شلونكم يابنات
هذى قصص واقعية حصلت للبعض
7
7
7
كنت مرافق مع اخوي بالمستشفى العسكري وكان فيه ممرضة سويدية (طلقة)وكانت هالممرضة مشهورة مرة في المستشفى (بالجمال طبعا) وانا الصراحة يوم كنت اشوفها كنت اضيع لدرجة اني احس ان ما يبقى في جسمي قطرة دم وفي ليلة عيد الفطر وفي الساعة 1 اخر الليل .
لايروح بالكم بعيد
دخلت علينا هالممرضة وكالعادة قمت ارتجف تقول كأن عندي امتحان وفتحت الانوار والمرضى نايمين
طبعا انا عادي صحيت من النوم بس (((((((عاااااااااااادي))))))) لكن الشيبان اللي في الغرفة قامو يصايحون على الضعيفة يقولون ((((طفي النور الله يطفي ضووس))))) وانا اقول استغفروا. ويصايحون عليها وهي ما تدري ويش يقولون .
قمت انا بالفلسفة المعتادة اسوي اعرف انقليزي وانا والله من جنبها وقلت......((((كلوز ذا لايت بليز))))))) الشيبان قالو تمام معنا مثقف .
يوم سمعتني الممرضة قامت تبربر انقليزي والله ما ادري ايش قالت
قالو الشيبان ويش تقول الحمرا ذي
قلت تقولكم تبغى ترتب الغرفة وتروح
والله ويصايحون الشيبان :قلها ما لقت ترتب الغرفة الا ذالوقت؟؟؟؟؟؟؟؟؟
قلت في نفسي والله الورطة بعدين قلت للشيبان انها تقول شوي بس وتروح
قال واحد منهم:راحت روحها وانا اقول استغفر يا عم
المهم راحت الممرضة ولا طفت النور قمت انا وطفيت النور وبعد خمس دقايق جت الممرضة ومعها ولد صغير على الكرسي صاير عليه حادث ومعه ابوه مرافق.
قام ابو الولد وازعجها بالاسئلة وهي ما تعرف عربي ايش تتوقعون سوت؟
جت عندي وانا اتنافض وقال ((((ار يو سبيك انقليش))))) انا ضيعت وقلت :
يس يس يس
وقامت ترطن انقليزي والله ما ادري ايش تقول انا مضيع ولا افهم اساسا انقليزي وبعد ما خلصت رحت لابو الولد وقلت تقول ان الولد طيب وما عليه خلاف.
قال ابو الولد :اسالها المخ سليم ولا لا
قلت في نفسي والله الورطة
قلت للرجال:ايه بس انا ما اعرف معنى مخ بالانقليزي.
عرفت السويدية ان والله ما عندي ما عند جدتها وراحت تجيب مترجم يترجم للرجال الضعيف اثاريها تقول:ان الدكتور جاي بعد ساعة وبيكشف عليه وبيسوون له اشعة كاملة وان عنده كسر في الكتف.
وانا اقول انه طيب وما عليه خلاف
انتهى الموقف.
ولي تعليقات
1- والله العظيم هذا الموقف صار علي شخصيا
2-طبعا هذا الكلام وانا مراهق الحين ثقيل شوي
3-فضلت الكتابة باللغة العامية(ما احلاني اقص لكم موقف طريف بالفصحى
///////////////
شوفوووو هالموقف المحرج
كنت توني خاطب وثالث ليله خطوبه حبيت اطلع مع الخطيبه نتعشى بره
وصادف في ديك اليله تاهل المنتخب السعودي لكاس العالم الي في المانيا وكنا رايحين الخبر
المهم محاجيكم في بوكه عشره ريال بس وحاسب احساب اني بسحب من اي صرافه في الشارع حزتها الصرافات كانت مهنقه كلهم ومن صرافه لصرافه تقول عليي نذر اوقف في كل صراف لين وصلت الخبر وفي النهايه اعترفت للخطيبه وصار العشا عليها يعني بالعربي استرديت من المهر شوي
__________________
أم زوجي تنام معي بغرفتي !!!!!!!!!!!!
ام زوجى تنام معى بغرفتى.. لكل من تشتكي من ام زوجها ....
انني اكتب هذا الموضوع لاقنع كل زوجه متضايقه من ام زوجها...
اخواتي اود ان اقسم لكم بالله العظيم بان كل كلمه سوف اكتبها هي حقيقه حدثت لي في يوم من الايام
اخواتي تزوجت وعمري عشرين سنه وكنت ماني داريه عن الدنيا ومقالب الحريم وحركاتهم
المهم كانت ام زوجي حرمه متسلطه سليطه لسان يكرهها الجميع من اخوات زوجها وجيرانها واقاربها لان لسانها متبري منها
عندما تزوجت تعلقت بزوجي كاي زوجه تحب زوجها000ولكن الحب يحتاج الى تضحيات واولها المواجه مع ام زوجي00 وكان الكل يحذرني منها00ولكنني قررت ان اكسب المعركه لصالحي
في البدايه اود ان اوضح ماهو اكثر شئ اعانني على المواجهه (بعد اعانه الله سبحانه وتعالى)
((((كنت دائما اضع ببالي لو انها كانت امي فماالذي سوف افعله بهذا الموقف)))))
الان سوف ندخل اجواء المعركه وساذكر لكم بعض المواقف البعض فقط لانها لاتعد ولاتحصى
كانت تحرص ان تدخل غرفتي بدون اذن وتاخذ بعض اغراضي وتستخدمه امامي لكي تغيضني وتجبرني على الكلام (ولكن اتخيلها امي)واصمت
كنت احرص ان لا اقفل الغرفه اذا كنت نائمه وزوجي غير موجود لانها تحب ان تفتح الباب بين فتره والثانيه(ولكن اتخيلها امي تود الاطمئنان علي)واصمت
كان يوجد داخل غرفتي حمام لمن نركب له باب لانه داخل الغرفه وضعنا عليه ستاره بشكل مرتب فقط كنت اود الاستحمام احيانا وهي موجوده بالغرفه اخذ روب الحمام واغلق الستاره واتروش عادي جدا وبعدين البس داخل الحمام(ولكن اتخيلها امي استحي اقولها اطلعي برى) المفروض هي تستحي
كنت انام الظهريه عندما يكون زوجي بالعمل واكتشف انها نامت معي بنفس السرير عندما كنت اغط بالنوم لاني اترك الباب مفتوح لها كما اسلفت سابقا وكانت حجتها ان مكيفها حار ومكيفنا ابرد 00والبيت فيه خمس مكيفات مااختارت الا غرفتي(ولكن اتخيلها امي)واصمت
كانت تقتحم غرفتي وتفتش بين ملابسي بحجه ان الشغاله مضيعه تنوره بنتها يمكن مدخلتها عندي ويشهد الله اني كنت اساعدها بعمليه التفتيش (لاني اتخيلها امي)واصمت
كانت تحاول احراجي امام الحريم عندما نجتمع ولكن اسكت لاني عارفه الناس تقول حتى لو عمتها غلطانه المفروض مايتهاوشون قدام الحريم يعني اطلع انا الغلطانه وهذا مالا ارضاه لنفسي بعد هذا الصبر الطويل
اما وجبات الاكل هذي يبيلها مجلدات لحالها لانها كل مره تغير مزاجها مره تبي الاكل مالح ومره باهت مره الرز لين ومره تبغاه نثري0مره تقول البهارات تسبب لي حرقان ومره الاكل ماصخ مافيه بهارات
وطبعا في كل مره اطبخ له طبخه من جديد حسب المواصفات المطلوبه(وطبعا اتخيلها امي)ومشتهيه تاكل هالطبخه
لما ارجع من السوق اوريها اغراضي واحد واحد حتى الاشياء الخاصه (تذكرت موقف طريف بقوله لكم مره اشتريت لمعه الجسم وريتها على انها كريم عادي0 طبعا هي كل كريماتي من املاكها الشخصيه وتستخدمها متى مابغت 0وتخيلوا شلون بيكون شكلها وهي رايحه عند ناس وهي مستخدمه لمعه الجسم
وطبعا لما جاني عيال ياسلام بدات تلقى اثاره اكثر 00عيالكم سوو وعيالكم فعلو00بذكر لكم موقف واحد 00مره ولدي كب بيبسي على الموكيت حق غرفتها00قالت انا حلفت ان البيبسي ماينمسح ولازم يتغير الموكيت كله(طبعا تبغى تنرفزني وتشوف رده فعلي) المهم ولدها عيا قال هذا جبروت مهو طلب معقول 00ورحت وغيرت موكيت الغرفه على حسابي الخاص
المهم يااخوات ان هالمعارك دامت تقريبا خمس سنوات(داحس والغبراء)
وبعدها اعلنت ام زوجي استسلمها
وصارت تفضلني على زوجات اولادها السته وصارت كل ماشافت شي جديد عند زوجات عيالها او بناتها تشتريه لي وتقول شفتهم شروه اكيد انه شي دارج هالوقت وقلت باشتريه للغاليه
وصارت تستشيرني بكل شي يخصها حتى لو عيالها قالوا لها شي ماتثق فيهم لحد ماتاخذ رايي
وصارت تدعي لكل عجوز تشوفها ان الله يرزقها بحرمه ولد مثلي
طبعا كل الناس مستغربين بما فيهم زوجي واخوانه شلون قدرت اكسب ام زوجي
واقسم بالله تقريبا تسعين بالميه من المشاكل ماكان يدري عنها زوجي لاني كنت اقول في نفسي (طيب واذا عرف بالمشكله يرمي امه بالشارع ولا يروح يهاوشها وتزيد المشكله ماتنقص وهذا الي هي تبغاه)كان مايدري الا بالمشكله الي يشوفها بعينه
والله اني اكتب قصتي مع ام زوجي لكي تستفيد منها كل عروس توها باول المشوار وماهي عارفه كيف تتصرف مع ام زوجها
000000000
رحالة عبر الزمن @rhal_aabr_alzmn
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
تسسسسسسسسلمييين يالغلاااا