الاخت براءه انا معرفش غير قماش الايتامين وده هتلاقيه في الموسكي في الحته اللي قولن عليها فيها مستلزمات الخياطه اما قماشالكتان اللي بينفع تشتغلي عليه ايتامين انا عارفه انه كان موجود زمان ايام والدتي كده اما دلوقتي الصراحه معرفش بيتباع فين

يا جماعة أنا النهارده رحت لبوبيجيان قلت أتفرج لقيت عنده حاجة تجنن قلت أسألكم عنها....
عنده لوحات زي الجنفا بس غاليه جدا ولما سألت البائعة قالت لي إنها مش جنفا وبشتغلها بخيوط شلل مش بكر حد يعرف إيه ده

انا تقريبا عارفه انتي قصدك ايه بس اشرحيلي الاول يعني ايه خيوط شلل

براءه حبيبتى بصى انا سالت لك ماما وسيدات العائله شوفى حبيبتى بتلاقى القماش ده الى بنستعمله لمفارش السفره فى محلات القطاع العام وطبعا كل ما كان كويس كل ما كان اغلى ماما بتقولك اسمه داكرون مش كتان يارب اكون افدتك وقولى لى هتيجى امتى ااقولك تروحى فين كمان ان شاء الله

ام يوسف عارفه الشلل زى الخيوط بتاعه المنجد البيج الى بنجيبها ونلفها على ايدينا عارفاها؟؟

كريزه اشترى من بابا جيان الرسومات الى بيبقى معاها خيوطها (زى مجموعات الورد والحيوانات والكارتون) دى احسن من انك تجيبى اللوحه ومعاها خيوط من بره لان الاختيار التانى غالى قوووووووووى وروحى الاول الموسكى زى ام يوسف ما وصفت للانه ممكن يكون هناك بنصف او حتى ربع ثمن بابا جيان

على فكره انا عايزه زى ما قلت لك يا مروه من قبل انى اودى قطع قماش بيضاء لخطاط يكتب لى بعض الايات الى انا عايزاها بالذات فمش عارفه حد عنده فكره عن خطاط كويس ويعمل لى الحكايه دى بدون ما يبهدل لى القماشه؟ واجيب قماش نوعه ايه؟؟ والخيوط استعمل بتاعه السيرما الذهبى؟؟ طيب الخيوط الى بجيبها والله غاليه بس بتفتل يعنى بتتقسم لكذا خيط اعمل ايه؟؟

ما حدش يصدع منى انا بقولكم اهوه