سلفية 1
سلفية 1
معليش سامحيني سلفية راجلي يبي الكمبيوتر تصبحي علي خير
تفضلى قدامك كل خير نتلاقوا على الخير يارب

السلام عليكم
اريام الحنين
اريام الحنين
اهلين اختى عيونى سهار ا ..
فعلا اهم شى الصحة والعافية اللة يمتعنا ويمتعكى بها .
الحمدللة للة عندى اطفال ولد 8سنوات .وتؤام بنت ولد 4سنوات واللة هم مونسيننى بغربتى اللة لايحرمنى منهم .
وانت كم عندك اطفال
.
اختى سلفية انشاءللة تولدى بالسلامة .
اختى امواج البحار توحشتك هلبة هلبة .وبالسعودى .اشتقت لك مرة مرة (كثير )
تحياتى لكم جميعا.
سلفية 1
سلفية 1
اهلين اختى عيونى سهار ا .. فعلا اهم شى الصحة والعافية اللة يمتعنا ويمتعكى بها . الحمدللة للة...
السلام عليكم

صباح الخير

ويينكم يا بنات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اريام الحنيين بارك الله فيك على الدعوة واللهم امين
الله يحفظلك عيالك وونسك بيهم
امواج البحار
امواج البحار
السلام عليكم صباح الخير ويينكم يا بنات...
السلام عليكم ...
كيف حالكن بنات ... ماشاء الله تبارك الله ... تهدريزة تهبل ... ذكرتينى بالسنة يلى فاتت وانا نجري زي الهبلة من مول لمول علشان المشية لليبيا !!! وشري دبش عرايس وهدايا ... اااه توا مرتاحة من هالوجيج وكرهت السوق اكثر من حاجة الحوش مانشري شي ثاني ... الله يوفقكن ويكون فى عونكن ...

سلفية ...
علشان تضيفى البيبى لبسبورتك اقل شي 10 ايام ياغالية <<< نقصد البسبورت الليبيى من السفارة الليبية فى اتاوا ... وبالنسبة للشهادة الميلاد الكندية ماتحيارش ان شاالله بسرعة ... ويارب ان شاالله تجيبى فى موعدك ولا حتى قبل بإسبوع بيش اتريحي وتبان الرؤية الصراحة هكى نحسها صعبة شوية افرضي تأخرتى !!! انا فى بنتى وثالث بطن وتأخرت 10 ايام على موعدي ... وكنت نحساب روحي نجيب بدري من الجري وراء 3 عيال وصغار وعلى هذا كله ولدونى صناعى مشيتلهم وجهى بارد ومانحس فى حاجة وهذا كله 10 ايام متأخرة وكان يحطونى فى سباق المارثون بتاع الجري نغلبهم كلهم خخخخخخخ ... مانبيش نخوفك لكن حسبتك فى المشية غلط ...
وبالنسبة لقصة المحرم فى السفر ... واللهِ انا نسافر بروحي بعيالى اهئ اهئ اهئ ياساتر يارب !!!
واللهِ شنو هالدعوة نحساب روحى ملتزمة شوية طلعت نرفس !!!
اللهم ارينا الحق حقاً وارزقنا اتباعه وارينا الباطل باطلاً وارزقنا اجتنابه ...

هناء ...
وينك غطستى ياغالية ... ماشاء الله عالسوق حتى انتِ !!! شنى امال عندك نزلة لليبيا !!! الله يعينك ويحفظلك عيالك وزوجك يارب ...

غادة ...
خخخخخخخخ تعرفي اسمك على اسم مرات خوي العروسة ... ان شاالله نفرحو بيك حتى انتِ ... ها شكلك مكسدة !!!



ياهلا بالغالية اريام الحنين ...
اني قاعدة الله يسلمك ... ماشاء الله الله اكبر لاقوة الا بالله ... عندك تؤام كيفي انا بس اولاد وانتِ ولد وبنت ... اي هم مونسينا بالغربة "الحمدلله" وربى يقدرنا على تربياتهم يارب ...

ام محمد ...
وينك غطستى خير ان شاالله ...
مرام ...
عارفتك مشغولة الله يكون فى عونك ياغالية ...
مشيمشة ...
يابتى قلتى نص واحد نكون معاكم اهو قريب يكمل واحد وماجيتى <<< وحدة شوراخة ...
ليبيا قلبي ...
خير ان شاالله شغلتينا عليكِ ووين ديارك !!!
مرت راجلها ...
وينك ياغالية !!! ان شاالله طيبة ...
حياة حلوة ...
خخخخ انتخيل فيكِ وانتِ ماشية جاية على المعهد وتخممى فى الامتحانات خخخخخ ...
لوتي الحلوة وام السنفور ...
يابتى سجلتن وهربتن !!!
مدام على ...
خير ان شاالله !!!
تيتنك وطالبة عفو الله ...
وينكن خير ان شاالله !!!
aionisahara
aionisahara
السلام عليكم

صباح الخير علي الحلوات

كيف حالكم اليوم و شن اخباركم, شن مدايرين

اني بنطلع نشري قضية للحوش لقيت الثلاجة فاضية حتي الطماطم الاخضر ما نكسابه قولت اندير عليكم طلة قبل ما نمشي و ياريتني ما خشيت:44: لقيت امواج هدرزت و سالت علي الكل ما عادا اني:(
والله ماني عارفة سقط سهوا و الا عمدا

ام محمد
وينك نستنوا فيك و في كلامك الي زي الشهد

سلفية
صباح النور عليك


اريام الحنين
شرفتينا و انستينا بتواجدك معانا
ماشاء الله عندك توام زي امواج البحار, الله يونسك بيهم وربي يحفظهملك و لا يحرمك منهم و انشاء الله تشوفي صغارهم يارب
عندك حق الصغار الي مهونين علينا الغربة الله يحفظهم
اني عندي ولدين أحمد و عمر انشاء الله ربي يحفظهم لي و انشاء الله ربي يرزقني ببنوتة لاني اموت في البنات

امواج
:( :( :(
ماتبيش تسالي عليا

حياه حلوة
وينك مغطسة في القراية , ربي يوفقك

جي ليبيا
وينك شن بديتي تملي مننا

هناء
وينك حبيبتي هذا كله شوبنق


مشيمشة
نحن في انتظارك
لوشا,,,, مرام,,,,مدام علي ,,,, زوبة الحبوبة,,,,,,مرت راجلها,,,,,ليبيا قلبي ,,,,,لونتي الحلوة,,,,ام السنفور
وينكم انشاء الله خير

:26: :26: :26: