امواج البحار :

السلام عليكم ... :42:

السلام عليكم ... :42:

امواج البحار :

كيف حالكن !!! خاشة فرحانة حيدين من طريقى :hahaha: ياحناتى اليوم من الصبح طالعة بس فى الكاسكو والبريك بتاع الاثاث ... اول مرة مشينا للكاسكو ... راجلى يتوحم على تلفزيون بلازما بو 50 انش ويستنى بالكى فى التخفيضات ينزل على الاقل حق التاكس ... ويبى اليابانى <<< مرة نحكى انا وحدة على وحدة ماشية لليابان قلتلها اليامان خخخخخخخخ :hahaha: مسكتها لى كل ماتشوفين تقولى خير ياليامان ... المهم برم بنا الراجل وكسر كرعى وانا نكر فى روحى كران من الصيام واليوم عملة درتها فى روحى نبى نعدل موبايلى على 6 الصبح عدلته على 7 الصبح راحت عليا القهوة :icon36: ... المهم مالقيش فيهن تخفيض قال عاد يعيطو بالبوكسن داى الحاجة سمحة مايدروش فيها تخفيض ... المهم ياحناتى لقيته منزل طاقم اباجورات يهبلن على الاسود وانا صالونى جلد اسود بحوالى 80$ وحدة طويلة و2 صغار روعة شكلهن تحفة وسعرهن رخيص انا عندى بتاعات IKEE مدراهتلى كبدى ومن زمان نبى نسقدهن ... شريته والحمدلله ... وبنتى شريت لعبة العيد وولدى الكبير رسام ماشاء الله تبارك الله شريناله عدة الرسم نازيكة طاولة بعدتها بتاع محترفين :22: حتى هى هديته بتاع العيد وماشاالله عليه وليدى جايب درجات كويسة فرحته بحاجة خاطره فيها من زمان كيف مافرحنى بدرجاته الحمدلله يارب ... المهم وشريت شوية مصروف للحوش ناقصنى وطلعنا سبحان الله واحنا قريب من البريك جاى مقابلنا ترن عليا صاحبتى وتقولي ياامواج راهو امدير تخفيض حلو عدى شوفيه قلت للرجل ايش رايك قالى هى نمشو مشيناله لقين فيه دار نوم تهبل 700$ والفراش هدية بهت فى الراجل وبهتت فيه وقلنا انتوكلو على الله ... انا قلت ناخد حاجة بسيطة الله اعلم الواحد قاعد السنة الجاية ولا مش قاعد ... والمهم واللهِ نزيك شكلها وبسيطة واهو حطنا الراجل فى الحوش وتوكل لمخازنهم علشان يجيبها بس الفراش قالوله فى شهر 1 تاخده ... لكن حاجة واحدة انا واخدة على الكنج وهذى كوين قلت زعمك مايصيرش عراك واخدة على الوسع وضيقنها :hahaha: ... وهذا هو يلى صار ... عندى التؤام يتعايطو ويبو هدية العيد بتاعهم خطمنا على سوبر ستور لقناه امدير تخفضيات تهبل على الالعاب واحد منهم يبى جاتونى كان بـ 55 خداه بـ 35 والاخر يبى بوير رنجير لقناه بس 4$ خدينله 2 يختلفين ... وهذا تقريرى اليوم .... قاعدة نستنى فى المغرب ... بيش انقعد راسى بميق قهوة ... :)

كيف حالكن !!! خاشة فرحانة حيدين من طريقى :hahaha: ياحناتى اليوم من الصبح طالعة بس فى الكاسكو...