يامتزوجات...لدي سؤال....ممكن تدخلوا؟؟

ادري اني ابلشتكم من يوم دخلت المنتدى وانا صاجتكم ابي خلطات وشي يبيض اللي بين كذه ويوخر الحبوب الي في كذا ...وشي يصلح الشعر وشي يفرد الكشة وينعم الرجلين ويشيل اللشعر الزايد بالوجه والجسم...ووووووو


الحاصل اني فعلا نفسيتي متأزمة بسبب اني مقبلة على زواج ان شاءالله...

وانا شكلي ابعد مايكون عن شكل بنت...

فوزني زائد (وانا الآن ماسكة دايت ولله الحمد) ومنطقة البطن عندي مترهلة بسبب اني كنت اتمرن من قبل تمارين عنيفة وتركتها من يجي سبع سنين او اكثر...

اضافة الى مشاكل كل الحريم : بقع بين الفخذين والمؤخرة ...آثار حبوب شباب خفيفة في الإبطين..ومكان البرا فوق الكتفين كذلك مأثر فيني..وتشققات مابعد الريجيم (المفروض تصير بعد الولادة بس انا شكلي كني حملت وولدت ثنعش بزر قبل اتزوج ههههههه)
شعر زايد في الوجه والجسم بسبب علاج هرموني قديم..
وووو وش اقول بعد...

تصبغات في أقدامي (خصوصا في الأصابع ) بسبب اني عالجت ثآليل من قبل بحمض السلسليك وسود المنطقة المصابة بشكل مفزع....بحيث خلاص صار السواد من لون الجلد نفسه مو جلد زايد يعني ينفرك ويروح بالتقشير ...
كذلك ايديني فيها سواد على المفاصل الصغيرة حقت الأصابع...
ركبي اللهم لك الحمد مايحتاج اقول....

علما بأن المشاكل عندي ليست عندي وحدي ولكن عند كل الحريم...

ابي اعرف هل ...هذه البقع وهذه الترهلات والخطوط البيضاء...هل يلاحظها الزوج اول زواجه؟؟

اعني هل ينقد عليها؟؟

من واقع تجربتكم يابنات ارجو ترفعوا معنوياتي..

الكل من حولي يقولون لي كلمة وحدة ماتتغير : والله لما يحبك ياهيا ماراح يضرك لو انك غولة ...

ولو مايحبك لو انك ملكة جمال ماراح يشوف فيك جمال..


لالاانا ماابي كلام مجلات وجرايد ابي كلام حريم مجربات...

هل فعلا هذي العيوب في جسمي لاتضرني؟؟؟

علما بأني ابذل مابوسعي؟؟

ادعوا لي يابنات الله يرفع معنوياتي ويصلح من حال شكلي ويزيني في عين زوجي ويجعلني قدامه حورية مافيه اجمل منها (وحدة طماعة)...

آمين يارب...

ادري ربما تحسون موضوعي ماله داعي...بس فعلا من كثر الآلام النفسي فيني ماعاد قدرت اصبر وقلت لازم على الأقل افضفض لكم لعل وعسى القى حلول سريعة ومجربة ان شالله..