يا جماعه أبغي طريقة الفته بالحمص ردووووووا علي

شوفي طريقه ام ام تامر( ماما ) كيف بتعمل الفته الحمص




المقادير
2 رغيف خبز عربي كبير مقطع
3 كوب حمص حب منقوع ومسلوق
ربع كلغ لحمه مفرومه
ربع كوب صنوبر مقلي
3 ملاعق عصير ليمون
3 ملاعق طحينيه
3 ملاعق لبن
ملح
حر احمر بودره
بقدونس مفرومه
رشه كربونات صودا

الطريقه
اولا بتنقعي الحمص مع رشه كربونات الصودا ليله كامله وتاني يوم بتغسليه وبتسلقيه بكميه ماء لحد ما تستوي حبه الحمص
والان تاخدي نصف الكميه وبتحطيها بالخلاط و وعلى المزاق زيدي او نقصي كل من الطحينيه واللبن وعصير الليمون وملح وخفيفيه بمرقه الحمص واخلطيهم بالخلاط هيك بيتكون عندك متبل الحمص العادي.
اقلي اللحمه المفرومه بشويه زيت وملح وبهار وحطي عليها الصنوبر المقلي وحطيها على جنب.
والان جيبي وعاء او صينيه بايركس وحطي الخبز المقطع وبعدين سقيه بمرقه الحمص ثم حطي القسم التاني من حمص الحب وبعدين المتبل الحمص بحيث تغطي الوجه كامل والان وزعي اللحمه والصنوبر(واذا بتحبي حطي اللحمه والصنوبر بوسط الطبقات بعد الحمص الحب انا هيك بعمل) وبعدين زيني اخر طبقه بالحر الاحمر البودره والبقدونس بالطريقه الي تحبيها
وصحتين وعافيه

انشاء الله تعجبك:27:

يسلموا ايديك ام تامر

اختي بنت الرمس اذا كنت بسعودية خبريني حتى اكتبلك مقادير مظبوطة وسهلة للفتة بالحمص طيبة متل فتة ام تامر بس بلا لحمة

هلا ................... وانا بعد ابي اعرف عن فتة الحمص من غير لحمه ....................... وسلام

tiaa مشكوره اختي وبانتظار طريقتك
:27: :26:

اهلين اختي ام تامر هي متل طريقتك بس مافي لحمة بس انا قلت يلي بسعودية لانه جربت كتير مقادير وركزت هي الطريقة
هلا بك اخت الموسوسه وواذا عجبتك الطريقة اعمليها وخبريني
اطريقة والمقادير:
رغيف ونصف خبز لرغييفين مقطع مربعات صغيرة
مطربان حمص الجاهز المنقوع بالماء حجم كبير نصفي من الماء ونحطلو رشة كربونات الصوا ونتركه يغلي عالنار عشر دقائق او ليطرا الحمص
نحط الخبز بجاط ونرش عليه ملح وبعدين نبلله بماء الحمص بس مو كتير ونضع فوقه الحمص -خلي شوية حب للتزين
هلق نعمل البدوة هيك اسمها بالشامي او الخلطة :
علبة لبن ندى حجم كبير
علبة حمص سعودية حجم صغير
ملعقة كبيرة ممسوحة طحينة
عصير نصف ليمونة
سن ثوم مدقوقك
ملح
نخلطون منيح باليد مو الخلاط ونضع نصفون فوق الحمص والخبز ونخلطون منيح مع بعض
والباقي نغطي الوجه كلى فيه
وبعدين نحمر شوية صنوبر بالسمنة ونتركون جانبا
باقي السمنة نحميها ونسكبها فوق الكل وبالشامي منقول نطش السمنة يعني لازم تعمل طششششششششش
وبعدين زينوها بالصنوبر والبقدونس وشوية حمص حب وخطوط فليفلة بودرة حمرة وشوية كمون
هي اسمها فتة بالسمنة او تسقية ....في لسه بالدجاج وبالزيت وفتة مكدوس
والف صحة وعافية والفين سعرة حرارية جاهزة