اريام الحنين

كيف حالك و حال الصغار
اليوم ناشطة مشيتي للمول , معليش انشاء الله تلاقيها الماكينة في المرة الجاية
خليك في العصبان لين تلاقي الماكينة

ليبيا قلبي

حمد الله علي سلامتك , نورتي دبي
صار كل شوية تنزلي لليبيا , عطالك الله , باهي حتى اهلك ما يفقدوكش
انشاء الله ديمة ملتمين

حياه حلوة

كيف حالك يا صغيرونة
نحسابك اكبر, صح عندي عريس لكن كبير عليك طلعتي صغيرة عليه
ربي يوفقك و يرزقك ولد الحلال الي يناسبك
عاد توا الهي بقرايتك و بعيدين ربي يسهل

سلفية

وينك يالغالية , انشاء الله خير , طمنينا عليك , شغلتي بالنا

ام محمد

كيف حالك و حال عويلتك
اني تشرفت بمعرفتك اكثر , عاد المرة الجاية عليك تكلميني بش ما نحسش اني فارضة روحي عليك
و حتى انت كان جيتي لهاملتون لازم اتجيني , نعرف انا معارفك هلبة في هاملتون لكن لما اتجي اعملي حسابك بتشرفيني بزيارتك