عيوني

اهلا بك
اخباري الحمد لله
وياحنة عندي خو واحد بس اصغر منّي
تسلمي ياربي
امس الدونات اللي درته كويس وخفيف ولكن اشبح خيره لما قليته في قطع صار شكلها كأنها قطعتين فوق بعض قلت شكلي خليته يتخمر هلبا ( اول مرة نجربها الطريقة هذي شفتها في موقع عالنت )

عموما هذي الطريقة ولكن راهو المقدار كبييييييييييييير وانا امس درت مقدار دار لي هلبا

1 كوب سكر
2\3 كوب زبدة طرية
1 1\2 كوب حليب
1 ملعقة صغيرة ملح
2 ملعقة صغيرة خميرة فورية
1\2 كوب ماء دافي
فانيليا
4 بيضات
من 7-8 اكواب دقيق
يوضع السكر والحليب والزبدة والملح عالنار الى ان يطلع منه بخار وبشرط ما يغلي ويترك حتى يبرد
تذوب الخميرة في نصف كوب ماء دافي

الخليط الاول اللي سخناه عالنار تصبي فوقه الخميرة المذوبة في الماء وتخلطيع في العجانة دقيقتين وبعدها تصبي له البيض بالبيضة
وتحركيه وبعدها صبي 4 اكواب دقيق
واعجنيه وزيدي الدقيق بالتدريج لوين تحصلي على عجينة ناعمة واعجنيها بيدك هلبا هكي 10 دقائق

وخليها تتخمر
وبعدها اطرحيها بارتفاع سنتيمتر وقطعيها وخليها تتخمر شوية واقليها في زيت عزير وساخن على نار هادئة

وصحتين

امواج

كيف حالك و حال عبوديات و حال زنوبة و حال بوهم
ماشاء الله , تسلم ايديك علي المبطن , طريقتي تختلف علي طريقتك

هذا هوا التخفيف و الا بلاش:hahaha: :hahaha: :hahaha:
عاد فرحانة حصلت جارة ,لكن يافرحة ما تمت قالت بتحول نهاية الشهر

:)

غدو شكرا لترحيبك:26:
عيوني تسلمي عالترحيب وبعيد السو على صغارك:26:
اللهم ادعوك في هذا اليوم المبارك ان تشفي عمة عيوني سهارا وان تلبسها لباس الصحة والعافية

غادة

صحتي حبيبتي , الله بيارك فيك و يحفظلك اوخيك
سامحيني ديمة متاعباتك معاي, الله يعطيك الخير كله و يفتحها قدامك

good life

الله يبارك فيك و يخليك , تسلمي حبيبتي
قولتي عدد الاطفال 1 لكن ما حددتيش ولد و الا بنت