ياناس ماأأيد الطلاق وضده لكن ربي ليش حلله ؟؟

لا تجي وحده مدحمره وبيدها قناااااااابل ومدري وشو تهاجمني وتفجرها بموضوعي
لانه هالاسلوب اللي تميزنا فيه احنا الحريم
كل شيء ولا تتهاجمين على الرجال
اقري موضوعي زين وياليت بعقلش قبل قليبك اللي صار مسجون بقضبان الزوج اللي مايستحق لفظ الرجوله

انا ماأأيد الطلاق ولا اسعى له وكلامي ذا مو على كل الرجال لا على فئه للاسف مايستحق لفظ الرجوله هو بطريق وهي بطريق
كلامي ذاااااا لاشباه الرجال اللي مالين وسطنا الاجتماعي اللي مايستحق ينرفع فيه الراس
ليش رب العالمين احل الطلاق ووضعه ابغض الحلال


متى ماوصلت الحيااااااه لطريق مسدود ماعادت حياه صارت دمااااار شاااااامل

وهذا حنا يالحريم اصبري اهم شيء لا تطلقين عيشي لو تحت رجلين الرجال اهم شيء لا تطلقين
عيشي لو بحجيم بس اهم شي لا تطلقين
عيشي لو بالذل والاهانه عشان بس لا تطلقين
عيشي وبس عمركم سمعتوا احد ينصح عيشي بس بشرط انك تغيرين انك تصلحين
انك تبنين وتهدمين الغلط انك تعرفين وش لك وش عليك انك توقفينه عند حده لما يتجاوز حدوده

لا بس لاتطلقين والله هذي ديدننا
وشهو له انخلقنا بس عشان نعيش تحت رجلين هالاشباه
لا والله انا وانتي انخلقنا عشان نعيش الذل تحت رحمة رب العالمين مو تحت يدين هاللي مايخافون الله

ليتنا نعني بهالشيء انه ابغض الحلال ومدري وشو لا والله مايخطر على بال وحده عشان بس خاطر هالرجال
اللي رضينا نكون عبيد عندهم ورب العالمين خلقنا احرررررررراااااااااااااار
نااااار زوجك ولا جنة اهلك
وش هو النار اللي تبوني اعيشها نار القهر والهم والذل والظلم
هالمثل ينطبق على اللي صدق رجال ناااااااره انه يحترق عشان راحتي
ناره انه لو بطش وقسي مايوصل انه يغضب رب العالمين ويصير وحش كاسر
ناااااااااره انه يولعها عشان ينور طرقي ويسعى للاستقرار وللراحه وللهدوء

مو نااااااااااااره اللي تحرقني وتخليني رماااااد جثه هامده لا حياة لي الا تحت رحمته اعوذ بالله

لا تطلقين والله الناس ماراح يرحمونك عساهم لا رحموني لا دنيا ولا اخره ولا عيشه مع انسان مايخاف الله فيني
عشان بس المجتمع وش يقول عنك اويلااااااه مطلقه لا اصبري ياشيخه ظهر رجال ولا حيطه
بالله وينه هالظهر اللي يستحق اني اجلس عشانه وينه هالظهر اللي محوطني بامانه وينه هالظهر اللي اشد به الراس وارفع به راسي
وينه هالظهر اللي معيشني ذل واهانه وضرب وخوف وصريخ وخييييييياااااااااانه وحياة دمار دافني فيها وقالوا ظهر
بالله وش نوعية هالظهر اللي استند به مطااااط والا وشو
بس اهم شي لا تطلقين

طيب وش هو له تزوجت بالله اتزوجت عشان استقرار ورحمه ومودة مابيننا عشان حياه حلوه
مافي حياه كامله ولابد من المنغصات بس منغص عن منغص
اجل تزوجت عشان بس ناقصه قهر وظلم وحزن وهم وقلق وفلة راحه وعذاب نفسي ومعنوي وجسدي
تزوجت عشان حياتي تنتهي وافراحي تنتهي بيدين هالرجال اللي مدري وش يسمونه حرام فيه رجال
تزوجت عشان ادمر طهر قلبي وصدقه ووفاه وحبه بيدين انسان خاين لعاب

اجل بنظرك ليه ربنا حلل الطلاق
عشان لما توصل حياتنا لبيبان مقفله بستمية مليون مفتاح وماعاد فيه امل تنفتح ربنا احله رحمه لك انتي عشان تروحين تشوفين حياتك عشان تخرجين من اسوار الحزن والهم اللي ربنا امرنا نستعيذ من الحزن
عشان تتحررين من غلبة وقهر الرجال اللي برضه ربنا امرنا نستعيذ من غلبة الرجال


لما توصل حيات المره ضرب واهانه وترفيس وتكفيخ تقولين حلبة مصارعه يمكن المصارع يفلت بجلده له وقت وتنتهي واسمنه رجاااااال جلده وعضلاته وعظمه وقوته تتحمل الضرب مو المره الضعيفه اللي اوصانا الرسول صلى الله عليه وسلم رفقا بالقوارير
لكن هي لو عشرين سنه اللي نذل ومتعود على مدة اليد ماراح ينكف عنها ومارح ينفلت جلدها من تحت جبروت ايدينه
لما حياتنا توصل لخيانات وزنى وذنووووووب عظيمه ورجل افكاره الله بها عليم حتى الحق الشرعي غيروا مساره من دنائتهم وحقارتهم
لما تكون حياتنا بدل رضى رب العالمين غضب لرب العالمين

بنظرك اعبش في الحثاله ذي واعتذر عن حثاله لانها مافيها اي مقومات الحياه الاسريه السعيده الناجحه واكمل حياتي بس عشااااااان لا اتطلق


لا والله الطلاق ارحم من هالعيشه ارحم من الذل والحقاره ارحم من عفونة الذنوب والمعاصي اللي باعيش بها
الغلط مو اني طلبت الطلاق وفلت بجلدي وحررت نفسي وذاتي من الذل
الغلط انك ترضين الغلط على نفسك ترضين الذل والظلم والاستعباد لذاتك

لكن مجتمعنا صااااار اللي يدور ورى الحق ويتبعه ياكلوه بقشورها لكن اللي يرضى بالظلم ويسكت عليه هو اللي صح

ديننا متكامل مافيه نقص ماترك شارده ووارده الا بينها لنا ووضحها لنا والله عالم بحال البيوت الزوجيه وعالم انه يتخللها عيوب ماتنجبر فحلل الطلاق
وماضيعنا الا غبائنا فعلا وصلت للغباء المستفحل مانعرف وش حقوقنا الزوجيه وش لنا وش علينا نعرف بس حقوووووووق الرجاااااااااال وعندنا كل شيء حق له
الضرب يحق له
الخيانه يحق له
الذل والجرح والجبروت يحق له
يغضب ربنا يحق له
كل شيء جاااااااز لنا ماجاااااااااز لنا
اش بك ذا رجل
وش هالرجوله اللي وصلت للهاصوره والله انه الرجوله ومقوماتها متبريه منه ليوم الدين

ولا عشان اولادي مو مشكله فعل فكري مليون مره عند الطلاق من اجل صلاح اولادك

طيب لما توصل حياتي مع هالشخص دماااااااار شاااااامل لاطفالي
دمار شامل لاخلاقهم
دمار شامل لنفسياتهم
دمار شامل لمعتقداتهم الدينيه
دمار شامل لثقتهم ولحياتهم
بمعنى هنا جالسه ادمر اولادي بوجودي معاه مو جالسه ابني عشانهم
وش ماكان يبقى ابوهم ويتأثرون فيه وش ذنب اطفالي يتدمرون عشان بس لا اتطلق عشان الناس والمجتمع والمصيبه الأعظم اذا كان بس عشان باقي احبه
وش هالحب اللي يرضى يعيشك هالذل والدونيه




ياحزني على بنات جنسي من الظلم اللي يعيشون فيها ومن جهلهم بحقوقهم وواجباتهم اللي يطلبون الرجال من تحقيقها