حياة حلوة ان شاء الله لاباس علي ماما وشكرا علي الحشوات الحلوة تو حتى انا نكتبهن ونجربهن ....غادة كيف الحال اكيد قاعدة اتجهزي الفرحك وبالذات كنك في شقة وحدك ياما يبيلك من تجهيز ربي يكمل علي خير ..تقربصتي الحمد لله علي سلامة مراة خوك وربي يقومها بالسلامة ويحفضها لعيالها وزوجها..عيوني شكله زوجك جاء مفش طلة..امواج صار كلكن عمي خخخخخخخخ وتلبسن في نضارات وعدسات ..... كنكن كلكن ماتشوفنش:hahaha: ماتزعلنش مني كلنا في الهوا سوا حتى انا عندي ضعف نضر ونلبس في عدسات لاصقة ونبي اندير عملية الليزر في تونس ولا مصر سالت عليها هنا في السويد طلعت 20 الف كرونة بالليبي يعني 4000 دينار وانتي سالتيني يا امويجة اذ كانت غالية السويد ولا لا يا حنا نار وحطب بعيد عنك انقولك ارخص شي الحليب 10 كرونة ها شنو رايك با الليبي 2 دينار والخبزة نار لي زمان ما شريتها نعجن وحدي :hahaha: التوست بس نشري فيه :09: واي سوال عن السويد انا حاضرة ونصبحن علي خير زوجي يبي الكمبيوتر بكرة انكمللكن

السلام عليكم
كيف حالكم يا بناويت
اعدرونى انى مش متواصلة معاكم لكن والله انتم ديمة فى بالى
وانى هالايام نمر بظروف صعبة لى طلب ادعولى ان ربى يفرج همى:(
سلامى للجميع

السةم عليكم و رحمة الله و بركاته

كيف الحال و الاحوال وشن الاخبار

شكلكم بالحق تبوا مديرة , وينكم و وين مغطسات
اليوم سامحوني كنت لاهية نحساب روحي امس شريت كل القضية لكن اليوم لقيت ناقصيني حاجات هذا اللي يطلع يقضي مع الصغار وبعد ما شريت القضية و روحت كلمني راجلي و قالي مش اليوم مروح بيروح غدوة اهو خيبة امل قعمزت شوية
و بعدين تفكرت غدي صاحبتي النافس جري علي المطبخ من هني و هني كملت التطيب الساعة 2 و نص و بعدين حصلت في الحوسة و ضمان الحوش
و توا نحس في روحي طايبة ومهسهسة


حياه حلوه الحلوة
صحتي علي الحشوات و اني عجبتني الثانية متاع الطحينة و غدوة بنطبقها
و سلمي علي ماما و خلي و الله تدلع ياما دلعتكم

غادة الحبوبة
الله يعطيك الصحة و العافية
تعرفي الخبزة بالخضرة عجبتني هلبة هلبة , حنديرها لكن مش غدوة لان ما عنديش كسبر , عندي سؤال لازم تخبزيها كرات و الا يمكن فردها في طاجين و بعيدين تنقص مربعات
و بالنسبة لعرسك انت غير قولينا الموعد لما اتحددوه واني كان هداكا الوقت في ليبيا حنكون اول الحاضرين و المساعدين
و كان تبي اي حاجة من كندا امانة عليك تطلبيها مني اني مروحة لليبيا في نهاية شهر ابريل

ليبيا قلبي
شن الجو عندكم , حني بنجمدوا
شكلك لاهية في الشغل معاش نزليتي حاجة جديدة

تقربصتي
الله يزيدها من الشفي مرت خوك ,و انشاء الله ربي يكون في عونها و اهم شئ حالتها النفسية انشاء الله تكون باهية بش تساعدها تجتاز ازمتها

سلفية
اني اهم وحدة انك اتسجلي حضور كل يوم انشاء الله بكليمة وحدة بش نطمنوا عليك
لن التفسير الوحيد لغيابك هوا جيابك

لوشا
روعة امشيتي للفرح وغيرتي جو و انشاء الله ديمة ايامك افراح

هناء
معليش العاطي حي و الله يعوض عليك و انت العمر قدامك كمليهم الستة شهور وبعدين احملي
و انشاء الله اديرينا عصيدة في نفاسك بعد ما تحملي
صار السويد غالية , احني كندا تعتبر معقولة لكن حتى حني الخبزة غالية يا حسرة علي ايامات ليبيا الدينار يشري عمالة
و انشاء الله ربي اييسر و اديرها عملية الليزر و تفتكي من العدسات
و راجلي ما زال ما جاش لكن كنت واحلة في الشقاء

مرام
انشاء الله خير
و الله حتى انت في البال , الله يفرج همك و يفك كربك و يسعدك و يسرلك امرك يارب عاجل غير اجل
نحسابك لاهية مع الصغار و البيبي هذا علاش معاش طليتي علينا

امواج


و ين مغطسة و الا لاهية مع البش مهندس :hahaha: :hahaha: