يا بنات من فيكم تكره حضور المناسبات؟

مشكلتي يابنات  ما أحب  نوعية  من المناسبات  الي  تكون كبيره   وصاخبه   وما أحب  إجتماعات   تخص أقارب  لنا  
 كذا  بدون سبب   بس هالشي  ملازمني من الصغر   




بس بنفس  الوقت  أحب  الزواجات   عشان  أجلس اتفرج   ولا  اتكلم   
طبعا    السبب الأساسي  في كرهي   للاجتماعات   هو  الرهاب  لكن  انا  احب  اطلع  لأحد   ارتاح له  ولناس مقربين   مثل  صديقاتي  ...اهلي    وكذا  




أحب   أزور   وحده   في بيتها    وهي  تزورني. .ماعندي مشكله  بالجراه   اعرف  اتكلم  وافتح   مواضيع   بس  مع  وحده   ثنتين.




لكن  الاجتماعات  الكبيرة   أخاف منها   لدرجه   صرت  تجيني حاله  أخاف   افتح الجوال   والاقي رساله   فيها  بنجتمع باليوم الفلاني   ...   صرت  افرح اذا  فيه  شي يعوقني عن الحضور   مثل  وجود   أطفالي  ومرات  اتعمد   أسافر   قبل المناسبه   بس  كل  هذا مايجدي   ..ومش حلوه   انقطع   عنهم     




مادري  هل  المشكله   بالرهاب   ولا  بشخصيتي   لاني  أساسا  أحب  الهدوووء      وتعرفون  اجتماعات   الحريم  صخب   وكلام   وأسئلة   خاصة واختلاف   أذواق   وبهرجه   وهالشغلات من  داخلي  ماحبببببها      




... شسووووي   ودي  اتعالج  بس  العلاج النفسي  صعب  خاصه  أن له أضرار   جانبيه  وانا  مشكلتي   الوحيده   بكرهي للمناسبات الكبيره   لكن  باقي   الحياه  عادي