يا امهات حواء تعالوا ضروري ردوا علي نفذ صبري

السلام عليكم ورحمة الله وبركاته يا بنات يا امهات تكفن ساعدني باللي تقدرن عليه تعبت تعبت من اعيالي

قسما بالله تمنيت لو ماجبتهم اعيالي مربيين ضدي ماراح تصدقون اذا قلت لكم ان زوجي مربيهم ضدي انا ابي كذا لازم هم عكسي حتى اي شي ابيه يقولون لي لا ولا عليه منهم بالعكس يشجعهم اعتقادا منه انه يبرد كبده في

اه اه والله اه جن جنوني اذا جيت من اهلي ينشدهم قدامي وش سوت وين راحت ومن اخذت معها وش اكلن وش تعشن حتى لما اطلع لاي مكان يفصفص جلستي عند اهلي فصفصه معهم ويقول ما عليكم منها علموني بكل شي تسويه حتى اذا اعزم وراح احد منهم معه يقول لاتعلمونها بشي ولا حتى باسم الاستراحه او العشا عند مين بالله هذ تربيه اعيالي صغار ما يدرون بس يموتون فيه اذا سالهم شي يعلمونه ويسوون حركات

معناها انا ندري انك منقهره مثلا اليوم رحت لاهلي وعادي الوضع وزوجي طلع لاستراحه فيها عشا وان العشا عسالهء من جاء ومن قعد يقول ما عليك من العشاء انتي ليش جيتي بدري ويقعد ينشد اعيالي عن كل شي سويته انا واهلي وعيالي شكلهم يراقبون السوالف اللي تدور بيني انا وخواتي ويعلمونه امي قالت كذا وجدتي قالت كذا وطبعا اسرار عائله واقوله انت تصدق بزران وتكذبني ويقولي كذابه وعيالي يرددون وراه ايه كذابه

منصدمه حاسه بحسره مدري وش اقول ولدي لكبير مير خالص ضدي بنات وش اسوي كيف اعلمهم تصدقون اعيال زوجي عكس اعيالي بنتي الصغيره تنشد اخوها الصغير تقول الليله فيه استراحه ( الاستراحه لخاله اخو امه شوفوا الفرق) واخوه الثاني يطير اعيونه ويقول لاتعلم وسكت الصغير وقالت بنتي ترانا معزومين مثلكم بس ودي اعرف اسم الاستراحه

بنات كيف الحل مع الاب وابنائه وانا قلت له ترى تربيتك هذي بتعود عليك بعدين ايدينك اللي ازرعت هالبذره راح تجني ثمار قاسيه انت تربيهم ضدك في المستقبل ولكن انا ربي بيسخرهم لي لان نيتي زينه

بنات انا انسانه رائعه بالمره والله ماهو مدح في نفسي ولكن هذه الحقيقه فايش سر بتربية زوجي لعياله

ارجوكم افيدوني