ام مودي وميمي :

السلام عليكم كلكم اللي يعرفني واللي اول مرة يشوف اسمي وكيف صغاركم ورجالتكم واماليكم والصبايا كيف اماليكم وسامحوني والله منشاركش معاكم في ها الهذرزة القنينة هلبة علي خاطر بعيد عليكم مشغولة في الصناديق والشناطي والضمان علي خاطر محولة نهاية الاسبوع ممكن الاربعاء وبعدين لاحظت حاجة لوكان مفيش نت راهو كل الليبيات تفجروا من التبغديد اللي صاير سوا اهني والا غادي وامواج حبيبتي متعدليش علي حد سلامات راجلك وصغارك بالدنيا كلها وسامحوني منقدرش نقول الاسامي كلها علي خاطر ماشاء الله التقعميزة مليانة وقعدة مشدتش الاسماء

السلام عليكم كلكم اللي يعرفني واللي اول مرة يشوف اسمي وكيف صغاركم ورجالتكم واماليكم والصبايا...

ام مودي وميمي :

هيا خركم وين خشيت مافيه حد اسمعوا اللي عندها نية تبي تهدرز عليااهو انا قعدة علي الكمبيوتر قبل ما يجيوا الرجالة اللي بيرفعوا الاثاث وصحيتي يا جويرتي اللي توة طلعتي لما بنهج من كالقري صحيتي عاالنشدة بس انت تعرفي الشوبنق وتبهديل المحوال

هيا خركم وين خشيت مافيه حد اسمعوا اللي عندها نية تبي تهدرز عليااهو انا قعدة علي الكمبيوتر قبل ما...

امواج البحار :

السلام عليكم ... اليوم عندنا الاحد وتوا الساعة 11 الصبح وصايمة وراسي يبي ينشق <<< بسم الله مازال صبح ومازالك عقاب النهار ... باهي ايش اخباركن ... المجلس عامر ... وتهدريز سمح ... وقريت يلى فاتنى كله ... لكن ااانا زعلانة اهئ اهئ اهئ ... توا اتشوفي عليها يامشيمشة نشدتي عليهم كلهم الا انا اهئ اهئ اهئ عاد حتى انتِ تبى ادير عليا التطنيش اهئ اهئ اهئ ... خلينى انسلم على البنات ونردلك خخخخخخخخ وحدة امحششة خخخخخخخخخخ ... عيوني ... كيف حالك اليوم وكيف حال الصغار !!! صحو ولا قاعدين مرضي !!! وبالله شنو تسمعي على عمتك ان شاالله طيبة !!! قود لايف ... الله يبارك فيك ياغالية ... وان شاالله ياربِ اندير قطرة اندك فيها راسي ... اهو امي تحكي معاي من كم يوم قالتلي قسمت قطعة بوك الله يرحمه ويغفر له وعندك فيها 600متر وكان تبني فيها ومكانها حلو ... وتصدقي مش عارفة كيف انقول لراجلي عليها علشان هو خاطره يبني جنب خوته وارضهم بعيدة ومافي حد باني جنبها ومازال مابنو خوته فيها !!! واللهِ حالة قعدت غير نحمط علي كل شي استغفر الله العظيم ... ومش عارفة كيف نبدا معاه الدوة لاني عرفتها هاتركبة زرقة بيني وبينه خخخخخخخخخخ ... الله المستعان على كل حال ... اليك المشتكي يارب ... مرااام ... ياغالية وكان تصدقي كيف انتِ والبنات هنا فى المجلس نحسكن اقرب من اختى الله يبارك فيكن وفى عويلتكن ويسهل اموركن يارب ... ياحنا طولي يضحك مرة 170 ومرة 168 معاش عرفتلها دوة شورنى لما نسمن نقصر ولما نضعب نطول خخخخخخخخخخ ... حتى انا انهبلب ويستر الله ... ووزنى عليك فضيحة كيف وزنك مقتول الا انتِ جايبة انا فاضية خخخخخخخخخخ ... لا خلاص داره كبدي وراجلي قعد يلمح من بعيد لبعيد يدوي لروحه يقول لنقنه بطنى طالعة ولنقني نبي اندير رجيم ويسمع فيا افهميها عاد الكلام لك ياجارة ... تعرفي نبي نبدا تخفيف سمح ونركز عالسلاطات والياقورت والعصاير الطبيعية واقسم بالله مع حميطى على الفاضي والمليان وماكلتي هذي توا يطلع عندي السكر وبعيد عنك حاطة عالشوكلاتة قريب تكمل عندنا فى كالجري خخخخخخخ ... سمعت قالو نقصت فى السوق خخخخخخ ... ام محمد ... تعرفي ياغالية مش عارفة كانه قلبي قعد اسود !!! سبحان الله مازلت مش مستوعبة ... واللهِ كل ليلة ندعى بالمغفرة لكن مش قادرة ننسي !!! كيف مايقولو "تبلي وكذب" وانتِ واقفة ... لكن هذي امي وراي عيب يابنيتى بينهم وبين ربي عيب ماترديش عيب علشان خاطر راجلك ويلى صار اني انا كليتها فى زلاختى وهم عادي ولا كأنه فى شي ... باهي لما روحت قعدت انقول ياريتنى بس قعدت معهم قعدة ودويتلهم بهدوء وطلعت يلى فى صدري واللهِ نكتب ودمعتي فى عيني مش قادرة ننسي عمالهم... لاحول ولاقوة الا بالله ... حسبي الله ونعم الوكيل ... المهم بالله وكان سمعتي حاجة عالبنك خبرينى اول وحدة وبارك الله فيكِ وجعني مانفقدك يارب ... حياة حلوة ... الله يسلمك ياغالية ... وكيف حالها ماما ان شاالله طيبة هذي صارلها كيفي انا ادور كيف تهرب منه الرجيم خخخخخخخخخخخخخ ... تقربصتي ... كيف حال بنايتك وان شاالله ديما طيبة يارب والعقبال ماديري اوخي لهن يارب ... صار الهم مقسم الحمدلله على كل حال ... واللهِ تصدقي انا هلي وعمي وعمتى دارو الواجب لكن الكيانه فى هل راجلي ... بالله خليها ساكتة ... وربي يهدينا ويهديهم ان شاالله ... صار شارية حوش ماشاء الله تبارك الله ... العقبالي يارب غير انطيحو فى بنك اسلامي مقوم ... تصدقي استغفر الله العظيم بيزنس امديرين البنوك الاسلامية ولهط فلوس واسمه بنك اسلامي من غير ربا !!! الله المستعان ولله المشكي ... تلاقيها من وين ولا من وين ... سلفية ... كيف حالك ياغالية ... كانه خشوشك قل !!! ها شنو امديرة انتِ والحمل والعويلة ايش حالهم !!! معاش طلعتي للسوق !!! ربي يسهلك ولادتك ويجبر بخاطرك يارب ... ليبيا قلبي وغادة ... كيف حالكن ياغاليات ماشاء الله تهدريز سمح على الكاميرات !!! ليبيا قلبي توا تفرح بها بنت خالك الكامرة ... ياحناتى مبروكات مسعودات ان شاالله ... اريام ومرت راجلها ولوشا ومدام علي وزوبة ودو ليون ... ان شاالله اخباركن طيبة ...

السلام عليكم ... اليوم عندنا الاحد وتوا الساعة 11 الصبح وصايمة وراسي يبي ينشق <<< بسم...

مدام علي :

لا يمكنك مشاهدة هذا التعليق لانتهاكه شروط الاستخدام.