يالله يا بنوتات نبي الكل يشارك

السلام عليكم... موضوعك حلو ياالكل بالكل.... ويسعدني اني اكون اول المشاركين....

احم احم....

بالنسبة لي اول ما جيت كان فيه مجموعه حلوه من العوائل السعوديه... كلمتني وحده منهم وزرتها وانبسطت معاهم.. وعزموني مره ثانيه.... وبسسسسسسس من بعدها يمكن قعدت شهر ونص تقريبا ما ادري عنهم... انا قلت يمكن هم ما ارتاحوا لي ومن هالكلام...
وبعد شهرين تقريبا .. بديت اصير وحده من الشله... والحمدالله صرنا تمام التمام...
طبعا كنا نجتمع بالاسبوع مره ... يعني دوريه... ، انا بصراحه ارتحت لهم...بس مش لدرجة اني اقول كل اسراري.. لاني ما احب اقول اسراري لاحد... او يمكن عشان ما ارتحت لهم لدرجة اني اقول اسراري كلها....

اما عن الانشطه الاجتماعيه... زيارة المسنين... جمع تبرعات.... تنظيف الحدائق.. خخخخخخخخخخخخ اهك عليك...
لا انشطه ولا شي... نشرب شاي وقهوة ونسولف .... وطبعا نتعشى .... وهذا ولدها ضرب هذا...وهذا كسر هذا...و بسسسسسسسسسسس

مشاعري اول ماجيت... والله كنت مستانسه...ومبسوطه... لانه تغيير بصراحه.. بس طبعا حزنانه على فراق الاهل
ومثل ما قلت عن الاندماج.... اول مره ما بدوا يعزموني كثير... وانا كنت من النوع اللي احس انه في منهم اكبر مني... وامهات عيال... وانا وحده توني عروس.. بس بعدين تعودت
واكيد طبعا لازم يكون فيه توافق بين الاخريات.... صعبه انه تكون واحده غير عن المجموعه... المجموعه اصلا ما بترتاح لها....وصعب انه الوحده تلقى اللي تتفق معاها وتصير صحبه معاها.... بس في الغربه الواحد يمشي حاله.... اهم شي احد عربي... واذا من نفس البلد احمد ربي واشكره

وسلاااااام :27:

موضوع حلو ويسعدني اني اشارك فيه
الحقيقه اول ما جيت كنت خايفه جدا من كل شئ
بس اللي ساعدني على التأقلم اني سافرت من السعوديه على امريكا مع عائله سعوديه تعيش في نفس المدينه
خلال السفر تعرفت على البنت وتمشينا مع بعض واول ما وصلت امريكا كنت اطلع على الحدائق معاها وعرفتني على مجموعه من البنات وانبسطت الحمدلله بس يافرحه ماتمت كانت بعيد بيتها عن بيتي يعني لازم سياره واحلى جلسات البنات في الصباح والصباح زوجي عنده دوام بس بعدين تعرفت على وحده عايشه معي في نفس السكن كانت طيبه وحبوبه كنا نخرج في الصباح نمشي (رياضه الصباح) مجرد ما يخرج زوجي ويخرج زوجها الساعه 8 الصباح
تتصل فيني واروح لها ونروح فيها سوالف الى الساعه 10 تخيلوا ما نحس الا بعد ما ينقطع نفسنا كان الوقت يمر بسرررررررررررررررعه وبعدين نرجع لبيوتنا بس كمان يافرحه ما تمت رجعت السعوديه والله لها معزه في قلبي مع اني ما جلست معاها الا شهر ونص تقريبا بس الطيب ينحب من اول جلسه معاه (زيكم يا حلوين) كمان فيه عندي في نفس السكن ثنتين من البنات حبوبات وقمورات بس ما نتقابل كثير وحده مشغوله بدراستها والثانيه وقتها عكس وقتي تماما يعني الوقت اللي هي فاضيه انا مشغوله والعكس

واحنا نجتمع كل اسبوع حنا الحريم في بيت والرجال في بيت نتعشى ونسولف الى الساعه 1بالكثير
وهكذا كل اسبوع

الحقيقه كل البنات كانوا حبوبات ومتعاونات لدرجه لم اتصورها وكلهم طيبين حتى اني جلست اقول في نفسي كأن ربي ما يختار الا الطيبين للغربه (اللهم لا اعتراض)يمكن فيه خير لهم او ان الغربه تجبرك على ان تكوني طيبه الله اعلم

اندمجت معاهم بسرعه
وانا اقول مو شرط انه يكون في توافق بينك وبينها
سواء في السن او الصفات يعني مثلا في السن فيه فروقات كبيره جدا بالنسبه للبنات اللي معي بس ما الاحظ هذا الشئ
يعني اكبر وحده فينا ولدها متزوج وعنده عيال كبار بس تنكت معانا وكلامها نفس مستوى كلامنا
واما بالنسبه للصفات فانه اكيد لازم فيه اختلاف لانك راح تقابلين ناس من بلد غير بلدك واكيد صفاتهم وتصرفاتهم تختلف او من مدينه غير مدينتك واكيد كمان صفاتهم وتصرفاتهم تختلف بس سبحان الله كل واحده تحاول انها تندمج مع كل التغيرات اللي تواجهها من غير ما تحس
وفرصه كمان انك تتعرفي على هذي الاختلافات وتتعرفي على اكلات خاصه فيهم ما تعرفينها
بس كمان هذا الشئ يعتمد عليك انتي يعني اذا كنت من الناس اللي بسرعه تدمج نفسها مع كل الظروف ومن الناس اللي تتأقلمين في الجو اللي تعيشينه بسرعه هذا شئ حلو اما اذا كنت العكس الله يعينك

واسفه طولت عليكم وشكرا لكم
اختكــــــــــــــــــــــــــــــــــــــــــــــــم
:26: :26: :26: :26: :26:

هلا وغلى باول مشاركهsugar
وانا اللي يسعدني انك تشرفين موضوعي
سبحان الله من شفت صورتك نفس صورتي وانا قايله هالبنت دمها خفيف;)
بس من جد ضحكتيني والله وانا اقرا انشطتكم قلت اخس والله ما يلعبون
يسوون كل هذا ؟
هههههههههههههههههههههههه
الله يعطيك العافيه وشكرا على الرد
.......................
اختي amonah
اهلين وسهلين منور الموضوع ويعطيك الف عافيه ذكرتيني بصاحباتي اللي رجعو يالله وش فقدتهم بشكل فضيع
لانه هنا الواحد ما يصدق يلاقي احد ينسجم معاه:(
................
وبعدين وين المشاركات يا بنات؟
يعني ما يكفي اني بغربه..................
بعد بتطنشون مواضيعي؟؟؟؟؟؟؟؟؟؟
انتظر الردود ولا ترا بازعل . لاحظو انه اول موضوع لي

موضوع حلو الكل بالكل قلب المواجع:06: :06:

انا لما جيت لامريكا كنت توني متزوجه لي اسبوعين حتى بالاسبوعين ماتهنيت مع اهلي شهر عسل وبعدها رحت لامريكا<<<<< وحده تقص حياتها

سكنت في تاون هواس لمده شهرين اول ماسكنت قدام بيتنا مجمع شقق وفيها عائله سعوديه بعد ماجلست اسبوعين لو ابوهم يعرف زوجي وجا وعزمنا وتعرفت على زوجته بنت اكبر مني بسنه وشوي يعني من نفس سني
كانت طيبه مرررره ومامعها اولاد وقمت الح على زوجي خلنا نسكن جنبهم وهي كانت قايله لي ان الشقهاللي تحتهم فاضيه
عاد انا اشتغلت زنانه خلنا نسكن جنبهم بعدين وافق بس اصحاب التاون هواس رفضو لاننا متعاقدين لمدة سنه بس طلعت الشركه وحده وافقو اخيرا وانتقلت عندها وكانت نعم الصديقه نطبخ سوا ورجالنا مع بعض في شقتي وانا اصعد لها لانها كانت حامل بالشهر الاخير وجابت نونو زي القمر
بس حسافه بالكريسمس نزلت نهائي للسعوديه:06: :(

ولها الحين فقده الله يذكرهم بالخير
مع انه ولايتنا مافيها عرررررررب ابد وهذا اللي مضيق صدري




اقول ياكثر هذري شكلي طولت
اسفه

انا مئسات والله

عمارتنا مافي عرب خلقه .. واشوف سعوديت بالشارع واحنا نمشي بس من بعيد لبعيد يكونون هم يمشون بشارع واخنا بالي قدامهم وفجئه يختفون ولا انا اصقع بالعامود لاني امشي وانا مبحلقه فيهم ووجهي مشققته البسمه واقول بنفسي اخيرا سعودييييين .. وبالعاده تكون وحده وزوجها ومعاهم بيبي صغير

وزوجي جديد على البلد يعني مافي اصحاب سعودين اتعرف على زوجاتهم

عندي رقم وحده سعوديه بس مستحيه اتصل عليها .. مادرى وش اقول الله يهديها لو معطيتني ايميلها يكون الخجل اقل

الله يعينا ويعينكم