والطريقه ان شاء الله تكون عليكم سهله
جربت ورق المجلات وجربت المناديل وطبعا المناديل تطلع نتيجتها افضل لانها رقيقه اكثر من الورق
الادوات هي:
غراء الخشب الابيض ... مقص ... صور ... والورنيش سواء بخاخ او دهان ... وتاكدو ان الورنيش يكون شفاف وليس له لون لان في انواع تكون مصفره وهذا لا ينفع مع الديكوباج
انا جربتها على كاس بلاستك ونفس الخطوات نسويها على اي سطح ... سواء خشب او معدن او زجاج او سيراميك او جدران ... بس بشرط يكون املس والمكان يكون نظيف (يعني ننظف المكان وينشف تمام )
ننحط الغرا المخفف بالماء على الكاس ...حتى يسهل علينا لصق الصوره
بعدها نحط الصور ونثبت مكانهم ونحط عليهم الغرا مره ثانيه بهذا الشكل
الغرا بعدها راح ينشف ويصير شفاف وماله لون مثل ما شايفين
وبعد ما اتاكد ان الغرا نشف تماما .... احط عليه الورنيش سواء كان بخاخ او كان سائل ونستعمل الفرشه طبعا في الدهان ... وتاكدي ان يكون الورنيش شفاف تماما لان في انواع تميل للاصفرار وهذا مايصلح للديكوباج... وممكن ندهن العمل بطبقتين او ثلاث وطبعا بعد ماتنشف كل طبقه
هذا ورق المجلات
عيب الورق انه بعض الطباعه او الالوان حقه ممكن تطلع بالغرا فتخترب الوان الصوره ... وكل ماكان الورق رقيق تكون النتيجه احسن.... ويعتمد على نوع طباعة الصوره ... يعني ورق المجلات زين بس ماهو رقيق كثير يصير نفس الاستيكر
ليش اقولج المناديل تطلع احلىىىىىى وكانها رسم وليست صوره بسبب رقتها
هذى طريقة المنديل ... المنديل لما يبلل بالغرا يصير حساس وبسرعه يتمزق لازم نتعامل معاه بحنيه هههههههههه يعني اشوي اشوي ونثبت الصوره ونعدل فيها واذا صارت فيها تعرجات ممكن نعدلها وطبعا كل الشغل يكون بالاصابع والشغل يكون بخفه
وطبعا لما تنشف ماراح يبين الغرا بهذا الشكل
ان شاء الله قدرت اوفي بحق شرح الديكوباج
واي سؤال انا موجوده :26:
الحين اتضحت الرؤيه بالنسبة لي وفهمت كيفية عمل الديكوباج بس ليش ما صورتي خطوة وضع الورنيش
الحين باتصل على زوجي اخليه يشتريلي ورنيش الغرا موجود عندي بس الورنيش غير موجود
المهم جزاك الله كل خير على ماقدمتي وانت دائما مبدعه