em mohamed :

دى ليون مرحبتين يا حنا شنو اخبارك ؟ وشنو الجو ؟ روحتى لليبيا شكلك ... الحمد لله على سلامتكم وربى يونسكم بهلكم فى البلاد ,,, اما احسن ايام فرنسا وألا فى ليبيا احكيلنا شعورك لما رجعتى بعد الغربه كل اللى ننشدوه ما ايجاوبش بصراحه عارفين ان الغربه فيها هلبه مساؤى بس احسن ما فيها راحة البال والتقرب الى الله والوطن ما فيش كيفه رغم بعض العراقيل اللى تواجه صعوبة التكيف بعد الاغتراب ويكفى القعده مع الاهل والاحباب ويكفى الواحد لما ينظام ايقول يا هلى وينكم والا افزعوا لى يا خوتى مش كيف القعده هنايا حتى كان الواحد يعطوه على راسه يزمطها ويسكت ,,, احكيلنا عنك وعن تجربتك فى الاستقرار ان شاء الله ربى يفتحها عليك وعلينا ,,, نستنوا فى تواصلك معانا فراشه مرحبتين بيك وان شاء الله جيتينا بالبركه والصحه انستى ونورتى ,,,

دى ليون مرحبتين يا حنا شنو اخبارك ؟ وشنو الجو ؟ روحتى لليبيا شكلك ... الحمد لله على سلامتكم...

ليبيا قلبي :

السلام عليكم ورحمة الله وبركاتة كيف حالكم يابنات كلكم كلكم شنو اخباركم ما شاء الله ما قدرتش انكمل قريت الصفحه تريتكم هدرزات مافي حد يغلبنا نحن الليبيات في التهدريز هههههههههههه شكله مافي حد توه ان شاء الله انطل بعدين

السلام عليكم ورحمة الله وبركاتة كيف حالكم يابنات كلكم كلكم شنو اخباركم ما شاء الله ما...

حياه حلوه :

ليبيا قلبي والله هو الواحد الازم من تغيره الجو وخاصه كان ليك فتره مانزلتي لي ليبيا اني اول ماجئت الامارات مانزلتش لي ليبيا متوحشته صحه العصبان فراشه اهلن وسهلن بيك

ليبيا قلبي والله هو الواحد الازم من تغيره الجو وخاصه كان ليك فتره مانزلتي لي ليبيا اني اول...

em mohamed :

السلام عليكم شنو حالكن اليوم يا بنات ؟ عيونى تشرفت بمعرفتك يا غاليه وأن شاء الله ديما انكونوا على اتصال وامانه لما اتجيبكم الطريق شور تورنتو تعالوا زورونا . والتاريخ اليوم الثلاثاء 4 محرم, 1428 هجرى بارك الله فيك على التذكير ان شاء الله نقدروا انصيموا لو ما جاناش عذر يمنعنا ,,, سلفيه ان شاء الله انكون اول وحده تزورك من البنات وانذوقك من ماكلتى ايقولوا اتهبل وناشطه وفايحه(وحده تشكر فى روحها ) غير خلونى اشوى نعرف كيف الطرق هنايا لتوا نمشى لنهاية شارعنا وانولى مازلت خايفه انودر الطريق بالسياره وسواقتهم هنايا زى ليبيا يطلعوا فى الاحمر وما يعطوش الطريق (عليك تشويه سمعه اندير فيه ههههه),,,, امشيمشه حتى انا زيك كساد هنايا بس الفرق ان المدينه ناشطه وفيها هلبه امكانات وين تمشى وتدهورى وزحمه غير انا ما زال مانعرف حد فيت وحده امريكيه لقيتها فى المسجد وعطتنى تلفونها لكن شكلها مش جوى ومش حننسجم امعاها نبى بنت من بلادى ونلقوا على شنو انقصروا الوقت ,,, ان شاء الله اتجيك ام زهر وتونسك فى مدينتك ,,,, وبأذن الله انديرولكم زياره توا عندنا وين انباتوا فى سسكاتون بس مدينتكم شكلها ما هناش ع الخريطه خخخخخ(وحده اتناشب) امواج يادبه بطلى ماكله بيش تلقى ما تلبسى ههههههه حتى التفصيل فى كندا غالى صحتين يا حنا بس ردى بالك من وزنك على الاقل تحافظى على صحتك الله الحافظ وكنك امنقصه الخشوش ان شاء الله المانع خير ,,, ليبيا قلبى الحمد لله على السلامه وان شاء الله زياره ونياره حياه حلوه ان شاء الله ربى اينجحك ويفرحك بولد الحلال ,,, اريام ما شاء الله عصبان ورشده مره وحده شكلنا نعطوك الجنسيه وخلاص هههههه انا اموت فى العصبان اقصد المصارين وخصوصا لو حاره (شطه زياده) واتكون امحمره اشوى فى الكوشه يم يم مرت راجلها ما شاء الله ديما امنوره يعطيك الصحه وسلم ايدياتك سفهتينا بالماكله والصور عندى اشوى صور فى الكمبيوتر توا انزلهم بأذن الله

السلام عليكم شنو حالكن اليوم يا بنات ؟ عيونى تشرفت بمعرفتك يا غاليه وأن شاء الله ديما...

مشيمشة :

اهلين بوخيتي ليبيا قلبها الحمد لله علي السلامة كيف حالك او حال الاهل كلهم ان شاء الله طيبين نيالك عيدتي في ليبيا ان شاء الله العقبالنا ياربي والله مستاحشة اهلي هلبة :( اكيد تفكرتيني لان اني مانسيتكش ياوخيتي من التجمع اللي فات او ربي ايونسنا ببعض ان شاء الله

اهلين بوخيتي ليبيا قلبها الحمد لله علي السلامة كيف حالك او حال الاهل كلهم ان شاء الله طيبين...