سلفية 1 :

السلام عليكم صباح الخيررررررررررررررررررررررررررررررر كيف حالكم اليوم اليوم مافى حد اى ليبيا وكيف حالك شيفتنا ام محمد العصير اللى قلتيلى عليه وين نلقاه ؟؟ يالله صحصحوا وابدوا فى الجدول متاع التطيب

السلام عليكم صباح الخيررررررررررررررررررررررررررررررر كيف حالكم اليوم اليوم مافى حد اى ليبيا...

em mohamed :

السلام عليكم كيف حالكن اليوم يا غاليات اليوم نبى انفضفض اشوىحاسه روحى مخنوقه وكانى امدايره حاجه غلط ,,, امواج مشكوره على الموقع مع انه ممنوع وضع وصلات لمواقع اخرى بس ما عليه لكِ معروف نذكر انى سجلت فيه زمان لما دمروا موقع حواء وخربوا اشوى مواضيع وكسدنا مشينا سجلنا فى لكِ بس نسيت كلمة السر ومعش خشيت له ,,, ويا حنا كان فيه موضوع على صور الانيمى اللى هن الصور الكرتونيه حطاته الاخت وردة الجورى واعتقد ان الحكم على الصور ينطبق حتى هنا فخلونا انحطوا بس اللى ما فيهنش اوجوه يعنى صور القلوب بس ,,,, بصراحه كثرت المحاذير والواحد كل مازاد حرصه كل ما اكتشف ان المحرمات كثرن والدائره ضاقت ,,,, اللهم نسالك العصمه من الزلل ,,,, طبعاً أحنا مش فى موقع فتوى فأجرئكم على الفتوى أجرئكم على النار بس فيه حاجات بالعقل ما اتجيش اكيد فهمتنى ,,,, ممكن احنا فى ليبيا مش متعودين على التشدد ومتساهلين فى هلبه حاجات علشان هكى نعتبروا فى المتمسكين ديناً امكثرينها علينا ,,,, ربى يهدينا وخلاص ويرينا الحق حقاً ويرزقنا اتباعه ,,,, نعطيكن مثال بسيط ,,,, امى لما مشت حجت اول ما روحت قالت للنساوين قريباتنا رانى ما انسلمش على الرجاله بيش اتقولن لرجالتكن انى معش انسلم ,,,, وقالتلهن رانى نشدت الشيوخ غادى وكلهم ايقولوا لى راهو السلام على غير المحارم كأنه مشهاب من نار يدخل يدك ,,, طبعاً اول وحدين زعلوا منها هم عمامى اللى هم اسلوفاها وقالوا ابله ز.... خشت ع الدين ومش عارف شنو ....ولما انروح عمى الكبير قبل ما ايسلم عليا (عمى) ايقولى حتى انتِ كيف امك وألا كنديه عادي) بس احسن حاجه معش حد ايخش لحوشنا جوا ويقمعزوا فى المربوعه برا ومعش ينادونا تعالوا سلموا افتكينا وعرفوا كلهم ان نحنا معش انسلموا وخصوصا مرات خوى منقبه ... يعنى حوشنا ملغم خخخخخخخ. ايوه هكى تريحت اشوى,,,, تعرفن حتى انا تعجبنى الاسماء القديمه بنتى قبل نبى انسميها ريم بس جدتها سمتها رويدا (عزوزتى ستايل) ويعجبنى اسم زينب ,واسم خوذ .... طبعاً اى اسم نحن محاسبين عليه (اكيد اتقولن هذه شن دعوتها ع الصبح) لا بجديات لما سميت ابنى الصغير ياسين وعلماً انى سألت فى موقع فتوى عن كونه خالى من الشبهات فقالوا لى لابأس بس انه يُكتب ياسين مش يس يعنى مش مقصود به الحروف ببداية سورة يس ,علماً ان فيه ايه تقول( ال ياسين ) المهم بعد ما سجلنا الولد كل اشوى واحد امكلمنا ويقول راهو الاسم مكروه وانظر شنو وقلت لزوجى خلينا انغيروه مشى حلف والله مانى امغيره لو كان توا شنو ايصير :30: مش سألنا فى موقع اسلامى وقالوا حلال خلاص تمت ,,,, فعلشان هكى لازم الواحد قبل ما يسمى يتأكد من الاسماء توا اندورلكن المواقع اللى تتحدث عن الاسماء بأذن الله ,,, سامحنى كثرت عليكن اليوم بس انحس روحى تريحت اشوى ,,,, سلفيه هذا مشروب مش عصير تلاقيه فى اى سوق جيهة المشاريب مع الكولا والميرندا والسفن اب حكه خضرا وعليها العلامه اللى فوق (مشروب الزنجبيل) اكيد شاربه منه بس مش واخذه بالك ) بالنسبه للطبخ قسموا الايام انا اليوم نبى اندير ساندوتشات جبنه وزعتر العيال يحبوهن ,,,, وشربة خضره بالدجاج هذه طلبتها بنتى لانها مزكومه (تتفرج على التلفزيون وتشوف فيهم ياكلوا فى تشكن سوب لما يمرضوا) واشوى اسباقيتى بالصلصه ,,,, هى ريحتكن من اول يوم ,,,,,دوركن

السلام عليكم كيف حالكن اليوم يا غاليات اليوم نبى انفضفض اشوىحاسه روحى مخنوقه وكانى امدايره...

em mohamed :

السلام عليكم كيف حالكن اليوم يا غاليات اليوم نبى انفضفض اشوىحاسه روحى مخنوقه وكانى امدايره حاجه غلط ,,, امواج مشكوره على الموقع مع انه ممنوع وضع وصلات لمواقع اخرى بس ما عليه لكِ معروف نذكر انى سجلت فيه زمان لما دمروا موقع حواء وخربوا اشوى مواضيع وكسدنا مشينا سجلنا فى لكِ بس نسيت كلمة السر ومعش خشيت له ,,, ويا حنا كان فيه موضوع على صور الانيمى اللى هن الصور الكرتونيه حطاته الاخت وردة الجورى واعتقد ان الحكم على الصور ينطبق حتى هنا فخلونا انحطوا بس اللى ما فيهنش اوجوه يعنى صور القلوب بس ,,,, بصراحه كثرت المحاذير والواحد كل مازاد حرصه كل ما اكتشف ان المحرمات كثرن والدائره ضاقت ,,,, اللهم نسالك العصمه من الزلل ,,,, طبعاً أحنا مش فى موقع فتوى فأجرئكم على الفتوى أجرئكم على النار بس فيه حاجات بالعقل ما اتجيش اكيد فهمتنى ,,,, ممكن احنا فى ليبيا مش متعودين على التشدد ومتساهلين فى هلبه حاجات علشان هكى نعتبروا فى المتمسكين ديناً امكثرينها علينا ,,,, ربى يهدينا وخلاص ويرينا الحق حقاً ويرزقنا اتباعه ,,,, نعطيكن مثال بسيط ,,,, امى لما مشت حجت اول ما روحت قالت للنساوين قريباتنا رانى ما انسلمش على الرجاله بيش اتقولن لرجالتكن انى معش انسلم ,,,, وقالتلهن رانى نشدت الشيوخ غادى وكلهم ايقولوا لى راهو السلام على غير المحارم كأنه مشهاب من نار يدخل يدك ,,, طبعاً اول وحدين زعلوا منها هم عمامى اللى هم اسلوفاها وقالوا ابله ز.... خشت ع الدين ومش عارف شنو ....ولما انروح عمى الكبير قبل ما ايسلم عليا (عمى) ايقولى حتى انتِ كيف امك وألا كنديه عادي) بس احسن حاجه معش حد ايخش لحوشنا جوا ويقمعزوا فى المربوعه برا ومعش ينادونا تعالوا سلموا افتكينا وعرفوا كلهم ان نحنا معش انسلموا وخصوصا مرات خوى منقبه ... يعنى حوشنا ملغم خخخخخخخ. ايوه هكى تريحت اشوى,,,, تعرفن حتى انا تعجبنى الاسماء القديمه بنتى قبل نبى انسميها ريم بس جدتها سمتها رويدا (عزوزتى ستايل) ويعجبنى اسم زينب ,واسم خوذ .... طبعاً اى اسم نحن محاسبين عليه (اكيد اتقولن هذه شن دعوتها ع الصبح) لا بجديات لما سميت ابنى الصغير ياسين وعلماً انى سألت فى موقع فتوى عن كونه خالى من الشبهات فقالوا لى لابأس بس انه يُكتب ياسين مش يس يعنى مش مقصود به الحروف ببداية سورة يس ,علماً ان فيه ايه تقول( ال ياسين ) المهم بعد ما سجلنا الولد كل اشوى واحد امكلمنا ويقول راهو الاسم مكروه وانظر شنو وقلت لزوجى خلينا انغيروه مشى حلف والله مانى امغيره لو كان توا شنو ايصير :30: مش سألنا فى موقع اسلامى وقالوا حلال خلاص تمت ,,,, فعلشان هكى لازم الواحد قبل ما يسمى يتأكد من الاسماء توا اندورلكن المواقع اللى تتحدث عن الاسماء بأذن الله ,,, سامحنى كثرت عليكن اليوم بس انحس روحى تريحت اشوى ,,,, سلفيه هذا مشروب مش عصير تلاقيه فى اى سوق جيهة المشاريب مع الكولا والميرندا والسفن اب حكه خضرا وعليها العلامه اللى فوق (مشروب الزنجبيل) اكيد شاربه منه بس مش واخذه بالك ) بالنسبه للطبخ قسموا الايام انا اليوم نبى اندير ساندوتشات جبنه وزعتر العيال يحبوهن ,,,, وشربة خضره بالدجاج هذه طلبتها بنتى لانها مزكومه (تتفرج على التلفزيون وتشوف فيهم ياكلوا فى تشكن سوب لما يمرضوا) واشوى اسباقيتى بالصلصه ,,,, هى ريحتكن من اول يوم ,,,,,دوركن

السلام عليكم كيف حالكن اليوم يا غاليات اليوم نبى انفضفض اشوىحاسه روحى مخنوقه وكانى امدايره...