ياهل الخير طالبة مشورتكم..أشيل اللولب والا أخليه؟؟!!

اختي عادي انا يوم ركبت اللولب قعدت 4 شهور والدورة غزيرة في الايام الاولى وتستمر اكثر من 8 ايام بعدين صار الوضع عادي اما باالنسبة للافرازات ماعندي اي خلفية عنها .

مرحبا اختي المسافرة انا مريت بنفس حالتك وظليت تقريبا 6 شهور على هالحال وحتى الدوره بالاول تتعسر عندي ثلاث ايام بعدين تنزل قويه والحين الحمد لله الدوره تحسنت والافرازات تقريبا اختفت تحملي كلها فتره انشاء الله وتعدي على مايتعود الرحم على هالجسم الغريب اللي فيه والله يعينك :26:

واللة خوفتينى من اللولب وانا كنت ناوية استخدمة بعد رمضان................
لية كل حاجة احنا الستات تتعب فيها يعنى نتعب فى دورة .......ثم زواج.....ثم حمل ..........ثم ولادة ..........ثم وسيلة لمنع الحمل..............ربنا ياجرنا على تعبنا

والله يا اختي المسافره انا ركبت اللولب مرتين وفي كل مره بعد سنه بالضبط يصير حمل لانه نتيجته مو مضمونه ميه بالميه لانه يتحرك من مكانه . اما عن الافرازات ما صارت عندي والحمد لله . وانا حاليا آكل حبوب جنيرا بصراحه اضمن وممتازه .

مشكورات خواتي عالردود الطيبة هذي..

الأخت متغلية.. ماشالله عليج انتظرتي 4 شهور وأنا صارلي شهرين ونص ومب قادرة أتحمل.. حتى بعد العشاء كنت معزمة أسير أشله بس الوالدة قالتلي أسألي الدكتورة قبل.. قلت أسألكم أحسن عشان أعرف.. عالعموم يزاج الله خير عالرد..

مشكورة الغالية كنافة بالقشطة ( أمممممم محلى أسمج ) عالرد وتوني أقول للمتغلية انها زين انتظرت 4 شهور.. طلعتي أنتي أكثر معانية.. الله يعينج.. ياختي مادري بعدني مب عارفه.. بشوف ان شالله.. والله يعطيج العافية..

هلا وغلا أختي mishmash .. شفتي عاد كله علينا.. وماقال النبي عليه الصلاة والسلام أمك ثم أمك ثم أمك الا فيها حكمة سبحانه الله.. وبعد الجنة تحت أقدام الأمهات.. يعني هي اللي تعاني ياحليلها.. نسيتي ......................الوحام بعد.. الله يعينا ان شالله.. وترى لاتحاتين بالنسبة للولب ترى الأجسام تختلف.. وكل وحدة غير عن الثانية وأنا صارلي هالشي وبصراحة طفشانة..


تحياتي لكم.. وأبقي زيادة ردود تفرح وتطمن القلب..