ام مودي وميمي :

كيف حالك كلكم اللي رحب بيا واللي مرحبش والله عيب اني توة جديدة ونبدء نلوم :22: المهم اني نحس فيكم تبوا تعرفوا نمني اني واعود بالله من كلمة اني واني وحدة حاية مع راجلها اللي جاته دودة كندا ويبي يكمل قرايته فيها مش قالفوها بعد ما شاب خش الكتاب :arb: هههههه والله نبصر حرام عليا راجلي قعد صغير ههههه اسمعوا مش تقرموا وتقولوا مني هذي اللي جت وبدت فيها تمزيق :024: وقولولي كان معجبتش وحستوني دمي بايخ خلوني ننسحب خير من القرمة وقالت وماقلتش علي خاطر احني بدينا بروفسوات في كثرة العجب وتبريمة الشوارب هههه والله نبي نصحك معاكم الكلمة اللي تعجبكم خدوها والباقي علي القاربج طول ريتوا كيف نتكلم بالانكليزي علي خاطر اني خريجة حاجة اسماها انكليزي وهما الصغار حثي العربي متعي طيروه واني عندي وليد عمره اربعة سنين ونص وبعدين سمعت الصغار قالوا بيكملوا من البلاد قلت خلي انلحق وجبت بنية عمرها ثلاثةسنين وهما الزوج زي الغزلة ماهو القرد في عين امه غزال والله حبيت نبصر معاكم وبالذات هذرزتكم مع بعض ترد الروح اللي هربت في ها الصقه اللي يمحمط اي اسالة انا مستعدة بس متنسوش الورقة والبيرو

كيف حالك كلكم اللي رحب بيا واللي مرحبش والله عيب اني توة جديدة ونبدء نلوم :22: المهم اني نحس فيكم...

مراااااام :

اهلين سلفية كيف حالك ان شاء الله تمام ام مودى وميمى اهلين بك فى مجلس الليبيات سلفية آه يا وخيتى والله شكلها الغربة مأثرة على نفسيتى انى وانى فاشة غلى فى الصغار والله نحس فى اجرى ضايع من عصبيتى مع صغارى لا ونزيدك من الشغر بيت انى متتخصصة خدمة اجتماعية يعنى دراستى فى علم النفس والشخصية ومش قادرة نتعامل مع صغارى صح ونحس فى روحى حرفة مع صغارى انى فى الاول نبى كيف نغير من نفسيتى والصغار منا الغربة والعزلة ومنه انى زايدة الطين بلة زى ما يقولوا وبالنسبة للزيارات ما هناك زيارات الا القليل هى هالبلاد فيه من يجيها الله المستعان معليش سامحونى نحس فى روحى مضايقة ادعولى حتى فى قلوبكم وبالنسبة للرد ان شاء تلقونى كل يوم باذن الله

اهلين سلفية كيف حالك ان شاء الله تمام ام مودى وميمى اهلين بك فى مجلس الليبيات سلفية آه يا...

امواج البحار :

السلام عليكم ... جمعة امباركة للجميع وان شاالله مقبول دعانا فيها وربِ يقدرنا على طاعته ... مرااام ... وينك ياهرابة !!! نشوف فى اسمك انتِ وهناء وماتعلقنش !!! وكانك راكبة فى العويلة يابتى ... وسعي بالك والعني شيطانك !!! هذا ومتخصصة علم نفس !!! بس اسمعي النافس هكي يصيرلها واحرف لكن اغلبي مرضك بكثرة الاستغفار ... بعدين بنيتك تعتبر سن مراهقة وذهبتلها شيرتها ليش هكي ياغالية !!! تبي تهبليها غربة وام حرفة خخخخخخخخخخخخخ ... اسمعي اقل شي اضبطيها بالاحضان كل شوية ماشية ولا مخطمة من بحدها عطيها هق على قولة الكنديين وكثري من الدعاء بالخير لها قدامها علشان تحسك تحبيها وتفرح بالكلام الكويس وفكينا من حركات امهاتنا ديرات روحهن واعرات وخلاص يحسبنها شطارة خخخخخخخخخ ... وكيف ماقالتلك سلفية خششيها معاك للمطبخ تحوس معاك واهم حاجة فى السن هذي يحبو يهتمو بنفسهم اشريلها شيشة عطر جديدة وخليها تفتلك شعرها واهم حاجة الصلاة انتِ وياها وكان بلغت الحجاب وجيبلها الوان وشحات زاهية وخليها تاخد على ذوقها ... الله يربحك ماتعقديها وعبري عن حنانك وحبك بالقول وبالفعل ... ان شاالله يكون معانا بنات عندهم نفس عمر بنتك ينصحنك اكثر ... اسمعي فشي خاطرك عندنا هنا خشي وهدرزي واكتبي يلى خاطرك فيه ... وتوا ربي يهونها ... وكان ماعندكش مانع ابعثيلي رقم تلفونك نرن عليك ان شاالله مرة مرة خخخخخ ... وان شاالله بنجاحهم عويلتك وردي بالكم منهم ... واللهِ حتى انا انقول خيره النهار يطير الستر ياربِ اليوم زي الساعة والشهر زي اليوم يقولو والله اعلم علامات القيامة الصغري اللهم نسألك حسن الخاتمة يارب ... بالتوفيق ياغالية ...

السلام عليكم ... جمعة امباركة للجميع وان شاالله مقبول دعانا فيها وربِ يقدرنا على طاعته ... ...