السلام عليكم اخواتي
انا لدي 3 صديقات ولكننا متفرقات جدا للاسف :(
ودي نكون رباعي حلوين الهم واحد الزعل واحد بس ماادري كيف
ابي دايم مع بعض بس ماقدرت كل وحده راحت مع شله خساره ودي نرجع زي اول
ثنتين مع بعض ووحده معاهم نشبه مااحبها قد فرقت بيننا اول وهم يقولون عادي خليها معانا
انا مقهورة من ذا البنت ماابيها معانا طبيعتها مو نفسنا ابدا مااحبها ابدا
وانا في قلوبنا على بعض نغلط على بعض شوي ويبقى في قلوبنا
انا لما اتهاوش اعتذر منهم بسرعه اهم مايعتذرون قهر والله
ابي مساعدتكم ابي الشله ترجع لبعض
حنا كلنا قبايل ماعدا وحده فينا واهم ثنتين من نفس القبيله ودايم يفتخرون فيها (بني تميم)
وانا من بني سبيع بس مااحب اتفاخر عشان مااجرح صديقتي ابي شيء يمنعهم
ماابي اقولهم بس على الاقل لايفتخرون كلنا من ادم وادم من تراب
ودي ترجع صداقتنا كيف كيف؟
ابي يحسون فيني :26:
قناصة سبيع @knas_sbyaa
محررة
يلزم عليك تسجيل الدخول أولًا لكتابة تعليق.
ام هيما-_-
•
والله ماادري ادعيلهم انهم يرجعون زي اول او حاولي تكلمينهم اذا مارضو كيفهم لاترمين نفسك على احد
احنا بشر
•
هذي الحياه ,تصادقين ناس وبعدين تتفارقون,بس اذا اهي صداقه حقيقيه راح تتم,شلون ترجعينها ?????سوي اللي كنتي تسوينه قبل,وماتقدرين تفرضين على رفيجاتج,صادقوا فلان وتركو فلان,اهو مو تملك,لا ياحبيبتي احترميهم,وحبيهم,وبعدين خليهم يتفاخرون بقبيلتهم,قولي تستاهلون الطيب كله,وماراح ينقص من قبيلتج ابدااا ,ولا انتي حتاجه تتفاخرين بقبيلتج,معروفه ومو لازم هالاشياء,وبعدين حاولي انج ماتغلطين على رفيجاتج,عشان ماتضطرين للاعتذار,ولو ان الاعتذار عن الغلط صفه حلوه ,بس حاولي تتحاشين الغلط,واذا اهم غلطو,احسني النيه يمكن مو قاصدين,وابتسمي,واذا ماقدرتي نبهيهم بطريقه ماتجرحين مشاعرهم فيها,واحسني الظن مره ثانيه.
وبعدين اذكريهم بافراحهم وباركيلهم ,على نجاحهم , وواسيهم باحزانهم,وحسسيهم بقدرهم,بس لاتلزقين حيل,خلي لج قدر,عشان تحترمين لاتدخلين بخصوصياتهم,ولاتزعلين على اي شي,بيني اللي تبينه بحب,وبصفاء,من غير اجبار,مثل لاتصادقون فلانه ,يمكن البنت اللي انتي ماتحبينها قعدتها حلوه ويحبونها.,ولا تسوين دائره مغلقه مانبي الا نكون اربعه صديقات,لا وسعي هالدائره بامكان تصيرون اكثر وبيصير اونس ,ويصيرون معارفج اكثر,وصدقيني يصيرالوضع احسن ,ووقتج كله متعه.
ومااشوف عندج مشكله,غير انه حاسه بتملك لرفيجاتج.
وبعدين اذكريهم بافراحهم وباركيلهم ,على نجاحهم , وواسيهم باحزانهم,وحسسيهم بقدرهم,بس لاتلزقين حيل,خلي لج قدر,عشان تحترمين لاتدخلين بخصوصياتهم,ولاتزعلين على اي شي,بيني اللي تبينه بحب,وبصفاء,من غير اجبار,مثل لاتصادقون فلانه ,يمكن البنت اللي انتي ماتحبينها قعدتها حلوه ويحبونها.,ولا تسوين دائره مغلقه مانبي الا نكون اربعه صديقات,لا وسعي هالدائره بامكان تصيرون اكثر وبيصير اونس ,ويصيرون معارفج اكثر,وصدقيني يصيرالوضع احسن ,ووقتج كله متعه.
ومااشوف عندج مشكله,غير انه حاسه بتملك لرفيجاتج.
الحياة زي كده ،، ناس تتفرق و ناس تتجمع و ناس تروح و ناس تجي ،، اتقبلي الامر و دوري لي صديقات جدد ،، و الله يعين
الصفحة الأخيرة