لو تشوفون الكشرة بس هذا الله يسلمكم أحب الأكلات الشعبيه ومن مشجعيها
وأضبطها و لله الحمد منذو مبطي ... إلا هالمرقوق نشف ريقي الله ينشف ريقه
ياهو يطيح وجهي خاصة من عمتي خخخخخخ لأنها عارفه إني ما أسوي إلا مراصيع هع هع
وهذا لأني ماأعرف أرقّ العجين وألعب بها بين يديني < أهم شي عندها اللعب
ودايم أرى في نظراتها السخريه والمكر خخخخخخخخخ يالبى هذاك الوجه بس < تحبها وتموت فيها
فصرت أجرّب و أجرب حتى ضبطته < وطبعا أجرب في رجلي خخخخخخخخخخ
و ماضبطته إلا وأنا برا السعودية خخخخخخخخ .... رحمت زوجي وهو يقول نسيت أقول لأامي إني متعشي مرقوق < يب يبشرها إني مب رفلا ههههههه
خخخخخخخخخ .... وهذاك اليوم مبسوط يقول أبيك تصلحين صحن تسبير أودّيه لربعي خخخخخخخ
إيه ... الحين بتودّيه .. وللا أول متفشل خخخخخخخخخخخخخ
ياليت قلبي لك عصيده ومرقوق *** والروح لك خبزه وحبي لك إيدام < بالله كف
يا كثر هذرتي بس .... خل نبدأ العمل
المقادير
كاسين دقيق أسمر فاخر وتعجنينها بماء بارد وبس تتركينها على جنب
لحم ولا غير اللحم .... مدري يكف يصلحونها بعض الناس بالدجاج و التونه ياشق جيبي عسى مايسوونه بالسمك بعد
طماطم مقطع صغير وباذنجان وفاصوليا وكوسة < ماكان عندي قرع
بصله مقطعه وملعقة بهار مشكل وملعقة حبة البركه وملعقة حلبه وملعقة كركم و حبة لومي
اللي مايحب الحلبة لا يحط < أحسها شي أساسي خخخخخ
طبعا ملعقة كبيرة صلصة < وإذا حبيتوا لا تضيفونها
طريقة العمل
كشنت البصل بعدين أضفت الطماط لحتى يذبل وبعدا أضفت البهارات والحبة السودا و الكركم والحبحر و اللحمه وخليتها تتسبك شوي
في هذه الأثناء
نلتفت للعجينه
و قسمتها طبعا وأنا مبلله يدي ( لأن العجينة دبقه ) لأقسام مثل هالصورة تحت
وتركتها ترتاح 10 دقايق
بعدها بديت أرقها بيدي .... أول شي على الصحن مثل الصورة
وثم أرفعها بين يدي الثنتين وأنقلها من يد ليد وإنتبهوا تفرقون بين أصابعكم لا ضمّوها عشان ما تتقطع العجين
لا أحد يضحك على أصابعي خخخخخخخخخخ
و إفتحي غطا الزدر وحطيها على وجه المرق < لا حطّيها على غطا القدر
و إرجعي غطي القدر
وسوي في القطع الباقية نفس الطريقه ... طبعا تستخدمين ملعقة خشب عشان تزيجين كل رقيقة عن طريق الثانيه
و إنتبهي تقطعيننها وتعجنينها خلّيها على ماهي عليه .... زينتها مححتفظة بشكلها مب جريش ولا كبسه خخخخخخخ
وهذي هي مرقوقتي ... ياحلوها في الشتا و البرد < لا تشرهون علينا برد عندنا
رشي عليها سمنة وشوي فلفل أسود مطحون
وهذي مرقوقة عمتي خخخخخخخخخخ حاطّة معها حليّبه وماحطت صلصة < سعبلت