توا نرجع غير شوية نرقد صغاري

السلام عليكم

كيف حالكم يا بنات اليوم

ام محمد الحمد لله انك رجعتي
وان شاء الله عتبة مباركة

لوشا
اهلا بك مجددا معنا
وان شاء الله عتبة مباركة
ونراجوا فيك مش تنسينا

هناء
اهلا بك يا غالية

ام السنفور
اهلا بك معنا وان شاء الله ربي يشفي سنفورك

عيوني سهارا وامواج
كيف حالكم
شنو اللي مدايرينه في الريجيم
تخريب للريجيم مع سبق الاصرار و الترصد هههههههه ربي يعينكم وتخففوا اوزانكم

سلفية
وينك يا غالية

مرام
حتى انت وينك

سلامات

السلام عليكم
صباح الخير

ماشششششششششااااااااااااااااااء الله غير انغيب شويه نلقاكم قلكم جايين ومعبيين ابصر قداش صفحه وانا انجى طلطم تطفشوا خلى مرة مرة اتغيب خلى ادجو

معبيين هلبه صفحات عيت وانا نقراء معاد نعرف على منى برد خلى ارجبوا بالجدد ونسلموا على اللى كانوا غايبين

ام سنفور اهلا وسهلا بيك كل يوم ماشاء الله ارحبوا بوحده جديده بعدها تمشى معاد نلقوها .... اياك والهروب

ام محمد يا مرحبا بيك والحمد لله على سلامتك عتبه مباركه عليك وعلى عويلتك نسال الله ان يرزقك خيرها ويكفيك شرها يالله نبو الوكيره متاع الحوش انا ياوخيتى مانعرف حد راهو فى كندا الا وحده فى مدينه ثانيه لكن سمعت انا اسكاربر مليانه لبيين استنى شويه وتوا تتلاقى انت وياهم

هناء الحمد لله على السلامه غيبه والله طويله درتيها

عيونى انت احسن وحده بعدى انا:hahaha: اللى طرحتى موضوع الاسماء

امواج الحمد لله اللى حالك تحسن وربى يشفيها مرت عمك

قاب ليبيا تنشد عليك الصحه كيف حالك انت وحال امك وعويلتكم واحوال المطبخ

مرام ومرت راجلها ولونتى الحلوة ولوشا وقلبى ليبيا وحياه حلوه كيف حالكم ومعاش تغيبوا

السلام عليكم
كيف اخباركم اليوم ؟؟؟
أم السنفور أنستينا وأن شاء الله لا باس على السنفور ربى يحفظه ويسلمه لك ....

أريام الحنين
أهلين بيك فى موضوعنا وشرفتينا ,,,,
وهدرزى كيف ما تحبى مع خواتك الليبيات ...

لوشا
مبارك عليك العتبه الجديده ربى يطرح فيها البركه ان شاء الله
ديما شغلى سورة البقره بيش تبعد عنكم الشياطين وربى يحفظكم بحفظه ان شاء الله

هناء
ان شاء الله ديما متهنيه والله يبارك فيك على الدعوات الحلوه
وربى يعينك على الصغار والحوسه
الحال من بعضه يا حنا
الله المستعان

امواج
الله يبارك لك فى صحتك وذريتك مشكوره عيونى ع الترحيب والحركات الحلوه
يابتى عطينا اللنك امتاع الحركات خلينا حتى نحن انقرشوا ردودنا ,,,,
ويا حنا حصلت طريحه امسمسه زى ما ايقولوا ,,,
بعيد عنك واخذتها جديات وما عنديش روح مع التايد والبوطاس
امس السنو ينزل وانا انسيق فى الكاراج جارتى اللى امقابلتنى انشوف فيها تشوفلى ومستغربه اتقول شنو هالهبله ,,,
وتعرفى اول حاجه مشيت للكنيدين تاير وشريت سياقه (قومه) وتوبو (خرطوم اميه )بيش انسيق ,,,
المهم مسحت كبدى ,,,,
على فكره يا بنات كيف اتحكن فى الحمامات اكرمكن الله ,,,,
ننقانى على ما ندهك انحس فيهن امرزوطات ودك الا مكنسه حرشه وتوبو اميه ونلعب فى السيسان من فوق للوطه :hahaha: :hahaha: :hahaha:

عيونى
الله يسلمك ويبارك فيك ,,,
وانا عارفه ان سكاربر فيها هلبه ليبيين ومنهم اطباء لكن ما رينا حد لعند توا ,,,
وانا مش فى سكاربر بروحها لكن مش بعيده منى (انا فى يورك ريجن)
ونستنى فى الارقام ان شاء الله ما تغيبى ....

جى ليبيا
سلمها الناشطه ,,,لا قوة ألا بالله
ما شاء الله على ايدياتك ربى يحفظهم ويحرمهم على النار
انا ايجنى ايام انفتلك وانطيب وايجنى ايام امغير امبكبكه وانحط بوها على خوها واندفها لهم ياكلوها وخلاص ,,,,
مرات ما عنديش اخلوق انحط طنجره على النار ,,,,
وخصوصا اتحيرى شنو تطبخى كل يوم (ذبحنا الروتين)
شنو رايكن بلا هالرجيم امغير تقطعن ارواحكن بالشر وياريته غير تنقصن المهم كولن اشوى مش لدرجة الشبع وقللن من النشويات وعوضن مكانهن بالخضره والفاكهه .
قال عليه افضل السلام (بحسب ابن آدم لقيمات يقمن صلبة).
وقال ايضاً (ما ملأ ابن آدم وعاء شراً من بطنه)، وقوله صلى الله عليه وسلم (نحن قوم لا نأكل حتى نجوع، وإذا أكلنا لا نشبع) أي لا نملأ معدتنا إلى أن نصل إلى حد الإشباع والتخمة.

أهم شيئ الاكل لازم يكون يحتوى على العناصر الست الاساسيه للغذاء
بس ممكن التقليل من الكربوهيدرا واستبدلنها بالخبز الاسمر والرز الاسمر
والبروتينات كولن المطبوخ بدل المشوى وبعدن عن القلى
اهم حاجه كثرن من الجزر والبروكلى لان فيهن مواد تمنه المواد المؤكسه او بالاحرى تقلل من خطر الاصابه بالاورام
اللحوم الحمراء قللن منها قدر الامكان ,,,,

وهذه اشوى نصائح نقلتها لكن للفائده من سيرة المصطفى عليه الصلاة والسلام.

بعض القواعد البسيطة في هديه الكريم قبل وأثناء وبعد تناول الغذاء:

1. الجلوس معتدلاً سواء كان على الأرض أو الطاولة لأنه أصح للمعدة، حيث ينحدر الطعام بسهولة وقد نهى عليه السلام أن يأكل الشخص ممتلئاً.

2. غسـل اليدين قبل تناول الطعام فقد روى عنه عليه السلام قوله "من أحب أن يكثر الله خير بيته فليتوضأ إذا حضر غذاؤه وإذا رفع والمقصود بالوضوء هنا غسل اليدين.

3. التسمية وإذا نسي فليقل (بسم الله في أوله وآخره)

4. الأكل باليمين سوء ذلك باليد أو إمساك السكين باليسار والملعقة والشوكة باليمين

5. البساطة في المأكل والمشرب وعدم الإسراف والتبذير.

6. عدم ملء الفم بالطعام وحشوه به وتصغير اللقمة والمضغ الجيد والأكل مما يلي الشخص.

7. عند الأكل باليد لا تنفض ما تبقى في اليدين من بقايا الأكل في الصحن نفسه، فإن ذلك يثير اشئمزاز الآخرين.

8. عدم إخراج صوت من الفم أثناء تناول الطعام سوء كان تجشؤاً أو صوت المضغ.

9. عدم الكلام والفم مملوء بالطعام لمنع تناثر الطعام بطريقة مقززة.

10. عدم مراقبة الإنسان للجالسين على المائدة وطريقة أكلهم مما يسبب ضيق وإزعاج.

11. حمد الله والشكر بعد الأكل فقد كان عليه السلام إذا أكل أو شرب قال الحمد الله الذي أطعمنا وسقنا وجعلنا مسلمين.

12. كان صلى الله عليه وسلم ينهى عن النوم بعد الأكل.. ويذكر أنه يقسي القلب... ولم يكن ينام ممتلئ البدن من الطعام والشراب.._ابن القيم _

13. صح عنه صلى الله علية وسلم ((لا آكل متكئاً)) رواه البخاري...

14. غسل اليدين بعد الانتهاء من الطعام.

15. من الأفضل للجماعة أن يجتمعوا على الطعام، ولا يتفرقوا فإن ذلك من أسباب الألفة والمودة والاحترام وحلول البركة للجماعة والأسرة.



انجوا لبيت القصيد

تعالن انتعاونوا على جدول متنوع وصحى للتطييب وبدل هالحيره كل يوم اللى هذه اتخش تنقل الجدول وتطبق منه وبلاش حيره ,,,,

باقى البنات كيف اخباركن وان شاء الله كلكن طيبات وبخير

سلفيه
شن اخبارك ؟
شورنا كتبنا فى وقت واحد .
الله يبارك فيكِ وان شاء الله انباركولك يوم تولدى بالسلامه وتجيبى بنوته زى البدر .
شن اخبارك مع الترجيع
فيه قائمة ادويه تنعطى للحوامل بس اغلبها تبى وصفه طبيه
لكن فيه هذا Bendectin تقدرى تاخذيه من غير وصفه هو فيتامين ب6
combining pyridoxine and doxylamine
تلاقيه فى الصيدليات تحت اسم Diclectin خوذى حبتين فى الليل.
وامان فى الحمل وينقص من الترجيع وزعام الكبد...

حاجه ثانيه اشربى الجنجر
مشروب الكندا دراى راهو فعال فى تنحاى زعام الكبد