امواج البحار :

السلام عليكم ... ماشاء الله تبارك الله ... :) ليبيا قلبي ... كيف حالك ياحنا !!! روحتى ولا مازال !!! ياغالية الكريمات اغلبهن طبية تلقيهن ان شاالله فى دبى فى الصيدليات لانهن زيوت طبية تعتبر ... وماشاء الله عليك "مقروض وبشكوت" ... صحيتى ويعطيك العافية ... وان شاالله نفرحو بيك قريب يارب ... هناء ... ماشاء الله عليك رشيقة شكلك كم طولك !!! حتى انا غالي عليا الحاجات الطبيعية لكن يبن وسعة بال وصبر اهو بديت مع سلفية حتى انا من امس على الاقل نلقي ونس هههههه ونكتبلكن وداهنة وجهى بالخل والسكر البني اهو نشف فى وجهي وشد ... والحنا اندير في حنة الهنود تعرفى شعرتى سود وراجلى مايحبش الالوان فى الشعر وحتى انا والشيب كل مايطلع نعجن حنا بالبيض وزيت سمسم ولا زيت جوز الهند اى نوع زيت يكون عندك حتى زيت زيتون روعة ونحط على راس يطلع لونه كيف الموف الداكن مع الاسود ويغطى الشعر الابيض ... واللهِ البنات هنا يتعجبن فيه لون شعري وسبحان الله لم يخف لون الحنا يزيد يدكان لونه الاسود ... الصراحة انا مانحبش الصبغات وضدهن ... نحسهن كيف البوطاس يشهبن لون الشعر الاصلى ويطيرن الصبغة الطبيعة فى الشعر ... حياة حلوة ... ماشاء الله عليكِ ... ذكرتيني بروحى وانا بنت فى حوش هلى ... ديما ناخد ونحط وديما فاجعة خوتى بمنظري خخخخخخخخخ ... وجهي ديما قناعات ... نقولك حاجة مرة مديرة وجهى قناع المهم وانا قاعدة هنا فى كندا المهم مرة نهدرز انا وخوي من غير كامرة على الماسنجر ويحكيلي على موقف قعدت نبكى ونشهق بالعبرة المهم مسكين انشغل عليا قالي غير حطى الكامرة خلينى انشوفك بس ... انا نسيت القناع يلى فى وجهى وكيف قعد خريطة من البكاء حطيت الكامرة الا نسمع خوي بسم الله بسم الله كانه وجهك انحرقتى ولا شنو ههههههههههههههه ... قاتله لا امديرة قناع فى وجهى قالى مازالتِ حتى وانتِ براجلك وعيالك ... واللهِ انه قعد وقت وهو متلخبط مش عارف يهدرز معاى وبعدين قالى عدى اغسلى وجهك الله يربحك وبعدين انهدرزو خخخخخخخخخ ... G ليبيا ... تعرفي شعرك وكان عالطياح والحبوب اغسليه بخل التفاح ... وبعده ديري بلسم دوف ولا بانتين للشعر العادي ... شعري كان واجد يطيح لكن توا الحمدلله ... بللي شعرك بالماية وبعدين ديري الخل كيف الشامبو وردي بالك من عيونك ... وادعكي راسك به ومصمصي زين علشان البنة بتاعه وبعده حطي بلسم ... وديري خلطة الحنة مع الزيت والبيض روعة للشعر ... وكان عندك صندوق بريد عطيه ليا واندزيلك زيت سمح ان شاالله لشعرك ... مرت راجلها ... اااه ... جبتيه عالجرح ... الحمدلله يارب العالمين ... اهم حاجة ننتبهو ونوضو من الغفلة يلى راقدين فيها ... وينصرنا ربى على اعدانا ... والله يرحمه ويغفر له ويرحم مواتانا المسلمين يارب ...

السلام عليكم ... ماشاء الله تبارك الله ... :) ليبيا قلبي ... كيف حالك ياحنا !!! روحتى ولا...

امواج البحار :

عيوني سهارا ... اسمعى ياغالية الا المكياج ... اهم حاجة يكون ماركة لانه البشرة مش ناقصها ... تعرفي انا نشري من ماركة استي لاودر الصراحة روعة ... حتى لما مشيت لليبيا كان مميزة وناعم والوانها هادية وانا غالي عليا الالوان الربيعية ... هذا الويب سايت بتاعه وتلقيه فى The Bay ويدير فى تخفيضات روووعة توا وقته ... مرة شريت منه شنطة مكياج حقها بـ 500$ خديتها بـ 60$ بس شرط تشري منه حاجة اكثر من 50$ يعنى بـ 120$ شريت شنطة مكياح وشيشة عطر روعة ... وشنطة كان فيها علبة احمر خدود بجميع الالوان وعلبة اي شادو بجميع الالوان 3 الوان روج و3 الوان طلاء الاظافر خخخخخ وقلم عين اسود وماسكرة زدت عالشنطة من عندي كريم الاساس :) ... هذا قلم كحل للعين روعة يقعد ومايسيحش ... وجمبع الالوات تلاقيه ... وهذي لمعة الفم رهيبة حتى من غير روج روعة ... بجميع الالوان ... كريم الاساس هذا النوع الجديد بصراحة الكريمة يعطيك يلى تبيه من غير بودرة ولون وجهك يكون طبيعي وحلو ... انتِ خشي للموقع وياما تلقي اقري وبعدين امش اشري ... :)

عيوني سهارا ... اسمعى ياغالية الا المكياج ... اهم حاجة يكون ماركة لانه البشرة مش ناقصها...