.
.
.
السلام عليكم ورحمة الله وبركاته
أول شيء أشكر كل مشاركه في هذا القسم لأنكم بصراحه أنقذتوا بيتنا بأفكاركم الحلوه الله يسعدكم :heart:
المهم هذا الموضوع لبنات القصيم بما أني أشوف أننا نتحمس لما نشوف حاجه جديده منزلينها البنات نجي نسألهم من وين
من إيكيا أوووه ما عندنا إيكيا :mad:, من دايسو أووووف ما عندنا دايسو :mad:كل شيء ما عندنا حتى ساكو الي فرحانين فيه ما يجيب إلا البضاعه الي ما تنباع بالمناطق الثانيه :09: << خخخ حرام
المهم وبما أني المسؤوله عن بيتنا لأن أمي تعبانه وما تقدر تجيب أغراض البيت فصرت أنا الي أتكفل بها
ورحت قبل أيام لمحل في الرس والله لقيت كل شيء عنده وبأسعار حلوه .
وقلت لازم أدل البنات عليه عشان ما ننقهر قهرا عندما نرى أشيائهم ولا نستطيع شرائها :icon20:
عنده تقسيمات الأدراج وفيه منها أشكاااااال متعدده منها بالطول منها بالعرض وغيره .
السعر على ما أعتقد 20 أو فوق شوي
برضو عنده أكياس الضغط سعرها 15 ريال مقاس صغير
وإذا تبغين كبير موجود عند الحسن بعنيزه مقابل الحبيب للأثاث بـ 13 ريال
عنده صابون الورد بـ 2
عنده ستاره للغساله بأشكال حلوه على ما أعتقد سعرها 14 ريال
عنده المناشف الي تمتص الماء للي بيوتهم موكيت سعرها أظن 4 ريال
عنده طاولة الكوي الي تحتها أدراج من الخوص نسيت سعرها بس على ماأعتقد ما تزيد عن 200
برضو أدراج من الخوص وملبسه قماش نفس سلات ساكو بس أدراج
عنده أطقم السكر والبن ... الخ الي عليها جلد غريب شكلها وحلو
برضو مباخر أشكال غريبه
برضو مناديل نستر وعلب مكياج حلووه وللأكسسوار ,برضو صناديق نعومه لمختلف الأغراض , علب هدايا أشكال حلوه , صياني تقديم
والله فيه كثير أشياء بس نسيتها :icon32:
أنا صرت بس أمشي وإذا شفت شيء شهقت أخيراااا لقيت الي يقولون عنه بنات حواء << كل الي بالسوق عرفوا بنات حواء :)
بقى أقول لكم وين مكانه هو محلات أحمد الرشيد للأواني والتحف كذا مكتوب في الفاتوره بس واجهة المحل نسيت على ما أعتقد الرشيد بس
عنوانه : السوق التجاري خلف مسجد السوق ( مسجد الدهامي ) أمام الرايه وقريب من تسجيلات الحرمين
إن شاء الله واضح الوصف << خوش وصف:)
والله يسعدكم ويهنيكم بس لا تعلمون رجالكم إني أنا الي دالتكم عليه أخاف يدعون علي :icon31:
وإذا لقيتي شيء تبحثين عنه من زمان لا تنسين تدعين لي بالتوفيق ولأميمتي بعد
يلزم عليك تسجيل الدخول أولًا لكتابة تعليق.
اغلاهم
•
فعلا انا صديقاتي كلهم يمدحون فيه
وناوية إن شاء الله اروح له الثلاثاء الصباح
يكون هادي وأقل زحمة
لك جزيل الشكر
وناوية إن شاء الله اروح له الثلاثاء الصباح
يكون هادي وأقل زحمة
لك جزيل الشكر
مشكوووره ياغلاهم
الرشيد معروووف والكل يمدح فيه << يسد إحتياجاتنا ومالنا غنى عنه لأن زي ماتقولين ماعندنا شي نروح له
<<<بس انتبهوا من العامل اللي فيه صح خدوم بس ينشب لك لين تشترين اغلب اللي بالمحل
ونسيت اقول عندهم مناظر حلووه واسعارهاجنان<<<تلاقونها ورى بآخر المحل قريب من الأغذيه
تحمست ودي اروح للرس اليوم قبل بكر<<خخخخ صدق حريم
الله يعطيك ألف عااافيه وماتقصرين
سلمت يداك وحرمهما ربي على النار
+تبسم وخلي الهموم+
الرشيد معروووف والكل يمدح فيه << يسد إحتياجاتنا ومالنا غنى عنه لأن زي ماتقولين ماعندنا شي نروح له
<<<بس انتبهوا من العامل اللي فيه صح خدوم بس ينشب لك لين تشترين اغلب اللي بالمحل
ونسيت اقول عندهم مناظر حلووه واسعارهاجنان<<<تلاقونها ورى بآخر المحل قريب من الأغذيه
تحمست ودي اروح للرس اليوم قبل بكر<<خخخخ صدق حريم
الله يعطيك ألف عااافيه وماتقصرين
سلمت يداك وحرمهما ربي على النار
+تبسم وخلي الهموم+
الصفحة الأخيرة
والله يشفي أمك ويخليها لكم آآآآآآآآآآآآآآآآآآآآآآآآآآآآآآآآآآآآآآآآآآآآمين