امواج البحار :

السلام عليكم ... ماشاء الله ... ان شاالله ديما ملتمين فى الفرح والهناء ... سبحان الله يابناااات ... كلام هناء صح صادقة النت وبذات هالمنتدى ولمتكن بالاكثر مخفف علينا غربتنا ... الحمدلله اليوم احسن ... الله يبارك فيهن عيونى سهار وام محمد كلامهن كيف البلسم عالجرح ... وربى مايفقدنى ونيساتى فى الغربة ... تيتنك ... باهى يلى طليتى ياحنا ... تى وينك ... قلت غير الولية ماعجبهش الجو معانا ... وانتِ بخير ياحنا وان شاالله من عواده وبحجة السنة الجاية انا وياك والسامعين يارب ... سامحينى خلعتك ... ويالى صار شوية ... الحمدلله على كل حال ... وان شاالله مايخلعك غالي ياحنا هههههههه ... باهى نشطتلك الدورة الدموية خخخخخخخ ... G ليبيا و ليبيا قلبى ... كيف حالكن ... ماشاء عليك ِ ياليبيا قلبى ... شنو تقهري فينا :hahaha: ... باهى ياحنا ان شاالله ملتمين وفرحانين وطيبين ديما ... وان شاالله العيد الجاي انت وG ليبيا وحياة حلوة فى حوش رجالتكن يارب :) ... تى شنو يالوشا ... تهدرزى بروحك ... هناء فى السويد وباقى البنات كيف ماقالتلك سلفية ... وشكلك جديدة على الغربة ... الله يكون فى عونك يارب ... :) عيونى سهار ... ياخيتى سلمها نشادة نعنى مانفقدها يارب ... والله يجبر بخاطرك ياغالية ويسهل امورك ... كيف حال العويلة عندك ... والله شكلك حبستهم حبسة شينة يعطيك عصيدة ... ياريتك جارتى راهو انطلقو مع هالضنوة يلى عندى وفشو عبرتهم :22: ... سلفية ... تى شنو حالك وحال البيبي وحال العويلة كلهم ... ها ماطلعتش مالقيتش حد ... ماشمتش ليبين ... اول ماجيت انضحكك عاد ... جاية من حوش عويلة ونبى اللمة والهدرزة والقرمة ... المهم نعرف عايلة وحدة كانو جيران واصحاب لقيتهم ماشين لقطر :( ... والباقى شى مانعرف حد ... نمشى فى السوق ويلى نلقها بحجابها نجريلها ... ونسألها ليبية تقولى لا ... يابتى مانحساب كندا لامة جميع العرب والمسليمن واقسم بالله كل جنسيات القارة تحط فيها الا الليبين يلى تقولى انظر منين ... المهم خلاص اخر وحدة امريكية مسلمة وقالتلى اسفة مانعرفش ناس واجد واصلاً جاية من امريكا ... هذك اليوم كنت فى المول حلفت لراجلى وقلتله خلاص ماعاد مدورتهم على كيفهم ... وراجلى واصل حده منى نمشى انا وياه نشوف وحدة بحجابها نمشى نجريلها هههههه :hahaha: ... جيت قمعزت على كرسى ونخطب ونعطب ونشطب :30: الا برمتلي وحدة تعرفى الكراسى يلى يقعدن 2 لاصقات فى بعضهن وكل واحد وجه فى جهة ... وقالتلى السلام عليكم قالتلها وعليكم السلام جاب عقلى لبنانية قلت خلاص خلينى انهدر معاها ... وماشاء الله تبارك الله عويلة حوالى 6 الله يحفظهم لها وهى صغيرة فى السن وماشاء الله تبارك الله تهبل على شكل حلوة وحنطوشة وعيون زرق وحجاب كامل ... المهم تقولى انتِ من وين ... تعرفن يابنات قالتها بالليبي وان نصبى نبهت فيها زين ضحكت وقالتلى انا كندية وراجلى ليبى ... تى واللهِ طرت من الكرسى وضبطتها فى المول ... قريب اغمى عليا من الفرحة ... الله يذكرها بالخير ... هى توا فى دبى ... قعدنا نهدرزو وماشاء الله عليا تهدريزها يهبل وبالليبي القديم اتريها عايشة فترة فى ليبيا وفى طبرق ... ونسألها فى ليبين تقولى بالهبل ياخيتى كانى ماتحط فيهم تقولى هاتى رقمك وتوا يكلمنك بس مش تدعى عليا وتقوليلى كله منك ومنها عاد نطير من وحدة لوحدة ... الحمدلله ... بس اول ماجيت شكلى علشان مازالت واخدة على جو بلادنا نبى نفس الجو هنا وهنا الحياة تختلف وبالشوية بشوية قعدت نشوف فيهن من العيد للعيد ولا من مناسة لمناسبة اكثر من صوحبة كل يوم نكلمو بعضنا الا الباقى فى المناسبات والليالى الملاح ... :)

السلام عليكم ... ماشاء الله ... ان شاالله ديما ملتمين فى الفرح والهناء ... سبحان الله يابناااات...

امواج البحار :

ام محمد ... كل سنة وانتِ طيبة وعتبة مباركة ان شاالله بالخير عليكم يارب ... معلش سامحينا ياغالية ... درنها شات ... اهو فى يلى اول مرة وفى يلى نفسيته تعبانة لكن ان شاالله نزرقو حويجة من هنا ومن هنا مفيدة ... ويارب بحجة السنة الجاية للجميع ... وماتغيبش علينا ... :) ...

ام محمد ... كل سنة وانتِ طيبة وعتبة مباركة ان شاالله بالخير عليكم يارب ... معلش سامحينا ياغالية...

aionisahara :

السلام عليكم حياة حلوة بعيد السو عليك وانشاء الله توا افضل امواج البحار ما شاء الله عليك, توا رجعتي كيف الاول الحمدلله اطمنت عليك , انشاء الله ديمة مرتاحة و مبسوطة و ربي يحفظك يالغالية و يحفظ صغارك و يحفظلك زوجك و الله لايحرمنا من كلامك السمح اللي احلى من العسل, وتنشد عليك الصحة , فعلا ياريتك جارتي راهو ونستيني والصغار يلعبوا مع بعضهم, ضحكتيني كل متحجبة تجريلها سلفية وينك انشاء الله تكوني بخير ما تشغليناش عليك ,من الصبح معاش بينتي ليبيا قلبي الله يهنيكم و يجعلكم ديمة ملتمين و صحتين الحلويات وتسلم ايديك

السلام عليكم حياة حلوة بعيد السو عليك وانشاء الله توا افضل امواج البحار ما شاء الله عليك,...