اختي حاولي تركزي على الاشياء الايجابيه في حياتك وحاولي تتأقلمي مع حياتك وناقشي زوجك باللي في خاطرك ،،والله يفرج همك وكربك ..وتذكري ان المؤمن مُبتلى.

اختي حبيبتي
الله سبحانه يقول انا عند حسن ضن عبدي بي
ضني بالله خيييير وتفألي واسألي الجنه ومافيها اخير من الدنيا ومافيها واحنا ماناخذ شي
بيدينا كل شي مكتوب لنا عند رب العالمين لاكن اسأل الله ان يربط ع قلبك ويفرج همي وهمك
ومن توكل ع الله فهو حسبه

الله يووووووفقكم فديتكم بس يا زينكم و يا زين ردودكم 
انا يا حبايبي مو مبتعثه أصلا انا مو سعودي ــه انا فلسطينيه بس كانت حيااتي كلهاااا في السعوديه من الولاده ما طلعت من السعوديه الا في عمر 22 جيت هنا على امريكا و المشكلة اني خلاص بستقر هنا بس بموووت و ارجع هناك لأني مو متعوده حتى العرب هنا مدري غريبين خشمهم في السماء طاير مدري على اييييه 

لاتجعلي الاكتئاب يتملكك تراه دمار

الله يفرج همك يارب

الحمدلله مااشوف عندك مشكله عايشه مع زوجك وعندك بنت ومتعافيه انتي وبنتك

وتطلعين تتمشين وتتسوقين وكل اسبوع او اسبوعين تقابلين ناس مغتربين مثلك

واهلك تكلمينهم تشوفينهم كل فتره

وتقولين زوجك طيب وكريم جدا وش تبين زياده ؟؟

واذا كان زوجك جاف معك ترى اغلب الرجال كذا

احمدي ربك على العافيه اهم شي

ترى الدنيا ماكملت للانبياء والصالحين تكمل لنا

افتحي التلفزيون شوفي كيف عايشين في سوريا وفلسطين والعراق الله ينصرهم ��

قال رسول الله صلى الله عليه وسلم : ( من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا بأسرها ) ؟


الله يرزقنا واياك الرضا والقناعه ياااارب