يا رب الدنيا بكبرها ضاقت علي الله يخليكم ادخلوا

بنات اسمحولي بدخل على طول فالموضوع

انا الحمد لله متزوجة بس القصة لصديقتي الغالية على قلبي و اللي احبها كانها اختي

صديقتي وايد حلوة و انسانة خلوقة و البنات كلهم يعجبون فيها من طيبتها المهم هالبنت من صغرها و هي في مشاكل اولها كان ابوها اللي عذبها هي و امها و خواتها و وصلت حقارته انه تحرش فيها هي و اخواتها و ماكان يصرف عليهم و اخر شي تخلى عليهم المهم البنت كبرت و كل ما جا خاطب يرده الاب و بعدين من تخلى عليهم الاب كل ما تقدم لها حد او لاخواتها ما يكمل الموضوع مع العلم انه احنا صديقاتها مستغربات لانا على طول نقول لها يا بخت اللي بياخدج.

المهم البنت الحين وصل عمرها 30 سنة و فقدت الامل انها تتزوج لا عازب و لا حتى متزوج و دعت الله و استجاب الله دعائها و في نفس الاسبوع تقدم لها واحد اعزب اكبر منها بسنتين انسان خلوق و طيب بس اهله ما وافقوا لانهم يبون له وحدة من اهله و وقفوا في وجهه و جردوه من كل شي خدوا فلوسه و سيارته و حتى تسببوا له انه يتوقف من شغله و سووا عليه حرب نفسية ما حد يتقبلها بس قالهم الا هالبنت هي اللي باخد و اخيرا اهله عرفوا خطأهم ووافقوا انه يتزوج صديقتي. و بالفعل بداوا يتفقون على التفاصيل و انه بالكثير خلال هالاسبوع بيملكون و عقبها بشهر العرس و البنت ما اشترطت المهر و لا اهلها قالوا له ما يهمنا المهر. انا وايد فرحت و كل صديقاتنا فرحوا لها البنت لانه اخيرا المسكينة بتتزوج الانسان اللي اشتراها و فضلها على الجميع و اخيرا راح تعيش حياة حلوة من بعد ما انحرمت من اشياء كثيرة في صغرها لا طفولة و لا مراهقة و لا شباب مثل الناس و قلنا الاكيد الله بيعوضها الحين و بدينا نجهز للعرس.

بس امس تفاجات انصعقت و دارت بي الدنيا يوم طرشت لي صديقتي مسج تقول لي ان العريس طرش لها مسج و قال لها انه توه سوى فحص و طلع معاه سرطان بالمعدة و انه بيبتدي العلاج الكميائي و انه بيخلي البلاد و ماراح تسمع عنه شي و سكر تلفونه. انا دارت بي الدنيا عيل ربيعتي مسكينة شو حالها الحين, الله شكثر ضايقة بي الدنيا ليش كل هدا يحصل , اللهم انا لا نسالك رد القضاء و لكن نسالك اللطف فيه, و الله اني ابدا مب حاسة بالدنيا و الله يعيني و يعين ربيعتي على هالمصيبة.

الله يخليكم قولو لي شو اسوي حق ربيعتي يعني شو المفروض تسوي
و هل سرطان المعدة يتعالج؟ انا اتوقع ان مرضه جديد لانه في مجال عمله لازم يسوي فحوصات دورية فلو كان له مدة كان اكتشفه

الله يخليكم ادعو لي صديقتي لانها باقي لها شوي و تتجنن الله يخليكم ادعوا لها ان الله يشفي خطيبها و يرده لها

و مشكورات الغاليات و الله لا يضيع دعاءكم و الله يعطيكم الاجر