يامحماااااااد هات دفتر أبو 40 ورقة ......(( قصتنا بالمكتبة ))

سلااااااااااااااااام عليييييييييكم ورحمه الله وبركاته
أهلين وسهلين حيـــــــــاكم الله في موضوعي الثاني بالترفيهي 00 عاد تصدقون أنا لي ثلاث سنوات
ونص أدخل هالمنتدى وكل الاقسام تقريـبا أدخلها الا الترفيهي ليش ماادري ويوم اني سجلت صرت معسكرة
هنا هع هع هع شكلكم مسوين سحر هنا هاااااه اعترفوا !!!!!
المهم <<< هادي بالدات احتمال تلقونها بمواضيعي دايم ،،،، المهم موضوعنا اليوم حيكون عن الــ:


Back to School

أكيد كلكم أو أغلبكم عالاقل زار المكتبة هاليومين وتقضى منها أدواته المدرسية << عاجبتني هادي
وأنا منكم صحيح أني بالجامعة ولو مارحت للمكتبة الا بعد 3 اسابيع عادي مافيه مشكله سديق كله كويس
بس أختي مال انا ادرس سانوي قالت مال انا لازم قمووووووضة رووهي سوا سوا انا عسان انا مايعرف
استري كل سي لوهدي<< بالله وش جاب الهندي هنا
المهم واروح مع اختي امس بعد صلاة المغرب (( لولاحظتوا امس مادخلت للمنتدى بعد المغرب لاني
كنت بالمكتبة)) <<< اقول اهجدي بس ماحد داري عنتس
المهم ونروح وندخل للمكتبة ( لااحد يسأل أي مكتبه لاني مانيب قايله ولاتدرون اللي تبي اسمه ترسلي عالخاص خخخخخخخخخخخ) وندور ونلفلف نبي قسم
الدفاتر<< اكيد اهم شيء وننصدم ديك الصدمة
يووووووووووووووووووه
يااللللللللللللللللللللللللللللللللللللللللللللللللللللله
وش هالزحممممممممممممممممممممممممممممممممممممممة
قسم بالله زحمة فضيعة لا وبعد حريم ورجال عززززز الاختلاااااااااط
ودي تناظر النوووتات وهادي ماسكة كم دفترودي ماسكة جواله وترسل مادري تبلتث الله اعلم ودا رجل واقف من بعيد مدري وش يبي << منقهره
المهم وادخل بهالزحمة واسبق اختي وانا عاد مانويت اشتري جايه مرافق مع اختي واقعد اناظر
بهالدفاترواستحيت يوم الناس تناظرن وش تبي دي ؟؟ جايه تزاحم؟؟ << حقدوا
مير اخدلي كم دفتركني يعني ابيهن والتفت ادور اختي
هه! وينه ! وين راحت !!؟
أثره مابعد دخلت للقسم حق الدفاتر واقفه بعيد ماتجرأت تزاحم الناس مير احاول اطلع ويومني طلعت
هه! وين البنت ! بسم الله ( وربي زحمه مع انه ثاني يوم)
واخيرا لقيته دخلت القسم يومني طلعت واشوفه جوا وانا برا خخخخخخخخخ << حاله
وادخل مره ثانيه للقسم (( لاتصدقون عاد انه قسم كبير ماغير زاوية حاشرين فيها دفاتر + أوادم يشترون من هالدفاتر))
ويوم اني دخلت مره ثانيه للقسم اقصد الزاوية بعد جهد جهيد القى اختي تدورن وهي تمشي وانا الحقه من ورا
وهي ماتشوفن الين اخر شيء التفتت وشافتن ويوم تلاقينا ماقدرنا نمسك انفسنا من الضحك خخخخخخخخخخ قسم بالله ملاحق
غمووووضة: اللحين ساعة عشان تشترين وش بتس ماغير طايره عيونتس بالناس
اختي: خلاص مابي شيء مااعرف اشتري بالزحمه ماقدرت تبينن اصقع بالناس<<رقيقة
انا: يالله مناك << عصبت
انا:يالله بس اشتري وش رايك بهادا ولا دا شوفي لونه وش زينه
اختي : لا لا لا مايصلح
انا: ليه وش تبين بالضبط اجل؟؟
اختي : ابي دفتر مربعات للرياضيات واحد فصل وواحد واجب
طيب اجل اصبري اسال الهندي عن دفاتر المربعات
انا: لو سمحت (مااطيق اللي يقولون يامحمد) وين دفاتر مربعات؟؟؟
الهندي: هنا هنا شوفي
ويأشرلي على رف ويالله نروح ونبدأ التدوير ونقلب بهالدفاتر اخر شيء تربعنا << لازم نروق عشان نختار زين
ويجون شباب اثنين ويقعدون فوق روسنا يدورون لهم دفاتر مربعات << هنا عاد جاني الصياح
ونعجز نقوم لاننا لوقمنا صقعنا بهالشباب اللي فوق روسنا
( انا من هنا ومن هدا المنبر اناشد المسؤلين واصحاب المكتبات الفضلاء بتخصيص قسم للعزاب وقسم للعوايل) خخخخخخخخخخخخخخ
اخر شيء ابشركم راحو وتنفسنا الصعداء<< متعوب عليها ترا
وقمنا نكمل بقيه الدفاتر غير دفاتر المربعات وحنا ندور نسمع بدوي شكله طفران وزهقان بالحيل يقول
للهندي:ياصدييييييييييق وين دفتر العنقلييينزييي
ويمطها ديك المطه الله لايوريكم شكله مسحوب من فراشه عشان يجي يشتري خخخخخخخخ
حتى ان ثنين من الشباب شكلهم سمعوه وعلقوا عليه وضحكوا
الشاب الاول: اجل عنقلينزييي
الشاب الثاني :خخخخخخخخخخخخخخخ
المهم ابشركم شرينا دفاتر لاختي وانا شريت دفترين عشان ماارجع ثانية ولواني اعرف اصور كان صورتهن لكم ووريتكم اياهن بس مااعرف (( كان ودي احط بالماضوع صور ومؤثرات صوتيه (ايه هين) بس يالله مايجي كل شيء مرة وحده))
وقربت صلاة العشاء واعلنوا انه يبي يصكون للصلاة مير اقول لاختي انتي روحي للكاشير امسكي سرا وانا رحت ابشتريلي قلام وابشركم شريت


عدد ثنين قلم أزرق يونيبال سائل
عدد واحد قلم أزرق ناشف
عدد واحد قلم أحمر
عدد واحد قلم أخضر
وانا امشي بالمكتبة ماأدري الا اختي جايه
اختي: يالله تعالي الكاشير حاسب
انا: يوووووه امداه مع كل هالزحمة يوصلنا الدور
اختي : ايه يالله تعالي بسرعة فشيله خليته واقف وجيت
ونروح للكاشير ونلقاه مخلي اغراضنا على جنب ويحاسب لوحده ثانيه<< محد قالكم تروحون
وتجلس اللي قبلنا تحاسب ساعة وترجع شي همن تهون وتاخد شيء ثاني حسرت بنا
واخيرا جانا الدور وبدى يحاسبنا << هنا انا كنت فرحانة اشوى ان الغطا فيه ولا كان علوم
وحنا نحاسب جا واحد معه اخوه الصغير وطاحت عين اختي عليه مادرينا الا وهو قاعد يزين السكبه <<بالله ماينرحم خخخخخخخخخخخ
وبس سلامتكم

يالله اللي صار لها موقف بالمكتبة تقوله ولو ماعندها تقول لنا
وش شرت من المكتبة <<<<خخخخخخخ مافيه فكه