السلام عليكم ,,,,
سلفيه ما اتخافيش ان شاء الله ربك يسهلها
اسمعى انا مش بعيده هلبه منكم تقدرى تكلمينى فى اى وقت بالك نص ساعه من الداون تاون
وصغارك كونى هانيه عليهم زى صغارى بالضبط
وزوجى ان شاء الله مش حيقصر معاكم
تعالى اولدى فى المستشفى اللى يخدم فيه وتوا اتشوفى كيف طريقة المعامله
حنعطيك اسم المستشفى
مستشفى ماركام (الوحيد اللى فى مركام)
Markham Stouffville Hospital
381 Church Street
رقم تليفونهم لو بتسألوهم على الولاده 905.472.7000
ميزته ان خدماته نظيفه وسريعه ,,,
وفيه ثلاث دكتورات نساء يعنى ممكن حظك ايجى دكتوره مش دكتور
وحيديرولك توصيه خاصه حتى التخدير لو تحبى اتجيك دكتوره مش دكتور ,,,,
وبالمره نكسبوا التعرف عليكم ,,,,
وامانه ما تحرمينا من الاجر الناس هنا لبعضها وامجربين كلنا الازمات وحاسين بوقفة الناس معانا وما عندناش جميل لو ساعدنا حد لأن أفضال الكل علينا ,,,,

وبالنسبه لتجهيز الشنطه خوذى غيار لكِ وفوطك وفوط صحيه مع ان كل شيئ تلاقيه فى المستشفى
وحيعطوك لباس داخلى روعه زى الشاش وما ايضايقكش كان دارولك خياطه
انا بعد طلعت مشيت شريت منه من المعدات الطبيه وقعدت ديما نستخدم فيه فى الدوره ,,,
تقدرى تطلبى منهم مجموعه يعطوك
وعندهم فازلين روعه تلقيه فى درجك ويرطب الجسم خصوصا للبيبى
والبيبى خوذى له غيار واحد كافى
بس خوذى بطاطين بيش اتلفيه وانتِ طالعه من المستشفى وما تنسيش الكار سيت ,,,
تقدرى اديرى سيتس باث عندهم احواض خاصه تقدرى اتقمعزى فيهن بعد الولاده كان عندك اخياطه
وياحنا الولاده هنا ما ريت مسمحها روعه والممرضات قريب ايشيلنك من الارض
واحلى حاجه تقعدى تدحمى وتاكلى فى الجيلاطى كان دارولك الابره (انا ننصحك بيها لانك مش حتحسى بالالم بس بالضغط وهنا ايديهم متعودين عليها يعنى عندهم بيس اوف كيك )
ان شاء الله ربى يسهل عليك
وكثرى هاليومين من الدعاء وقراءة سورة مريم وكولى التمر وتمشى هلبه
سهفتينا عطك عصيده ,,,

ربى يرزقك الذريه الصالحه ويحسن خلقه وخُلقه ويجعله قرة عين لكِ ,,,,

بنات معليش نبى انبهكن لحاجه
الموضوع ما تخلنش الصفحات كلها كيف التشات هذا مش فى صالح مسار الموضوع
يعنى مش سطر تكتبن ياهوه فيه حدوالسطر اللى بعده تصبحوا على خير
ما ينفعش هكى راهو
لو اتخشن للتجمعات الثانيه تلاقونا انعدلوا ونحذفوا وطول الوقت تنبيه ان الموضوع ما ايكونش شات لأن قوانين الموقع تمنع ذلك
فربى ان شاء الله يبارك فيكن ديما نبوا حوار هادف وبناء
مش هدرزه وتقصير وقت بس
حبذا لو دائما تذكير بحديث او حكمه
نصيحه ,موضوع حلو تناقشنه ,قضيه تخص الوطن
يعنى مثلا عندكن قضية البلغاريات شاغله العالم كله ألا تجمعنا هذا
تقدرن اتهدرزن عليها بس بدون اى تطرق للجانب السياسى فى الموضوع
(كيف اتجى هذه ما نعرفش ؟)

المهم خلوا موضوعنا وجه مشرف لثقافة المرأه الليبيه ,,,
وما تزعلنش منى لو كلامى ضايقكن بس انقوله لكن انا خير ما اتخش مشرفه ثانيه وتكتب لكن انذار بالاحمر ,,,,

بالسلامه توا

Assalamu 3aliekum sister amoaj just i want to say u7ibuky fy allah wajazaky allah khaeran

السلام عليكم ورحمة الله وبركاته
كيف حالكم يا وخياتى ان شاء الله تمام:)
امواج
صحيتى يا غالية على النشدة ربى يبارك فيك اما التخفيف يا ودى شكله ما يصيرش منى
اكثر ما هابلة فى الماكلة وخصوصا مع التخميم انى تجينى على الماكلة:( وكل يوم نقول بندير رياضة
وما فيش فايدة نوض عالنت من الصبح لييييين يجى وقت الغدى نوض نطيب وهديك الشغالة تجرى زى الزنبريك والله مرات نحسدها على النشاطة ونقول خلى نمشيها ونقضى بروحى لكن والله العيلة والصغار والغربة يا كبدى نلقى روحى ما نقدر :09:
اما عن الشكلاتة الداكنة يقولوا كويسة فيها نسبة اقل من السكر
ام محمد
لا باس على الصغيويرة ان شاء الله ماعنيدهم سو
تقربصتى
كيف حالك وحال الصغار ولا باس على مرت خوك والله وجعتنى ربى يكون فى عونها وان شاء الله تنوض لصغارها بالسلامة
عيونى
كيف حالك انت والصغار ورجلك سافر ان شاء الله يمشى ويجى بالسلامة ونقولك والله سفرة الراجل يومين تلاتة نحسها باهية منه ترتاحى من روتين كل يوم وجهك فى وجهه:30: ومن تستاحشوا بعض خصوصا فى الغربة ما عندك الا هو تهدرزى معاه اهو يعنى تغيير لكن مش ديمة خخخخخخخ>> ولت فى كلامها:22:
ليبيا قلبها
كيف حالك ان شاء الله تمام
هنا ء
مبروك ما شريتى لصغارك والله سفهتينى نشرى لكن هنى ما تلقى ما تشرى وحتى كان فيه الغلى والكوا على مهناك شىء
لوشا
كيف حالك وشن جو باغيس
ام تقى الدين
هلا بيك وربى يعينك على الصغار ويباركلك فيهم وكلنا يا وخيتى فى الهوا سوا الحوسة والطيارة ما عندنا وين نهربوا منها اما عن سؤالك نحس فى الصالون عملى واريح وما تخافيش بالنسبة للتنطيط
بياخدوا على الوضع ويعيوا من النقيز خخخخخخ:hahaha:
Gليبيا
كيف حالك ان شاء الله بخير
مشيمشة
كيف حالك ان شاء الله بخير
سلفية
كيف حالك وحال صغيويرتك وخشيتى للتاسع على خير ان شاء الله وما تخممى فى شىء يا حنا توة وتى شنيطك وادعى ربى وبالنسبة للجياب والله انى جبت توة من اقل من شهرين فى و لقيت عناية تقولى شنى ودكتورات يطفطفوا عليا مش حنى ممرضة وتبدا رافعة عليك خشمها والله انى قداش ممرضة فى جيباتى اللى فاتوا تفوت فيهم عفجة باهية غير انتم عارفين حالة الوحدة بعد الجياب مهناك صحة خخخخخخخخخخخخ له له يا واعرة :30:
وصغارك ما تفكريش فيهم يعنى والله حالتك النفسية ليه دور ونقولك احسن حاجة ديرى زى ما قلتلك ام محمد الله يبارك فيها وما زالت الدنيا بخير وكان ما قدرتيش يمشوا معاكم ويقعدوا مع بوهم وربى يعينك
يا حبيبتى وتنوضى بالسلامة
باقى البنات كيف حالكم
شكلى طولت وما صدقت لقيت لمنى نهدرز
ام محمد
فكرتك روعة ان نهدرزوا فى قضية او موضوع مهم
وبالنسبة لموضوع البلغاريات والله صدقتى لكن انتو مش معاى ان القضية معاش ولت قضية الاطفال ضحايا الايدز يعنى اصبحوا البلغاريات هم الاهم والله شىء يقهر شفتوا كيف يديروا فى قيمة لرواحهم
وحنى نموتوا بالالا ف فى كل مكان عادى يااااااااااااارب عالظالم:(
الله المستعان

صباحكم حلللللللللللو ياحلوت
كيف حالكم ان شاء الله بخير
امواج وعيوني
شن قصه الدعاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انتم توه ادعولي وبعد شهر او شهرين نحكيلكم بس ان شاء الله ربي يتقبل
تعجيز توه حتي الي ماكانش يبي يعرف يبي يعرف بس ادعولي في كل وقت
امواج
حلوات صوره خلتيني خاطري في بحر ليبيا
عيوني
كيف حال عمك اليوم ان شاء الله احسن نصحيه من خوتك ضغيرونه اشري بران اسهل مليون مره من الحلوه معناء
سلفيه
ربي ينوضك بسلامه انت وبيبي
تقربصتي
ان شاء الله يشفيها وربي يكون معاها هو قادر علي كل شئ
هناء
بنسبه الي بنتك وترجيع كل ما تركب باص ولا سياره هاذي كيفي اني سبب هو انه سائق يمش ويوقف فجأه او سواقته ثقيله شويه يعني كل حركه تخلي سياره تتحرك مع بعضه واني هذا يدوخ ربي يكون في عونك والله مشكله زمان كنت اتعقد منها لكن توه الحمد الله بطلت والحمد الله
ام تقي الدين
صالون حركي اكتر ومتاخفيش من صغار مره اتنين ويبطلواا
سلامي للجميع

سلامات للجميع