شوفي ركزي على قدر الضغط اذا تستخدمينه وجيبي معك قدور ازين من الي هنا قدورهم ووع وتكون اصليه

لاتنسين العود(البخور) والقهوة والهيل والزعفران والماجي ركزي على تاريخ الانتهاء اهم شي يكون بعييييييييد ونا اختس
واعواد قرفه ومسمار والذي منه :22: ........................عجازه

ايييييه تذكرت سفر بلاستيك وزيوت شعر ازا بتريدي

انا ماعانيت يابراءة الا من سالفة البخور مااترحت لين جتني شحنة السعودية وفيها الأشياء اللي مايستغني عنها بيت سعودي

قهوة 5 كيلوا محمصة بس ماطحنت وجبت معاي الطاحونة +هيل حب + زنجبيل+عود 4 اوقيات ويالله يالله ...

جمر العود أيضا انا احمد ربي واشكره صار فيه فرع للعربية للعود بلندن ورحت شريت جمر العود بس ماادري عن امريكا فيه فرع للعربية ولالا

جيبي معاك اربع علب او خمس ماتضيق المكان ولالها وزن ترا وتكفي لمدة سنة وزيادة اذا كنتي بس بتستخدمين وحدة يومية لأن العلبة الوحدة فيها ستين حبة ...

طبعا الولاعة حقته كانها عندك جيبي ...فواحاتك نفس الشي...ان قدرتي تقضين زيوت عطرية من السعودية تراها ارخص حقات بدي شب ...

طبعا ماادري عن اسعار امريكا بس يكن ارخص شوي من بريطانيا...

كذلك بالنسبة للهدوم زي ماقلت لك اهم شي العبايات فصليها من هلحين ترا بتنحاسين آخر الايام ماتدرين وش تبدين فيه ففصليها من هلحين او طالبيها من موقع الحجاب هذا عنوانه

http://www.thehijabshop.com/


كثري الحجابات والنقابات كانك بتتنقبين ...نوعي ألوانها حسب الشنط حقتك وحسب الجزم ترا تجيك حالات تملين من تكرار لون واحد ....ودك تغيرين.....

ماحولك عاد محل حجابات يمكن فيه بعض الاخوات يبيعون بس غالي يالحيل..

بس هذاالموقع في بريطانيا ترا...اتوقع يوصلون لبرا بريطانيا بس بفلوس ...

طبعا انتي بتوصلين هناك على الربيع والصيف ترا ماراح تحتاجين هدوم ثقيلة ..بس اخذي معاك شي احتياط بس...

بالعكس كثري من التي شيرتات والبناطيل والملابس الخفيفة لأن ان كان امريكا جوها زي بريطانيا بالصيف تراها حر...والله انا مرة كنت احتر اول ماجيت هنا وهو كان على نهاية سبتمبر يعني الصيف مخلص من زمان بس والله كنت انطبخ والبس تحت العباية بلوزة كت أو بدي بس...وبرمود


وخلال شهرين بتنخفض درجة الحرارة بيصير ربيع وبعده الصيف يعني قمة الحر...

اما التنانير ...انا مير نسيت وشلون تنلبس التنورة من جيت لهنا

:)

مع ان زوجي يهاوش قايم قاعد يبيني البس تنورة يقول استر لك ...بس منين اجيب تنانير طويلة هنا؟؟:)

المواعين ترا مااتوقع تحتاجين تجيبين اكثر من قدر واحدة كبيرة ووحدة وسط ووحدة صغيرة ومقلاية وصياني الكيك والبايركس...لأنها غالية اتوقع كان اسعار امريكا زي بريطانيا تراها مرة غاااااالية عندنا...مقارنة بالسعودية...

هذي اشحنيها شحن طبعا اشتري شنطة كبيرة مررررة زي اللي شريناها من كارفور غرناطة الله يذكرها بالخير...وبتوسع كل هدومك واغراضك لو بتحطين بزرانك وسعتهم:)

آآآه نسيت أهم شي الزمازم ..الزمااااااااازم وماادراك مالزمام

لأن أظن مايبيعونها رخيصة زي حقاتنا ....ولااتوقع عندهم أمهات خشة زي حقاتنا في السعودية في بريطانيا الوحدة ام خشة بستين باوند !!!!


يعني بثلاثمية سعودي وشوي ....وجع !!!

فهي الزمازم اهم شي...الفناجيل مالقيناها في بريطانيا...ماتوقع تلقينها بامريكا...البيالات الكرستال...نفس الشي...

وغيره اللي تتوقعين ماتلقينه في امريكا جيبيه ...المبخرة طبعا ماراح تلقين مباخر هناك...


لكن الاكواب ...الموغات...صحون التقديم ...الملاعق الشوك ال ال ...

انا اخذتها من ابو ريالين حق بريطانيا :) ابو 99بنس...وش حلييييييييييييييلهن...

ابقولك الاشياء اللي جبتها معي:
قهوه - هيل - زعفران -تمر-شاهي لبتوون -زمزميات شاهي وقهوه طقم للبيت وطقم للضيووف(لان اللي بامريكا موب زينه يبرد اللي فيها على طوول) فناجيل -بيالات.
حافظات -قدور - دلة تفويح القهوه -سفره بلاستك.
بهارات -ماجي -كريم كراميل -جبن سايل-جبن كيري - فانيلا (لان اللي هنا فيها كحوول).
مبخرة كهرب- فحم سريع الاشتعال( من العربيه للعوود) -بخوور - معموول.
عطووور فواحه - حلاوة لشيل الشعر.
حبووب منع حمل .
بودرة مزيل عرق.
اذا ذكرت شي ابكتبلك .

وهذي الاشياء اللي تندمت اني ماجبتها معي:
انا ندمت اني ماجبت قرفه (دارسين) لان القرفه اللي هنا مااعجبني طعمها خصوصا اذا سوويت فيها حلى.
وبعد اني ماجبت بسكووت اولكر حق الشاهي اللي يستخدم بالحلى لاني لين الحين مالقيت شي زين.
وبعد ماجبت معاي (تباسي) حق الرز لو صار فيه عندي عزومه ناس كثيرين.
تمر معجون ندمت اني ماجبت .
انا فيه اشياء ماجبتها وندمت مع انها فيه بالبقالات العربيه هنا بس بعيده عن المدينه اللي ساكنين فيهاومتى نرووح لها.
كريم جلسوليد لانه موب موجود هنا.

مشكووره
اتمنى اني افدتك

هلا اختي الله يوصلكم بالسلامه
تغريا البنات كفوو ووفو

بس في اشيا كثير موجوده هنا ورخيصه وحتى اذا هي اغلا با تكون بفارق بسيط ما يستاهل حمالهم من البلاد
لان امريكا بعيده وانتي لازم تنزلين شناطك ويفتشونهم يعني يصير بهذله

احب اقولك وللاخت شذوو
انه في تمر معجون وما اكثرة في المحلات العربيه

وفي جبن كيري وجبنت الكاسات
الدارسين ( الغرفة) موجوده عند المحلات العربيه وطعمها حلو وفي نوعين الي شكله عيدان مثل تبع بالادنا وفي الي شكله مثل الانابيب
وفي المطحون وسعره رخيص مره
المباخر الكهربائيه ايضا موجوده عند المحلات العربيه من 12 دولار

حتى الجمر الي يشتعل بسرعه اخذته من عند المحلات العربية

طنجرة الضغط ايضا موجوده وشفتها في وواال مارت من تغريبا ب 25 دولار

والطناجر ايضا موجوده في الي مثل حقات البلاد عند المحلات العربية وفي التيفال والاستان سستيل موجود في اكثر المحلات الامريكيه

انتي جيبي البخور والعود لانك مستحيل تحصلين مثل حق بالادنا
ايضا كريم جلسيوليد اذا كنتي من مستخدميه
الحجابات والعبايات
البهارات متوفره هنا لكن حق بالادنا اطعم وخاصه الي بتكون مجمعه
يعني انا سويت عند صاحب البهار
بهارت للسمك وبهارت للدجاج وبهارت للكبسات وهكذا هو يطحنهم لي هذيك الحظه طازج ويلحمهم
والبن يعني القهوه اهم شيى
اذا تحبي المكسرات اخذي من المحمصه طازج لان الي هنا بلاطعم احسه قديم مره

الملابس يعتمد اذا انتي في منطقه يكثر فيها العرب فهذا با يخليك تلبس وتتكشخي دائما

واذا كنتي في منطقه ما فها عرب فمعنها ما راح احد يشوفك يعني جيبي بدلتين اذا حبيتي تتكشخين لزوجك
وسلامتك