ياليت لو قلبي قلب طفله

السلام عليكم وشلونكن عساكن بخير صراحه حبيت اشكي لكن عن وضعي انا امراءه متسامحه ولا احمل حقد بالاغلب على احد اساء لي يعني انسى اللي صار لي واقول الحمد لله ان طبعي كذاء بس هالحين ماادري ليش بديت اتغير صرت اشيل بقلبي يعني اعطيكم مثال انا عندي ولد عمره ست سنوات واختي عندها ولد عمره سبع سنوات بس ولدها شري ودائمن يجيب المشاكل ويتخانق مع ولدي وهي الله يهديه ماتقول ولدي غلطان دائمن تخلي الاطفال الثانين هم الغلطانين وابنها اللي مايخطي وهالشي يضايقن بس مااحب اتواجه معه لاني مابي المشاكل بس صرت اذا عرفت انها تبي تجي اتضايق مو علشانها علشان ولدها والله شلت بقلبي على اختي مع اني اجاهد نفسي اني اتغاضى واقول لازم مااحط عقلي بعقل الاطفال بس عجزت حتى خواتي الثانيات يعانن نفس المشكله لأن اختي هي الكبيره وصعب التفاهم معها بس اللي اتمناه ان قلبي يكون مثل قلوب اطفالنا ننسى المشاكل ونعيش حياتنا خاليه من الهموم وعذرن اخواتي على الاسلوب والاطاله بس حسيت انكن مثل خواتي والسلام عليكن ورحمه الله وبركاته