يا بنات الترفيهي ساعدوني أنا ما أعرف أسولف!!

وينكم محد يبي يرد علي ؟

لا تعصبين كتبت الرد وأرسلته ثم إإنفصل الإتصال لكن الله يعيني أعيد اللكتابه
باختصار لا تكونين سلبيه أوإنطوائيه سولفي مره عن موقف صار بالبيت أوعن مقال قرأتيه بالجريده أوموضوع قرأتيه بالنت أوعن( الطبخ والنفخ ) ومره طلعوا فضايح الطفوله بس هاه مو تكونين ثرثااااااااااااره أو تبدون هروج محشه يعني خليكم في السليييييييييييم ok
(الرد الاول بصور وحركات الحين متنرفزه وكتبته بسرعه )ولكي تحياتي

ما ودي اضحك اخاف ينفصل
عموما دانه عمان انت تقدرين تغيرين هالشئ انت حاولي تتكلمين بس بحدود المعقول مو كذا مره وحده تفجرين الطاقات اللي فيك لا
بالتدريج والشئ اللي تحسين انك ما راح تتندمين عليه لانه اشياء كثيره تتكلمين فيها لما تكونين مكبوته وتتندمين انك تكلمتي فيها لانه خلال ساعه وبيزول الشئ اللي كنت مقهوره منه
ولكن السواليف سبحان الله على حسب طبع الانسان اعرفلك احد اذا جلست معه تملين لانه زيه زي ابو الهول اذا انت سامعه ان ابو الهول اتكلم فهم يتكلمون وفيه احد معتدل وهذا الشئ الزين وكما قيل خير الامور الوسط وفيه احد ليل نهار ما يعرف يسكت
ويسلموا حياتي

حبيبتي دانه اي احد يكتب في حواء لازم يعرف يسووولف

موضوعك هذا اعتبريه سالفه وش رايك تعرفين ولا لا؟؟؟؟

اكيد تعرفين ولا كان ماعرفت تكتبين هالموضوووووع

تحياااااااااتي

هلا فيك دانه...

كيف ماتعرفين تحكين قصدك ماتقدرين تكتبين مثل مواضيعنا اللي نكتبها بطريقتنا؟

طيب هذا انا قبل كان نفس تفكيرك اقول ياحلوو اللطش وكل شوي مسدحه موضوع هنا بالترفيهي على بالي مسويه انجاز انا ووجهي.

عذري ان ماعندي اسلوب واني مااسولف ولا راح اقدر ابد..

طلع ماعندي سالفة..

بس قلت ليه مااحاول اكتب من واقعي مثل موقف صار لي مضحك..او هيك شيئ

والحين ماشاءالله ولا حول ولا قوه الا بالله مسويه زحمه انا ومواضيعي << بتنظل نفسها

وفعلا مشيت على هالطريق وهذاني مااقصر كل ماقدرت وحسيت ان عندي وقت اكتب موضوع كتبته ونزلته بالترفيهي والحمدلله يلقى قبول وهذا من فضل ربي ثم تشجيعكم لي...

انتي حاولي تكتبين بطريقتك مثل موقف حصل لك مضحك.. وشوفي تجاوب الاعضاء معاك راح يكون حلوو ومشجع..

وانا أولهم ياعزيزتي.. ولايهمك كم عندنا دانه..

ومثل ماقالت لك الاخت منو المواقف كثير لاترددين...

تحياتي لك....