يعني الحين وش المشكلة انها انسانه تفضفض عن اللي تحسه
وبعدين شلون عرفتي انه بعض العضوات يكذبون علشان تكسب عطف العضوات
يفترض اننا نحسن الظن باخواتنا
وتكفير العشير شي وبحث على الجمال شي ثاني
يعني اللي زوجها يعايرها بالسمار او بالجسم تجلس خلاص واقفة مستسلمه ماتدور عن الحل
وترى الرجال يبحث عن الجمال مو بس الاخلاق ولا ماكان يناظر في الفنانة الفلانية والممثلة العلانية الا لجنالها مو لاخلاقها
ان كان الرسول عليه الصلاة والسلام قال انه المراة تنكح لجمالها ومالها وحسبها ودينها
ووش المانع اني اكون جميلة وعلى خلق ودين
الله جميل يحب الجمال
مافي مانع نفتح بشرتني اللي بالاساس بيضا لكن انعدمت مع الشمس
او ابحث على اي جمال من غير ماعمل عمليات تغير في خلقتي
لو كل العالم تشهد لي بالجمال الا زوجي واله انه شي يقطع القلب
بعدين مدري وش فيكم في هالقسم تبون تعملون حملة ضد الجمال
يعني لاتطلبي البياض لاتطلبي .....................................
يعني الحين وش المشكلة انها انسانه تفضفض عن اللي تحسه
وبعدين شلون عرفتي انه بعض العضوات يكذبون...
لكن انا اشجع ان الوحدة تدخلتقدم مشكلتها وتطلب لها الحل بدون ذكر اي شيء عن تذمر ازواجهم
لان الصراحة بعض الحريم هنا كانهم متزوجين وحوش مو رجال ......اللي يسمعها كلام زي السم وساكته له
واللي يتغزل في جمال المذيعات والفنانات قدامها ورد فعلها الوحيد تنزل كم دمعة والا بس تناظر
مستسلمات بطريقة ساذجة وغبية كمان للاسف
انا ما اقول نافخيه او ارفعي صوتك في وجهة واشتمية وازعلي وروحي احردي ببيت اهلك
لكن اقول ناقشية بود وعقل كبير وواعي .... وفهمية ان لكل مراة جمالها الخاص و بيني له ان انتي من يوم تزوجك جمالك طبيعي بد\ون جراحة ووصل شعر وعمليات ....يعني انتي طبيعتك من ربنا حلوة وانثى لها جمالها الخاص
لكن الفنانات جمال من تحت مشرط الجراح ومبالغ خيالية تندفع وراها مقابل كم فيديو كليب عاري او اغنية ماجنة عشان ينعرض هالجمال المصطنع لكل رجال العالم
بالله اي وجهة مقارنة حاطينه ازواجكم بينكم وبين هالسافرات ؟؟؟؟؟
واصلا قبل كل شي الوحدة لازم تفرض احترامها على زوجها وتفهمو انها بني ادمة مشاعر واحاسيس مو بس جسد
لازم من التعامل الانساني وتقدير الطرف الاخر لان الطيبة والاخلاق هي اللي تعمر بيت وتنشيء اجيال اولاد وبنات يفاخر ابوهم فيهم وفي حسن تربيتهم قدام الناس .
احمد شوقي الشاعر قال : الام مدرسة اذا اعددتها ........اعددت شعبا طيب الاعراقي
الحين في ازواج ما يطالع لتضحيات زوجته وتعبها في تربية عياله ......همه الوحيد يبي فاترينه والا ما نيكان ويسميه هيفاء وهبي !!! والاخلاق .... اخر همه .
والله ازواجكم تقدرو بذكاءكم تعدلونهم وتقلبونهم 360 درجة مو بس 180 .....بس المسالة يبيلها ذكاء وحنكة