يا بنات الحقوني انا خلاص خلصت

كيفكم يا احلى بنات تكفون ردو علي ما لي بعد الله الا أنتو انا يا طويلات العمر تزوجت بعد المدرسة على طول كان عمري 18 و اللي تزوجني قالولي عمره 36 قلت عاد كبير بيدلعني و من ذا العلم المهم و اكتشف بعد الزواج ان عمره 44 اااه كانت صدمه عمري و بعدين عرفت ان معه القلب و السكر و الضغط و كل شي يخطر في بالك غير انه ضعيف جنسيا مرره و والله اني اقعد سبع أو تسع شهور ما يلمسني و عرفت انه كان متزوج قبلي كل أحلامي ماتت و أنا بديت اذبل لكن يشهد علي الله اني عمري ما حسسته بنقص أو اني جرحته بالعكس والله من ليله الدخله و هو يجرح فيني و يسمعني كلام قاسي جدااااا مع انه طيب مره و كريم جدااا و بعد لو بعطيه نسبه من الجمال فهو يأخذ 1 من 10 و انا الحمدلله احلى منه بكثيررر المهم يا طويلات العمر زوجي سافر بعد شهر لأمريكا لان المفروض إحنا نعيش فيها و رجع بعدين المهم جلست على هاذي الحاله ثلاث سنين مرت علي كنها 30 سنه عمره ما قالي كلمه حلوه كنت أعيش عند أهلي و اذا جا رحنا عند أهله و تخيلي كنت عروس و أنام على الأرض عند ولد اخوه  كل يوم أتنقل من بيت لبيت من هاذي الفرشه الا هذي الفرشه انا كنت مره ضعيفه و مالي كلمه عليه و فوق هاذا كانو يقولو انتي قويه و انتي ما تخليه يكلمنا و من ذا الكلام تخيلو كان عمري 18 والله اني كنت اجلس مع أصغر بناتهم لأنهم بجيلو كل سلفاتي كبار اللي 50 و فوق المهم رحت امريكا و تخيلو الم الوحده اللي اعانيها هنا زوجي شغله دائم مسافر اجلس انا و بنتي بالشهور ما نشوف احد صح اني اطلع و أسوق و كذا بس ما في احد أتونس معاه ما في احد انا بحضنه بالليل و الله اني كل وقتي أصيح و أحيانا تقطع علي الكهرباء في الليل اذا كان الجو فيه مطر قوي تفصل الكهربا أموت من الخوف و بس اجلس اصيح حتى أختي تخلت عني و ما عادت تكلمني أبد و الله من جيت على امريكا ما كلمتني الا مرتين و أحيانا أمي تقولها تعالي كلمي أختك تقول تعبانه أبي أنام مع اني يشهد علي الله ما قد قصرت معها ولا في بناتها كنت اجيب لهم هدايا دائماً من أغلى الماركات و انا يوم ولدت جابتلي بطانيه لبنتي من سنتر بوينت لا و بعد من فلوسي كانت ماخذتهم مني مره دقت علي و قالت لي أبي 500 ريال عطيتها 600 من مصروفي اللي يعطيني إياه زوجي و يوم انا مريت بضيقه ماديه قوييه جداً طلبت منها 200 لفت وجهها على أمي وقالت ما أبي و للأسف اني التفت بالصدفه و شفتها و هي تقول لامي أنا قمت و كان ما صار شي بس رحت الحمام مت من الصياح و اليوم انا اعاني من وحدتي و أعاني من حرماني و حاسه اني امووووت و اذبل و ما حد درى عني ااااه يا قلبي بس 😔 تخيلو بعد ما كنت احلى وحده في خواتي و أمي كانت دائم تتفاخر فيني و تاخذني لأي مكان صرت أشين وحده و صارت تتفشل مني والله مره رحت معها لزواج و هي تطالع فيني قالت خلاص دقي على زوجك خليه يأخذك و رجعت و انا مكسوره و انا عارفه ليش هي قالتلي ارجعي يارب هون علي يااارب انا الحين حامل و بالغرب ــه ما اعرف احد و الله يا بنات عندي إحساس كبير اني بموت في الولاده بس ياربي اذا مت بنتي تموت معي عشان ما تعيش بألم زي أمها 😞 اااااسفه طولت عليكم بس خلاص أحس اني ما عاد فيني قوه أتحمل أكثر جروح و خوف و الم يارب صبرني