الله من زين الطبايع
بس ماشاء الله عليك اللي اشتركتي بنادي وحاولتي .. عقبال عندي
ان شاء الله لاولدت بعدل بحوستي .. ويارب ياحي ياقيوم تشوفين النتيجه اللي ترضيك
ولا يروح تعبك هدر وانا وياك بعد ..

Dant_Abu Dhbi
تسلمين يالغاليه على مرورك ونصيحتك .. بس تصدقين اني افضل الرياضه على التدليك
التدليك يبي له مختصه بها الامور .. لكن ربك كريم .. والله يجزيك كل خير

شهيدة99
بقول لك نفس اللي قلته للاميره دعد
لسلولايت بحسب شرحي البسيط له هو تكتلات شحميه او دهنيه تخلي الجلد متعرج من زي قشرة البرتقال
يعني عكس شاد .. ويكثر بالافخاذ والارداف بالعاده ويجي لاسمنتي وبعدين نحفتي والعكس وبعد الحمل والولاده

ادخلي هنا

i love u
مشكوره يالغاليه .. وبجرب الصنفره على جسم جاف لاني دايم اصنفر على بشرتي وهي رطبه
لكن الظاهر عاداتي كلها يبا لها تغيير .. والف شكر لك

اللامعه
مشكوره لمروك يالغاليه .. بس تصدقين اذا قلت لك ان وزني 46 قبل الحمل .. وذبحوني بالمستشفى
لين زدت شوي على طاري اتحمل الحمل والولاده واقاوم تعبهم .. اانا ماعندي مشكله بالوزن
انا نحيفه .. المشكله بالسلولايت اللي هو عدم استواء الجلد .. وهي مشكله يعانون منها
80 % من النساء اذا مو أكثر بس بعضنا مايحطون مرايه من وراهم ويطالعون بفخوذهم وشلون
صارت بعد الحمل والولاده ومالى ذلك ..
واهنيك على عزيمتك وارادتك القويه .. والله يوفقك على المرور والنصيحه وربك كريم

FTOOMA
وتسلمين بعد والله يجزاك كل خييير يارب

mada
وياك يارب .. ومشكوره بعد على دعواتك لي .. ان شاء الله تكون بميزان حسناتك .. ماقصرتي الله يسلم قلبك


فرحتوني يابنات مره بردودكم .. ماشاء الله على نصايحكم .. الله يحرم وجيهنا اجمعين ووالدينا وكل المسلمين
عن نار جهنم ,,

وعلى شان الخص الحلول اللي قلتوها لي بكتبها بالتسلسل :


1-خل التفاح مع لسان البحر
2- رياضة الايروبيكس
3-زيت القرنفل
4- المشي ..الأمتناع منعا باتا عن اي ملح في الاكل والاكثار من الخضار والفاكهه خصوصا التفاح الأخضر
5-تدلك اماكن السليولايت بالليفه مع شرب كميات مويه كبيييره
6-ميرمية مع اكليل الجبل مع بابونج
7-الطحالب البحريه والصنفره على جلد جاف
8-المشي والمشي ثم المشي
9-جهاز ال Lbg لتفتيت السيلوليت
10-من ماركة لوريال برنامج للسيلوليت وكريم من شيشدو ايضا
11-التدليك بزيت مثل زيت الزيتون يوميا