مرت راجلها :

السلام عليكن وكيف حالكن الحوت علينا ماننعدوا كيف عروق النجم نمدوا الحمد لله ان شاءالله كل يوم نزيدوا مرحبا بيك يامغربيه المغتربه امواج وعيوني سهاره ها خبرنا عالرجيم ان شاءالله ساهل وان شاءالله غير ماتعبتنش كانهو ساهل حتى انا بنلحق عليكن:7_5_131: سلفيه وينك ان شاءالله الف لاباس عليك وربي يشفيك وباقي البناويت كلهن كيف حالكن وشن اخباركن وسلامي للجميع

السلام عليكن وكيف حالكن الحوت علينا ماننعدوا كيف عروق النجم نمدوا الحمد لله ان شاءالله...

امواج البحار :

السلام عليكم ... كيف حالكم ان شاالله طيبين ... هناوة ... كيف حالك اليوم ياغالية !!! كيف حال العويلة ان شاالله كويسين ... شوفي هذي كريمة الفرد يلى حكن عليها البنات ويشكرن فيها وهى مخصصة للاطفال ... والماركة هذي امريكية عندنا فى كندا وامريكا مش عارفة عندكم ولا لا !!! اسمها Just for Me ... في منها زيوت وكريمات وشامبو وبلسم النوعين واحد ينغسل واحد يقعد ... وانا اتشجعت نبداء عناية بالبشرة كنت قبل مانمشي لليبيا مهمتة وبعدين رخيت ... بس سبحان الله اتريها البشرة تبى عناية يومين فرقت عندي مغير نستمر ... مرااام ... كيف حالك ياغالية ... ياخيتى ربي يكون فى عونك مع العويلة ... وبذات فى الغربة وجهك فى وجهم وبيبي جديد ... الله يهديهم ويصلح حالهم ووسع بالك وبالهم يارب ... الله المستعان ... انا نقوللهم البنات صاحباتى وكان نحمل "اللهم لا اعتراض" تلقونى نعيط فى الشارع خخخخخخخ وندوي بروحي ... اسمعي الكلف مش بساهل مشيته وانتِ كيف جايبة وسعي بالك لكن يخف بشوية بشوية ... شكلك كيفي انا نقعد خريطة منه بس وجهى الحمدلله مايطلعش فيه الكلف لكن النمش على قولتك يزيد ... "وحدث ولا حرج" على باقى جسمي كارثة من الكلف "الرقبة البيطان والافخاد من فوق حشاكم" ... المهم كارثة ... لكن يمشي كله بس يبي طولة بال !!! لكن مرة قريت على وحدة هنا فى المنتدي تحلف ماشاء الله اكبر انها طلع الكلف فى جسمها حتى جهة صدرها وانها استعملت ماء ورد وبودرة التلك او بودرة طبية وتدهن بها جسمها وبذات يلى فيها الكلف وان طار كله والخط يلى بين الصدر وتحت قعد وردي لونه ... المهم بشرتها صفيت ... وانا لنقينى نبى انديرها خاشة راسى مع اني ماعنديش لكن تصفي البشرة واحنا كارهين :hahaha: ... وماسك الخل مع السكر ولا الملح كويس يصفى حتى هو عليك وعليه ... وكان تحصلى زيت فيتامين E كويس اصلاً معروف للحروق والاثار يشيلهن ... وديري حمام بخار لوجهك وحطي فيه خل تفاح وزعتر واهى هناء قالت على الكليل كلها حاجات طبيعية ويصنعو منهن فى مواد التجميل ... وياختى بالنسبة للخل والماية انظينى عادي كأنك تاكليه فى سلطة ... مانظينش يأثر ولا سمعت لها مضار بالعكس مفيد ... توكلي على الله ... وماهناك ان شاالله مضر ... ... وانتِ علشان يخشش البطن ... يقولو كشيك خل التفاح وكشيك عسل وكوبية ماية دافية خلطيهن واشربهن عالريق فى الصبح ... وعالرياضة مش عارفة !!! تى كيف انتِ تبي تكبريها ولا تصغريها !!! وكان تبى تكبريها تعالى نعطيك من عندي خخخخخخ :hahaha: ... وكان العكس قالو موضة توا خليها عنك اهم حاجة باقى جسمك خخخخخخخ .... وسلامتك ياغالية ... :26: عيوني سهارا ... ماشاء الله ... صار امس عالسوق ... حتي فلوسك كملتيهن خخخخخ :hahaha: ... ياحنا دوبيهن بعرق العافية ان شاالله ... واليوم بديت فالرجيم وامس كليت يين كبدي درهت ... استغفر الله العظيم ... المهم ربي يصبرنى اليوم ... نبى تشجيع راني لما اندير رجيم نودر الخريطة بكل خخخخخخ :hahaha: ... شربت فهوتى ونسيت نوزن توا خطر عليا ... توا نعدي نوزن ويستر الله ... اكره حاجة عندي الميزان :( ... مغربية مغتربة ... اهلاً وسهلاً ... انستينا ياغالية ... ايش اخبار الزاوية ... ههههههه لنقينى ننفع شاعرة :hahaha: ... G ليبيا ... لاباس عليك ان شاالله ... ومشكورة عالنصيحة ويستر الله ... سلفية ... تى كيف حالك يابتى !!! شغلتينا عليكِ !!! ان شاالله لاباس عليكِ وماتشوفى شر يارب ... نستنوك تردي علينا وان شاالله خير يارب ... مرت رجلها ... كيف حالك اليوم !!! كيف بدينا فالرجيم ومازال صبح ويستر الله :) ... ابدي معانا بكرة ايش رايك !!! وين باقي البنات ان شاالله خير ...

السلام عليكم ... كيف حالكم ان شاالله طيبين ... هناوة ... كيف حالك اليوم ياغالية !!! كيف حال...