يا جمااااااااااااااااعه ...كيف أوفق بين شغل البيت والعمل ؟

السلام عليكم ورحمة الله وبركاته
اختي الواسطية، انا كمان بشتغل وبنتي عمرها سنة وشهرين! طبعا مش هقول ان الموضوع سهل، ولكن عامة ساقول لكي افكار يمكن تسهل عليكي شوية
1- تكوني مجهزة اكل الغذاء قبلها بيوم ويا حبذا لو قدرتي تجيبي طباخة مرة كل اسبوعين تساعدك في عمل اكل وفرزنته ليكفي اسبوعين.
2- لازم تيجي على نفسك وتروقي البيت بعد ما تيجي من الشغل، يعني مش لازم يكون بيلمع من النظافة بس المهم يكون رايق وما فيه حاجات منطورة هنا وهنا. وخلي كنس ومسح الحمام والمطبخ يوم اه ويوم لأ . والتنظيف الي على اصوله يكون يوم اجازتك.
3-اسمحي لابنتك تلعب بلعب معينة متبهدلش بيها الدنيا، يعني مكعبات او عروسة ، لعب ممكن تتلم بسرعة، وخلي عندك صندوق صغير تلمي فيه كل لعبها.
4-روقي الصالون واقفلي الباب الفاصل بينه وبين بقية البيت ان وجد وان لم يوجد اكدي علي ابنتك انك حتعاقبيها لو لعبت في الصالة وان مكان اللعب هو حجرتها.
5-بعد الغذاء مفروض ان ترويق البيت ما يستغرقش منك غير ساعة بالكثير، وبعدها تهتمي لنفسك ولمظهرك وتجلسي مع زوجك، وتنامي فترة الظهيرة ان كنت ممن ينامون الظهر
6-في المساء اول حاجة تعمليها تتزيني وتظبطي شعرك، مش معنى انك داخلة المطبخ ان شكلك ما يكون حلو:27:، تطبخي الاكل في ساعة او 2 ، وحاولي على قد ما تقدري انك كل شوية تروحي تقعدي مع زوجك وابنتك عقبال ما الاكل يستوي.
7-في فيتامين اسمه Centrum،انا باخذه لما اشعر اني هلكانة ومش قادرة على عمل شئ، ممتاز بيخليني استعيد نشاطي واخلص كل الي وراي.
**مظهرك ولبسك اهم شئ قبل النظافة والاكل ، لان هذا الي يهم الرجل قبل كل شئ! ده على حد تجربني مع زوجي.
ربنا معاكي ومع كل الموظفات! والله المستعان
اتمنى اني اكون افدتك