مشكورة الغالية عالرد.. ماشفتج قبل.. أعتقد أنا وانتي نرد بنفس الوقت.. عالعموم ماقصرتي.. والله هذا اللي خايفة منه.. لأنه بالبداية كنت ما أحس بالخيط يعني فوق شوي.. ألحين أحسبه تحتتتتتتتت وايد.. عشان هالشي أنا خايفة بعد بس من فترة الدكتورة قالتلي عادي.. كل شي طبيعي..

أنا مفكرة بالحبوب بس أخاف منها انها تفتح النفس.. خبريني عن اللي عندج وهل تنفع مع الرضاعة.. أعتقد النوردت أحسن وأخف نوع؟؟ بانتظار ردج..

اهلا اختي المسافرة
انا كنت مركبة اللولب وضل فيني لمدة اربع سنوات ..
في البداية استمر معاي النزيف اكثر من ثلاث شهور كانت تقول لي الدكتورة هذا شي طبيعي لان الرحم يبي له فترة لين يتعود على اللولب لانه بالنسبة له جسم غريب فيحاول انه يرفضه..
طبعا مساؤه معروفة وهو غزارة الدورة الشهرية وطول مدتها عن الوضع الطبيعي..
الحمدلله كنت مرتاحة مرة على اللولب لا موانع حمل ولا حبوب ولاخوف ولاهم..
لين اخر شي صارت تجيني الام فضيعة مرة عند الدورة لدرجة ماكنت اقدر امشي ..
وبعدها اضطريت اشيلة وكلها كم شهر وحملت وانا الان حامل بالشهر الخامس ..وهذا من افضل مزايا
اللولب يعني في اي وقت تبين تحملين تقدرين تشيلينه وبأذن الله يصير حمل على طول بعكس الحبوب ..
اسفة طولت عليك بس حبيت افيدك..
تحياتي لك :27:

نفس الي صار معي

بس الفرق ان الدكتوره ما نظمت دورتي بل اول حطت لي اللولب وانا الدوره تجيني كل 12 يوم في بعض الدكاتره ماعندهم ضمير

والمشكله موجوده كثرت الدم وووووووو

اتصوري انزلت علي 26 يوم برمضان الي قبل الي راح

وقلت يمكن يبيلي فتره الين لاجسمي يتقبله وبعد ما ركبته ب 8 شهور رحت عند دكتوره شالته لي على طول قالت بالبدايهلازم ترتاحين بعدين نرتب الدوره

قصة حياتي ....

بس اهم شيء تنتبهي مو اي دكتوره شاطره في التركيب
وكل 6 شهور راجعي وشيكي عليه

وماتشوفين شر ابددددددددددددددددددددددد

فعلا لازم متابعة اللولب الدورى عشان يرى الطبيب وضعة وهل تحرك من مكانه ام لا؟؟؟واكيد الاخوات اللى حملوا عل اللولب لم يكونا بفحصن بشكل دورى...

لا شك ان اللولب يزيد من مدة الدورة ومن كميتها ...واحيانا بعض السيدات لا يتقبل جسمهن اللولب ويسبب لهن نزيف حاد...لذلك لو شعرتى انك غير طبيعية و ان عندك نزيف يجب اخبار الطبيبة فورا...

بالنسبة للافرازات هل هى افرازات دموية ام عادية ؟؟؟؟؟؟؟ واحب اقول شىء كمان ان ممكن السيدات اللى مركبة لولب عند بذل اى مجهود ينزل منها دم غير الدورة ويكون سببه المجهود الزائد...

وانا شخصيا مركبة لولب من حوالى 4 اشهر وكان عندى افرازات دموية تنزل منى بكثرة والطبيبة قالت لى هذا طبيعى لكن لا تتعبى نفسك وتقفى كثيرا لكن بعد شهرين تحسن الوضع واصبحت الدورة تاتى فى ميعادها والحمد لله وارتاح جسمى علية ...وان شاء الله كم يوم واجرى فحص علية لاتاكد من وضعة فى مكانة السليم...

بالنسبة اختى للافرازات طالما ليست فى ميعاد الدورة تبقى استحاضة لذلك تغتسلى ثم تتوضئى وتصلى وتصومى عادى جدا...شكرا

أختي أنين.. والله زين صبرتي 4 سنوات عليه أنا من ألحين ماله منه بس ماعارفه شو أسوي بديل لمنع الحمل..
على طول ألحين شاغل بالي اللولب مع اني كنت مصرة عليه قبل.. أقول اللي بيسويه لي عادي بس ما أحمل وألحين طفشانه منه.. والله كريم..

عتاب السنين.. تدرين أنا ألحين من 9 أيام عندي وماراضية تخف.. أول الأيام كأني توني والدة وألحين مثل الأيام الأولى للدورة العادية.. يعني بلى في بلى.. باجر بكلم الدكتورة.. عشان تقولي الحل أو متى أقدر أشيله.. والمشكلة الخيط أحسبه ناااااااااازل يعني مرات أقول بروحي بسحبه وأفتك منه ههههههههههه بس أخاف طبعا.. والشر ماييج أختي..

نورتي بنت النيل.. صح كلامج لازم التجييك عليه.. وأنا بعدني ماصارلي الا شهرين ونص يعني ماشية في الثالث.. وقالتلي كل 3 شهور لازم أجيك.. والافرازات طال عمرج مرات دموية ومرات لونها فاتح.. بس على طول لازم أكون حاطة فوطة.. وهذا بعد مضايقني.. ويمكن بعد من الجهد اللي أبذله ويا اليهال تلاقيني 24 ساعة وراهم.. مشكورة الغالية على ردج.. وان شالله خير..