السلام عليكم

ماشاء الله كل يوم نزيدوا {الحوت علينا ما ننعدوا}

اهلين ومرحبيتن وسهلين بمرام انستيي و شرفتي
كيف حالكم و شن اخباركم و شن مدارين مكسدين و الا منسجمين مع الغربة
سامحونا فرق الوقت مش مخلينا نتلاقوا
امواج الله يعطيك عصيدة علي قولتك و يعطيك الفرح والسعد , والله ضحكتيني, شكلك طيبة و كريمة الله يرزقك كمان و كمان
سلفية الله يكون في عونك , عالعموم هانت, شوفي حضري الشنطة متاع المستشفى وافتكي منها من توا حطي فيها ملابي البيبي و الشملات و ملابيك انت والغيرات الاولويز و الشامبو و فرشة السنان متاعك و لا تنسي السبحة لستغلي الوقت في السبيح و حطي اي حاجة تساعدك لتقليل الالم و الجاجات المعلبة الي تحبيها زي الشوكولاتة بسكوت هما يعطوا لكن مرات تيبي جاجات معينة و لازم تحضري الكارسيت لان ما يخلوكش تطلعي البيبي من غيره
و بالنسبة لمرواح ليبيا في المستشفى يعطوك اوراق زوجك يعبيها و يرفعها للسيتي هول متاع المدينة بش يدير الريجيستريشن و يقولهم نبي جواز سفر مستعجل لازم خير ما يشحوروك
حياه حلوة كم عمرك و شن تقري معليش وحدة تقصقص و شن مدايرة غادي عندك صاحبات و شن الجو عندكم
ليبيا قلبي وينك
G Libya شن اخر اخبارك
مرت راجلها صورتك اتهبل
TITNK و ين الغيبة انشاء الله خير
لوشا ..هناء .. زوبة الحبوبة...مرام كيف الحال

ماشاء الله زدنا و خايفة ننسى حد كان نسيت ما تواخدوني

حياه حلوة صحتي علي الكيكة و القهوة تسلم ايديك

سلفية مش قولتلك ياريتك جارتي راهو بعتلك منها, درتها على اوصولها بالقديد والله نكتب شن درت و متحشمة منك شكلني ماش بنقول شن طيبت ياهمي انتي حامل وحني مبطلوش كلام علي الماكلة

عيوني سهاره
اني كنت نقراء ثانويه في لبيا وبعد جئت الامارات كلت مانبيش نقراء ثانويه قعد ناخذ دورات وخالص.........
والله حالي حال الكساد:3_13_12: :10_8_9: :3_2_8v:

ان شاء الله وصلتك القهوه ساخنه مش بارده:hahaha:
وعمري في عمر الزهور:26:

السلام عليكم ...
كل يوم تطلع وحدة ... ماشاء الله تبارك الله ... ربي يزيد ويبارك ...
مراااام ...
ياخيتى سلمها وسلم عويلتها يارب ... صار الحال من بعضه بسلامتهم يابتى ... وصار جديدة عالغربة ... الله يكون فى عونك ياحنا ... والبرازيل مرة وحدة ... ان شاالله مبسوطة وفى ناس تهدرزى معهم !!! ولا مازال ماتعرفتش على حد !!! وانستينا ياغالية فى لمتنا ... وان شاالله ديما ملتمين بالفرح والهناء ... :biggrinlo ...

هناء ...
كيف حالك ياغالية اليوم ... وان شاالله ديما تضحكى بدموعك خخخخ مع انه نادر الضحك فى الغربة ... انا لما نضحك بدموعي فى الغربة انقول ياساتر يارب ونقعد ماسكة بطنى من الخوف <<< مرعوشة بعيد عنكن ... :hahaha: ... صار عندك صاحبة درنوية ماشاء الله ... راجلى درنوي لكن انا بنغازية :icon19: ... وان شاالله يارب نمشي للحج والعقبال للى خاطرة فيها ...
الا قوليلى ايش شوربة فريكة <<< قصدك شوفان !!! وصحيتى ياهناوة ...

سلفية ...
كيف حالك ياحنا ... صار بنتك كيف بنتى بسلامتهن ياحنا ... وعلى قولتك يستر الله على القدام خخخخخ :hahaha: ... وماشاء الله عيونى ماقصرت وعطاتك المعلومات بالتفصيل ... عاد مرات دكتور وربي يكتر الدكاترة الليبين ويزيدهم علم وقوة يارب ... :) ...

حياة حلوة ...
لاحول ولاقوة الا بالله ... ان شاالله تفرج ياغالية ... واللهِ يلى تحصليها تحصليها وانتِ فى حوش هلك ... مش عارفة نحس فى روحى ماتعلمتش شي ... مغير نوكل ونشرب ونظف ونشيل ونجيب والحمدلله على كل حال ... لما مشيت لليبيا الصيف يلى فات ... ماشاء الله يسألن فيا ... ها ايش قريتى وايش ديرتى :icon36: طشت لغة والباقى لا شئ :icon36: ... ولما فكرت قلت يابتى 4 سنوات مادرتش شي وكانى فى الجامعة رانى متخرجة :humm: ...
معلش ياحياة حلوة جايتينى عالجرح ...

مرت رجلها ...
ماشاء الله تبارك الله ... الليبين وكان مش فى الامارات فى كندا ... الحمدلله على كل حال ... الله يحفظك ياحنا ويحفظ عيالك ... شني مبسوطة غادى !!! وامديرة صاحبات !!!

عيونى سهارا ...
كيف حالك ياغالية ... وايش دايرة ... واللهِ صادقة على الماكلة وسلفية ... انا نكتب وندز الرد وبعدين انتفكر هههههه :hahaha: ... الله يعطيك عصيدة ياسلفية ... كيف حال العويلة عندك وامك ايش اخبارها "ماشاء الله تبارك الله" وامتى تروح ان شاالله !!! :) ...