ياليت شريط الحياة ينعاد .. واصلح بعض الاغلاط ( قصتي )

السلام عليكم ورحمة الله وبركاته
كيف حالكم عزيزاتي


ابقولكم قصتي وعطوني رايكم ..

يا بنات انا بنت عاديه زي اي بنت في بيت ابوها تحلم تتزوج وتعيش سعيدة وتنبسط ووو ..
لمن تخرجت من الثنوية واصبحت في وجه الزواج
تقدم لي احد الشبان من القبيلة وكنت راغبة فيه مرااا لاني اعرف اخته طيبه وحبوبه
سمعت امي تكلم اخته وتقول والله البنت تبي تكمل دراستها ومدري وشو رفضوه
مع ان كان لي رغبه
لمن سالت امي قالت ما يصلح وسمعته مو مره ....
وقلت لابوي قال ما يصلح وتكلم في شرف امه .. قال معروفين من زمان .(ومانبغا نزيد في هالموضوع )

استغفر الله . .

طيب ما يمنع ابوي وامي يبون لي الاحسن ما اختلفنا ... راح العريس وتزوج ومعه اللحين دسته والله يوفقه



تقدم لي شخص اخر يصغرني بالسن ووظيفته عاديه جدا وماهو مكون نفسه بالمرااا
طبعا ابوي وافق بدون احد يستشيرني بس جت امي ورتني صورته وشفته قلبي ماقال ايه ولا لا ...
وافقوا عليه وحددوا الشوفه وحددو الملكه وكل شي


انا جايتني صدمه اقول يارب من هدا الانسان كيف بيكون يمكن مريض نفسيا يمكن شخصيته تختلف يمكن يمكن ....


جا شافني بالشوفه واعجبته وما تكلم ولا كلمه اخوي كان جنبي هو اللي يتكلم
ولمن ملكنا قعد جنبي يسولف ماهو متزن ولا ثقيل
واضح انه خفيف كيذا
يعني دخل ابوه وامه وحط يده حول كتفي كني واحد من الشباب وقال لابوه وش رايك بالمزز الي عندي ؟؟

وقال قولو ماشا الله المهم انا اضحك ومصدومه
ومستغربه منه لاصق فيني وماهو متعطر والله حتا باين ثوبه مو مكوي ولا مغسول
واسنانه لمن التفت عليه طبقات جير وصفرااا ومنتهيه


انا مذهوله مرا وتقرفت والله ..
وكل شي كان فخم وحلو كيك وكاسات وبخور وشغل سنع
و جنبي ماهو متسنع عدل ولا يهتم بعمره
المهم همس باذني قلي كيفك قلت طيبه قال الليله ؟؟
قلت ايش
قال الليله !!! وهو يضحك ...

شوفو وش صار بعدين ,,,,,,,,,,,,,,,,,,,,,,,,,
____________________________



______________





































































































































مابي اطول عليكم ... وبكمل ..........................
























المهم ...



قال الليله .. يعني يقصد بكلمك جوال ..

طبعا ابوي ارسله رقمي

يابنات عمري كان 24
وهو 22




انا انصدمت لمن شفت عمره بالعقد واطالع اهلي ليش كيذا صغير محد قلي قالو عادي الرسول تزوج خديجه ( اللهم صل وسلم عليه )




المهم


بعد الملكه والله يابنات زي اي بنت احلم احبه ويحبني ويكلمني بالساعات وويجيني دايم ويجب لي هدايا وحركات وووو .....





آآآآآآآآآآآآآآآآه ... بس








مر اللحين اسبوع من ملكت عليه ولا اتصل ...


اسبوعين ..

مر الثالث ...



كلمت ابوي بطريقه قلت عطني رقمه قال ما كلمك من اول يوم ؟؟
يحسبني ابوي داقه حنك استحيت قلت لا ..

ارسل لي رقمه ابوي
وقال قلت له يكلمك

( ابوي كان معتبره ولده مراااا وينصحه ويعلمه .. لانه ولد صديقه الحميم .)


اتصل علي

سلام
كيفك
طيبه
كيفك انت
طيب

وشخبارك
طيبه
شخبارك انت
طيب



صمت رهيب...



ليش ساكته ؟؟


يا بنات ما يعرف يتكلم !!!

انا انسانه احب الكلام والسوالف

جايبين لي ادمي مايعرف يتكلم
ماقلنا صير روميو
بس ع الاقل سولف
قال انا ماحب اتكلم كثير
انا استحيت قلت عن اذنك ...
وقفلت الخط



توقعته بيقول وحشتيني ولا وينك من اول ولا اي شي
ولا علق على شكلي بالملكه سويت حفلة كبيرة وتصورنا
ولا شي ساكت
واذا فتح سوالف يسولف عن اشيا مالها داعي مراااا
تنقال لخطيبة جديده !!!
مكالمه غبيه وكش قلبي منها دمعت عيوني ماحسيت براحه
ماهو الشخص اللي ارغب فيه وواضح ما بنتفق كثير لان بدايتها
جفاف ...




لمن جا ابوي شفت جواله ارسل مسج له كتب له خلك قيس ؟؟
لمن قفل من المكالمه معي
ارسل كلمتها
قال ابوي له تعجبني يا قيس !!



وش ذااااا هباله .. يعلمه كيف يكلم خطيبته
وين عايشييين












طبعا مرت ايام وهو ما يتصل الا نادر جدا ولا يفتكرني
ولا يرسل لي مسجات حب
كنت متعطشة لمسجات الحب\
وارسل له رسايل حب
مايرد نهائي

مر شهر


شهرين



مايزورني الا نادر في كل شهر مرا واحيان شهرين مرا وهو لاصق فينا ساكن بنفس الديرة

واذا جا مايجيب شي ماعمره دخل وجب لي ورده وحده مو باقه وردة من اللي تنباع عند الاشاره ابو ريالين


يا الله كنت لمن يجي انتظرة بلهفه واذا دخل اطالعه داخل بيدينه فاضيه يجي يجلس يتقهوى ويطلع حتى ما يجلس جنبي ولا يعرف يتكلم زين ويسولف لي سوالف مدري وش تبي ما يتطرق لي شخصيا ولا لقلبي اللي مسكين ينتظر كلمة حب ولا نظرة شوق


طبعا ما اقول الا انه جاهل وماهو مثقف وعنده وبرود ... وهو كما قال مرهه سالته قال احبك كثير .

بس بعد ايش ..



كنت ابكي داااااااااااااااااااااااايم واقول لامي ما ابغاه افسخ العقد واقول لابوي قال صلي ع النبي
انسان كويس قلت يبه مافي انسجام ما هو لمي ماني مرتاحه قام يقولي محاضرات واقنعني اني مدلعه وكل شي بيتغير بعد الزواج ...


مرا كنت ابكي اخر الليل دايم انتظره يكلمني ماكان يتصل ابدا
وسمعني اخوي ابكي فديته اخوي حبيبي ..

دخل قال وش بك
قلت ولا شي
قال زعلك الورع ذا

انا انهرت بالبكاء !!
قمت كبيت له العشا كله

قال نفسخ ونرجع له المهر وعلى جزمه
اصلا من اول ما شفته ما عجبني بزر
وماهو راكد وانا لي نظرة بالرجال
آدمي جا يخطبك بدون غترة ؟؟؟

قام مسح دموعي قال معليك .. !!


وجا يبي يتصرف ... بعد بيوم


مسك ابوي وقله قال صلو على النبي ومدري وشو
وجا ابوي اقنعني بكلامه قال ما يصير وعيب

وكنتي تبغي تتزوجي واحد داشر قلت يبه مدري انه داشر
بس اعرف اخته وسمعت انه مكون نفسه ويبي يعرس

قال انا اختار لك الطيب يا بنتي ..

وقعد يقنعني ,, الين طلعت من الغرفه

مسكني اخوي قال هاه ؟؟

قلت لا ..

ترا الكلام اللي امس مو صحيح انا احبه وهو يحبني ...

قال لا تجاملين قلت لا ..



وصرت عايشه على امل كلام امي وابوي ..
طبعا امي اشكي لها لين ابكي وتقتنع وتروح تقول لابوي ما نبيه عقد البنت
يقوم ابوي يقنع امي وتجي امي تقول انتي مدلعه ....


عموما اخطاء وتصير في كل اسره بس شوفو النكد الي جاي ...

كنت احرجه لمن يجي واعطيه هديه تحسبونه يحس على دمه ولا يقول بجيب لها المره الجايه ؟
عادي ولا همه عطر حلو اهديته كلمني بعدها جوال قلي بكم العطر ؟؟

قلت الهديه ما ينسال عن سعرها ..قال تقليد شكله صح !!!

فعلا ما يستحي ..

قلت لا يالطيب اصلي ومن المول الفلاني من قزاز والفاتورة هنا .. قال هههه لا ما اقصد
قلت عن اذنك ... وقفلت وقعدت ابكي من اسلوبه الممل طفشني والله باسلوبه وبروده ..

اش ذاااااااااااااااا من جد بنات اش ذاااااااا
اذبح نفسي .,,,,
معد بقي على الزواج الا اسبوع .......!!!!!

تآبعوني ...

*
*
*
*
*
*
بس

مبدئيا لو وحده في مكاني وش سوت ؟ قبل اكمل ؟؟