يااااا بناات اصبرو عليهاااا عضوة جديدة الله يصلحكم

طبعا خلال هالفترة الخطوبة زواجي بقي له شهرين ونص .
والله عشت معه احلا ايام كان بشكل شبه يومي يزورني ومو مخلي علي قاصر
وبس يضحكني كان فيه خفة دم شي خيالي , , والله يا بنات مرا حبينا بعض .. وانسجمنا مع بعض وشخصيتي ناسبت شخصيته انيق جدا ومتفهم ومحاور مع انه جالس يكمل دراسته بس واضح انسان له هدف وطموح مثل ما انا اطمح لاشيا كثير كان هو مثلي يطمح لها ... وكلام كثير ...
وقرب موعد الزواج وانا في غاية السعاده والتفاؤل .. طبعا كنا حاجزين على اندونيسيا وبنقضي كم يوم بجده ومكه ناخذ عمره ونسافر ...........................................................
وتم الزواج بسيط برغبتي افضل والفلوس بوفرها للوناسه وهو ماعنده مشكله بالعكس قال ودي اسوي لك افخم شي قلت مابي ومو لازم ...وفي نفسي احسن وش بستفيد و مو ناقصة عيون . المهم
المهم اخذنا عمرة ورحنا الفندق ونمنا وجا الصبح نبي نحرك على جده قعدت في الانتظار تحت معآه يحاسب الرسبنشن على مدة الاقامه وانا اطالعه من بعيد بكل حب يا بعد قلببي وينك من اول عني واطالع يدي والنقش ما انسى ذاك اليوم كنت مره مبسوطه .. المهم وهو يحاسب الرجال اشوف يدنق كثير ويمسك رقبته ..
...
وطول الوقت وهو بالسياره يسولف وفجاه يتنح ويمسك رقبته وكأنه متألم
يوم رحنا اندونيسيا قعدنا اسبوعين وانبسطنا واحسن فله ورجعنا بعدها السعوديه
ولازالت سالفة الرقبه وصار يحس بألم في اذنه وتنميل في وجهه وصار يدهنها بمهدئات من الصيدليه ...


احيانا انفجع كان يتكلم معي وفجاه فمه يصب دم ! وكان ما يقدر يبلع الاكل بسهوله عشان حلقه لدرجة نحف وبس على السوائل ...
زاد الالم عنده في المنطقه لدرجة صار يقوم من النوم فجأه ويجلس ساعه صاحي يحركها يمين شمال وقعدنا على هالحال فتره وصار يروح مستشفيات الين قالو له ورم خبيث في الحلق !
انا انجنيت خلاص لمن سمعت هالشي وهو كان شاك وماحب يعلمني بس عرفت عن طريق اخوي لانه راح معه وسمعت اخوي يقول لامي .. المهم كيف عرفت ما يهم عرفت وبس وجلست ابكي كثير وضليت عند اهلي خلال هالفتره اللي يراجع فيها لانه مندهر وتعبان وحالته حاله واهله تاثروا جدا وامه انهارت في النهايه خلال هالسنه ونص ماكنت اشوفه كثير لانه كان يسافر للخارج يتعالج بس كان متواصل معي بالجوال وابوه ماخلا مكان راح المانيا يعالجه مافي فايدة الورم كان عنيف ومنتشر ومتمكن من حنكه واغلب جهة الرأس والحلق !
المهم نحف بشكل مخيف لدرجة لمن جا من السفر رحت له لاهله وشفته خفت والله مو هو وش ذا عظامه طلعت وعيونه من السهر يا قلبي انا صحت وجلست ابكي واخواته بكوا معاي وهو كمان قلي تعالي كيفك وكيف الاولاد قلت طيبين قال مو قلت لك لاعاد تجين الا بهم ؟؟ قلت ما ,,, تعبانين .. قال تجيبينهم بكرا .. وحشوني ...قلت طيب ...
واستمر على فراشه عند اهله وطبعا امه متعلقه فيه وقالت لي خليك عندنا وصرت انام عندهم وعند اهلي واقوم بالواجب معاه طبعا ..
طبعا اعتبر نفسي ما عشت معاه لانها يمكن اقل من 4 شهور معاه والباقي حوسه وسفريات للعلاج ..
اندهرت حالته وودوة المستشفى وجرعات الكيماوي شوهت معالم الحياه وانا طبعا حالتي حاله ونفسيتي تعبت خلال هالفترة كلمت شيخ وانا ابكي قلت ابغا حل قال اقري البقره ونامي ..
ولمن نمت شفت وحده جعل عينها العمى لمن شافت صورة ملكتي قالت رقبته طويلة بزياده وانتي رقبتك قصيرة ! قمت وهي في بالي بنت فلان ورحت اقول لامي قلت يمه شفت كيذا هالشي صار تذكرين لمن جو ال فلان ووريتهم صور الملكه ,,,مشكله لمن قالت كيذا
قعدت اضحك من الهباله ولا مفروض اقولها اذكري الله !!
وبصراحه اهل زوجي مشهورين بالرقاب الطويله ما شاء الله تبارك الله !
صار اللي صار ,,, تعب وقلت نبضات القلب اخر كلام قاله لي مو قلت لك لا تجين الا والاولاد معاك قلت حبيبي يزعجونك قال عادي ابغاهم يزعجوني . قعدت ابكي وماسكه يده قلت انت مرا طيب مانسيتهم لاتروح وتخليني الله يخليك قال نتقابل في الجنه يا دلوعتي ومعاك القردين الصغيرين ,, قعدت اضحك ودموعي على خدي وهو ينكت لاخر رمق وخلص موعد الزياره وجلس يودعني بنظراته وكلامه حسيت انها النهايه وفهمت ان معد بقي شي قلي ابغاك تشربيني عصير برتقال عطشان وشربته عصير ووقلي مع السلامه بتوحشيني كثير ترا ,, قلت وانت بعد قال تعالي اقولك شي لاعاد تبكين قلت مقدر ما تهنيت فيك ولا شي قال قلت لك لنا لقاء في زمن اخر . قولي ان شاء الله قلت ان شاء الله وابكي .. قال عارف ليش تبكين قلت ليه ؟ قال تحسبيني ببدلك بالحور العين ؟ قمت اضحك من جديد يا بعد الدنيا ..
قلت انت من جدك ونضحك ... يلا روحي خصلت الزياره ابغا اصلي واقرا .


ومات حبيبي العزيز .. في المستشفى طبعا ماشفت الجثه ولا ودعته ولا شي لاني كنت طريحة الفراش .

عشت معه بس اربع شهور في بيت واحد !
وباقي الايام الين مات في بيت اهله والمستشفى !
----------------------------------------


ما بقولكم اش صار فيني

لان يبغالي مجلدات اكتب لكم ,, بس حزنت من جد وحسيت اني فقدت رجال يستحق دموعي تنزل عليه انسان الين قبل يموت يسال عن اولادي!!!!
وابوهم ,,,,,, الله بسسسس !!!!!
مبغا ادعي عليه ,,,!!!!!


,,, وعندي احساس اني بشوفه في يوم ما .. والله عندي يقين انه بيجي .. انا مرا حبيته وحزينه عليه بس دايم اتحلم فيه انه مبسوط ويقولي سلمي على اولادك .
عشان كيذا صرت اطيب من اول لله الحمد



وجلست اقول انا السبب ياليتني ما اخذته لاني ظلمته لمن جته عين حاسد من طرفي ,,
بنات كثير لمن سمعوا انه خطبني قالوا مطلقة بولدين تاخذ عزابي خير!!!!!
اعوذ بلله من الحسد !!!
وصرت اهلوس كثير والله صرت انام في الحمام واكلم نفسي ,, وابكي عليه كثير
والله خسرت رجال ... بس الحمدالله على كل شي


والله يا بنات ودي ان شريط الحياه ينعاد ..
ودي اني من البدايه ما وافقت على ابو اولادي
ماكان صار اللي صار,,

لكن الله يرحمه وويرحم كل ميت وانا لله وانا اليه راجعون .
وهذي قصتي والسلام .

ارجوكم ادعو لي ربي يفرج همي ويزيح عن قلبي الحزن والغم .

قضاء وقدر يا قلبي قضاء وقدر احمدي الله على قضاءه وقدرره ولا تجزعي اتقربي من الله اكثر حبيه خليه هو كل شي بحياتك حتسيبي كل الناس ،،،،، وادعي لزووجك دايما واتصدقي عنه واعتمري له لا تقصري حبك الحقيقي ممكن يوصله بأعمالك اللي تقدميها له ،،،، لا تنسيه اكفلي يتيم على نيتك ونيته كللل يوم تصدقي على نيتكم انتوا الاثنين ،،،،، استغفري له دايما لو تحبيه حب حقيقي اعملي عشانه اعمال وراح يعررف عنها ويعرف انها من زوووجته وريه انك على العهد ،،،،،، اخر شي تفائلي وثقي بالله ثقه عمياء ،،، الله لا يبتلي الا بقدر الاحتمال ولا يكلف الله نفسا الا وسعها ،،،، اسأل الله ان يسعدك في الداارين ،،،، ولا يوريك بأولادك مكروه ويزوجك بزووج صالح يعوضك ان شاء الله امين ،،،،، اختتتتك anan1919

الله يرحمه .لا تتندمين على شئ فاات ما ينفع الندم انا كنت بس اتندم واتحسر خلاص الزمن مو راجع فكري بالمستقبل واهتمي بأولادك والله يهدي ابوهم ويغير حاله يرجع لك الله يفرج همومك وهمومنا ويبعد عنا الحزن جميعا .

الله يفرج همك ويزيل عنك الحزن ويعوظك خير