كوبونات الراقية تسجيل الدخول

good life
good life •
فراشة.. فراشة.. :
السلااااااااااااااااااااااااام عليكم جمعة مباركة للجميع ان شااااااء الله كيف حالكم فردة فردة هههههههههههههههه( ماهو ما تجيش فردا فردا لووووول) صحيتووووووا كل وحدة باسمها .. اللي سلمت واللي نشدت واللي دارت روحها ما شااافتنيش ههههههههههههههههههههههههههههههههه امواج شدي البطاقة عندك( غير راهي تطيح وتتكسر هههههههههههه) <<<فراشة( زي الحق ) العمر ( اصغر من اختي الكبيرة واكبر من الصغيرة 31 سنة في طاعة المولي عز وجل ان شاء الله ) ام وزوجة ( هو فيه ام مش زوجة هههههههههه) عندي بنوووووتة 8 سنين وولد 6 وولد 5 ومزيووود كيف واصل سبشل دلفري هههههههه شهرين السكن بريطانيا .. وين في بريطانيا .. طرابلس الانجليزية ههههههههههه اكيد عرفتوها ( مانشستر ندلعوا فيها (ما نيش ستر .. ..) مقيمة وبالاستكر الاحمر >>جنسية وشنووا تاني الجو هنا كل واحد وكيف يبي روووحه.. يعني وين تحطي روحك تلقيها تبي الزحمة والدوشة والمشي والجي ما فيش اكثر منه ومن بلاويه. (فيه مرابيع تقعد لعند 3 الفجر مفتوحة هههههههههههههه شاهي ماشي شاهي جاي والقرمة للصبح ) . تبي روحك علي حالك..دابك داب حويشك وشيبانيك وصغيويرتك ( اريح واحسن واقل مشاكل ..) انتي وجووووووك لاكن والله ما في احلي من البلاد .. مشيت في الصيف .. الجو يهبل امغير درجة الحرارة شوتنا.. صار فينا زي البوب كورن( السبول هههههههههههههه طرشق طرشق اني والصغار .. وكان مش من البحر رانا ولينا قديد) دليون بنت عمي .. صار عجبهم واشونك الجوووووووووووو غادي ..ههههههه <<<<<ما صدقت لقت هدرزة اموواج تعلمت من المنتدي هلبة .. شوفي قسم الاشغال اليدوية <<<<<<<متربعة غاااااااااادي اريام سلمت يداكي .. بارك الله فيكي . علي التذكير وعلي . علي الطريقة..وجمعة مباركة ان شاء الله نشوفكم علي خير بنمشي نرضع العيل ونوولي
السلااااااااااااااااااااااااام عليكم جمعة مباركة للجميع ان شااااااء الله كيف حالكم فردة...
:26: :26: :26:
حبيت انرحب ونسلم على جميع اخواتي الليبيات وغير الليبيات المساهمات في هذا الموضوع اني كنت متابعتكم من فترة بس مشكلتي ان الكيبورد متعي مش معرب واني نستخدم في لوحة المفاتيح من الانترنيت يعني طباعة بالماوس بعدين قطع ولصق وهذا ياخذ مني وقت طويل:09: لهذا مشاركاتي قليلةومختصرة لكن انتم نعرفكم متحبوشي الاختصار بكل:22: المهم اني لما يكون عندي وقت مش حنقصر معاكم ان شأالله
:26: :26: :26:
good life
good life •
good life good life :
:26: :26: :26: حبيت انرحب ونسلم على جميع اخواتي الليبيات وغير الليبيات المساهمات في هذا الموضوع اني كنت متابعتكم من فترة بس مشكلتي ان الكيبورد متعي مش معرب واني نستخدم في لوحة المفاتيح من الانترنيت يعني طباعة بالماوس بعدين قطع ولصق وهذا ياخذ مني وقت طويل:09: لهذا مشاركاتي قليلةومختصرة لكن انتم نعرفكم متحبوشي الاختصار بكل:22: المهم اني لما يكون عندي وقت مش حنقصر معاكم ان شأالله :26: :26: :26:
:26: :26: :26: حبيت انرحب ونسلم على جميع اخواتي الليبيات وغير الليبيات المساهمات في هذا الموضوع...
حي عليا انسيت مقدمتش البطاقة الشخصية:
الاسم: good life اسم عطري القديم
العمر: 24
الحالة الاجتماعية :متزوجة
عددالأطفال: واحد فقط
مكان الاقامة :حاليا بريطانيا
ها شن رايكم بطاقة نمودجية ههههه
بنات ادعولى ان انروح لليبيا وان ربي يجمعني باهلي قريب
good life
good life •
good life good life :
حي عليا انسيت مقدمتش البطاقة الشخصية: الاسم: good life اسم عطري القديم العمر: 24 الحالة الاجتماعية :متزوجة عددالأطفال: واحد فقط مكان الاقامة :حاليا بريطانيا ها شن رايكم بطاقة نمودجية ههههه بنات ادعولى ان انروح لليبيا وان ربي يجمعني باهلي قريب
حي عليا انسيت مقدمتش البطاقة الشخصية: الاسم: good life اسم عطري القديم العمر: 24 الحالة...
دعاء يريح النفس:
يارَبْ سَاعدْني عَلى أن أقول كَلمة الحَقّ في وَجْه الأقويَاء وأن لا أقول البَاطل لأكْسبْ تَصْفيق الضعَفاء وَأن أرَى الناحَية الأخرْى مِنَ الصّوَرة وَلا تتركنْي أتّهِم خصْومي بِأنّهمْ خَونه لأنهّم اخْتلفوا مَعي في الرأي
يارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ وإذا أعَطيتني نجَاحاً فلا تأخذ تَواضعْي وإذا أعطيتني تواضعاً فلا تأخذ اعتزازي بِكرامتي

يارَبْ ساعدني على حبّ النَاسْ كَما أحبّ نَفسْي وَعَلّمني أنْ أحَاسِبْ نَفسْي كَما أحَاسِبْ النَاسْ وَعَلّمنْي أنْ التسَامح هَو أكْبَر مَراتب القوّة وَأنّ حبّ الانتقام هَو أولْ مَظاهِر الضعْفَ.

يارَبْ لا تدعني أصَاب بِالغرور إذا نَجَحْت وَلا باليأس إذا فْشلت
بَل ذكّرني دائِـماً أن الفَشَل هَو التجَارب التي تسْـبِق النّجَاح.

يارَبْ إذا جَرَّدتني مِن المال فاتركْ لي الأمل وَإذا جَرّدتني مِنَ النجَّاح فاترك لي قوّة الأعتماد عليك حَتّى أتغلب عَلى الفَشل وَإذا جَرّدتني مَن نعْمة الصَّحة فاترك لي نعمة الإيمان.

يارَبْ إذا أسَأت إلى الناس فَاعْطِني شجَاعَة الاعتذار وإذا أسَاء لي النَّاس فاعْطِنْي شجَاعَة العَفْوَ وإذا نَسيْتك يَارَبّ أرجو أن لا تنسَـاني مَنْ عَفوِك وَحْلمك فأنت الغفور البر الرحيم
G Libya
G Libya •
السلام عليكم

كيف حالكم اليوم

ومرحبتين بخواتنا الجديدات اللي انضموا لينا

ام مودي وميمي
اهلا بك ونراجوا في هدرزتك معانا مش تهربي

ليبيا قلبي
للاسف ماصورتاش الدونتس
ماهو كنت مشغولة هلبا

ولكن نراجي في الدونتس متاعك

فراشة يا غالية اهلا بكِ معنا
وربي يحفظ لك صغيويرتك


امواج يا حبيبة
حتى نحن نديروا في المبطن بلا صلصلة مرات نادرة كان نديروا له صلصة

اريام
ربي يعاونك ياغالية
بالنسبة للصور
بعد ترسلي الصور من الكاميرا او الموبايل
ارفعيهم على موقع لرفع الصور وانسخي الرابط اللي يطلع لك
وبعدها اضغطي عالمربع اللي فيه صورة صغيرة في اضافة الرد او الموضوع والصقي الرابط

اذا مافهمتي نعاود نشرح لك


دي ليون
اهلا بك ... كيف حال الصغار وان شاء الله مرتاحين
good life
اهلا بك ياغالية
وننتظروا مشاركتك معنا

سلفية
شنو اخبارك اليوم

عيوني
وينك ياغالية طمنينا عليك

ام محمد ومشيمشة
كيف حالكم اليوم في الصقع اللي عندكم
حياه حلوه
ايه اخيرا صار منه الدونات

ان شاء الله مانسيت حد
سلامات يا غاليات
aionisahara
aionisahara •
السلام عليكم و رحمة الله وبركاته

صباح الخير علي احلى الحلوات
كيف حالكم و حال صغاركم و شن اخباركم وشن مدايرين

سامحوني انشغلت عليكم
سلمكم نشادات و الله يبارك فيكم و اجعلني ما نفقدكم , فرحت من قلبي لما لقتكم تسألوا عليا و علي صغاري و فاقديني
الله يبارك فيكم و يحفظكم و يحفظلكم صغيويرتكم
كنت مشغولة مع الصغار مرضى , و معركة في كل موعد دواء , و الترجيع و ما ادراك ما الترجيع الحوسة و التنظيف و الغسيل ,الغسالة ما توقفش , وبعدين تكون جبل من حوايج الصابون و اني عاد اكره ما عندي التطبيق و تستيف الحوايج , حتى العشي امس طيبته الساعة 7 , و زيدك يا زايد نفسي ضايقة عليا حتى النوم مجافيني مشغولة علي عمتي مريضة هلبة متغلبة ربي يشفيها
ادعولها