يا دكتوره أمينه 00ويا بنات 00حد يطمني ويريح بالي

دكتوره ويابنات ياليت حد يطمني 000000أنا الحين بالشهر السادس 00ولما كنت بالخامس قالت لي الدكتوره إن حجم الجنين يخليه بالسادس 000ولما رحت على دكتوره في مستشفى حكومي حطت إيدها على بطني 00طبعا كنت بالسادس وقالت إن حجمه أكبر من السادس 000ولما حطت علي الجهاز إلي يسمعنا دقات قلب الجنين حطته على جهة اليمين فسمعت دقات قلبه واضحه ولما حطته على جهة اليسار بعد سمعته واضح 000فاستغربت وقالت إنت فيك توأم 000طبعا قلتلها لا لأن الدكتوره إلي قبل أكدت لي إنه واحد 00المهم الدكتوره حولتني على الأشعه 000وموعدي بعد 20يوم 000ولحد ذاك اليوم منو بيطمني 000وحاسه بثقل وبطني يعورني 000وللعلم أمي جايبه توأم 000بس معقوله إذا فيني توأم ما يبين 0000حتى في مره كنت مريضه بالحمى 00ورايحه أتعالج وحطتني الدكتوره على السونار وظلت نصف ساعه 00حتى تعبت وقالت لي 000أنا أشك مجرد شك إن فيج توأم 000حد يريحني يابنات 000000000