ورق العنب والملفوف الفه وافرزنه قبل الطبخ والحشوه كمان تكون نيه واحط كل عشرين او ثلاثين حبه بكيس ورق العنب لحاله والملفوف لحاله وافرزنها واذا بطبخها اطلعها وابدا ارص البصل والبطاطا وعليهم ورق العنب والخلطه حقتهم والماء وبس مرات انتضر يفك الثلج منها ومرات اكون مستعجله اطلعها وعلي مااجهز ارضيه القدر ابدا افكفكها بشويش وارصها بالقدر معليش هذرتي واجد بس ابغي اوصلك المعلومه
والكبه نفس الشي احشيها واشكلها وارصها بصينيه وعلي الفريزر الين تجمد بعدين ارتبها باكياس وكبه التوست نفس الشي

كل عام وانتم بخير قبل الزحمه خخخخ
افرزن منتو ويغمش
سمبوسة بالجبنه
البف وفرموزه بالجبنه واللحمه
وشيش برك
اسوي كميات من عجينة العشر دقائق واقسمها في اكياس.وادا ابغ اسوي بيتزا ومعجنات انزل العجينه لحد ماتسيح بعدين ابدا اسوي...

مشكورت يابنات
وان شاء الله نستفيد انا واللي دخلوا الموضوع
الله يسعدكم ويرضيكم
ويبلغكم رمضان

حتى انا ناويه افرزن هالسنه وحطيت لي خطه امس بس :upsidedow اعرف نفسي كسلانه وكمان تعبانه لكن ان شاء الله انفذها
وصدقتي والله عشان نتفرغ للعباده ونستغل الوقت
السنه اللي فاتت كنت منظمه وقتي والحمدلله
لكن ذحين حامل وتعبانه وممنوعه من الحركه
وطفشت انا وزوجي من المطاعم فقررت افرزن
كل يوم قبل رمضان اقوم اسوي لي طبخه وافرزنها على قدي انا وزجي
راح اشرح خطتي وان شاء الله تستفيدوا:kissa:

ويارب انفذها:pinklove:

فطورنا في رمضان صنفين بس
صنف الوجبه الاولى يكون واحد ممايلي
*جيب التاجر مقلي ومفرزن + حشوتها تكون جاهزه بس اسخنها واضيف لها الجبن
*سمبوسه لحم+جبن بس بعدين اقليها
*سبرنق رول بالدجاج والخضار
*فطائر مشكله مخبوزه وجاهزه
صنف الوجبه الثانيه
راح اجهز اغراضها
مثلا الذبيحه راح نقطهعا كلها تقطيع ايدام ونوزعها في اكياس وكمان راح اجيب دجاج واقطعه تقطيع ايدام واوزعه في اكياس
وراح اسوي لي كشنة بصل تكون محموسه على التار اخليها تبرد وبعدين احطها في علب في الفريز صراحه وحده في النت كتبت عن هذه الطريقه وانا ماجربتها
وتقول تسوي الكشنة عادي وتفرزينها ووقت الحاجه خذي بالمعلقه ورجعيها الفريز ومع الزيت راح يكون عليك سهل انك تاخذي بالمعلقه
وهذه راح تكون للايدام والشوربه

*راح افرزن كفته لحم نئ تكون دوائر واربط معاه كيس طماطم مفروم وهذا يكون لكفتة اللحم والبطاطس
بس وقتها اطلعها وتذوب واقطع بطاطس واضيف البهارات والملح وفي القدر وانتهينا

*راح اسوي كشنة لحم مع طماطم واخليها للمكرونه

*بفرزن شاورما (صدور دجاج مقطعه مع بصل وبهارات وعلى التار لين تنضج ) هذه للفوتشيني بالكريمه
*كمان راح اجيب دجاج نيء واقطعه واتبله وافرزنه ووقت الجاجه اطلعه لين يذوب واقطع خضار واحط عليه الدجاج وعلى الفرن

وبس

مشكورين الاخوات ماقصورا كلنا استفادينا من افكاركم يارب يبلغنا واياكم الشهر الكريم ونحن في احسن حال ويتقبل اعمالنا
واحب اضيف فكرة قريتها مرة عن عمل شوربات مركزة وتفريزها لوقت الحاجة تطلعيها بس تذوب وتضيفيلها شوية مي وتسخنيها
وبالنسبة للقطر اسوي كمية واحطها بالثلاجة
وبالنسبة الي احاول دائما الفطور يكون شكل واحد مثل وجبة الغدا يعني الاكلات اللي تتغدوها بالايام العادية مع الشوربة والتمر والسلطة واذا زاد منه استعمله للسحور واذا مازاد اطلع من الفريزر واسخن
اما العزومات فاحاول قدر الامكان اعملها او اتحضرلها ايام اللي اكون فاطرة