تقبرصتي
سلمك ياربي توه نشوفه ونجربه ان شاء الله
تعرفي المشكله عند كل بنات هي الجسم وشعر والوجه من حاجه الي حاجه
توه اني الجسم وزني حوالي 57 كويس بس عندي بطن مهبلتيني تهبيل لي اكثر من شهر نقول نشرب يانسون وليم توه اليوم تاني يوم ناخذه ونشاء الله خير
وماما تسلم عليكم

السلام عليكم
كيف حالكم اليوم يا ليبيات يا غاليات والله لما نتكلم معاكم نحس فيكم كأنكم وخياتى سبحان الله بلادك بلادك >>>> وحدة مستااااااااااااااااااااااااااحشة
سلفية
بالنسبة لزيت الزيتون ان شاء الله تو نديرهوله وانى فكرت فيه غر معنديش كيف كمل منى
اما عن الحمام والله ولدى زى البطة يوميا حمام من يوم ماجبته ما هنى فى البرازيل الجو دافى ومرات يصخن وكان ما نديرلاش حمام تعرفى صنة العرق متاع الصغار فلازم يوماتى وانى شكيت ان القشرة من كثرة الشامبو فغيرتله على الصابون صحيتى على الرد يا غالية ربى ينوضك انت وبنوتك بالسلامة
مشيمشة
تسلمى يا غالية على الرد
تقربصتى
صحيتى يا غالية وفعلا زيت الزيتون لا يعلى عليه لكن والله على قد ما نشرى فيه هنى مش زى متاع ليبيا هذاك الفايح والاصلى والحمد لله اللى مرت خوك ولت ما بيهاش ربى يحفظها لصغيورتها
وبالنسبة للبوب سيد ان شاء الله نبى ندوره فى الاسواق هنى بالك نلقاه وشكله عجبنى
وربى يحفظلك بنياتك وتشبحيهم عريسات
مويجة كيف حالك يا غالية وكيف حال الصغيويرة ان شاء الله بخيرتسلمينا وتسلمنا هدرزتك اللى زى العسلتعرفى لما تهدرزى نقعد نتخايل فيك ولما تضمى وتسيقى بالوركينة قريب نشمها من كثرة ما تستعملى فيها خخخخخخخخخخخخخخخخخ
لكن ردى بالك معاش تكثرى منها وحتى شوية تعطى مفعولها انى زيك كنت نكثر نبزق فيها بزق وفيسع الشيشة ما تكما جتنى شغالة فالحة اقتصادية و5لتر يقعدوا قريب شهر والدنيا ديما تفحفح بالمطهر والوركينة ربى يعاونك ومشكورة على المعلومة وانت ما شاء الله ديما منورتينا بالصور ما تقولى ليش منين تلقى فيهم >>>>>>> وحدة بتاخد سر المهنة
حياة حلوة
صحيتى يا غالية وربى يوفقك
وكلكم بارك الله فيكم وما تتصوروش قداش نعزكم ونحس في هدرزتكم توسعلى فى خاطرى وان شاء الله تكون محبتنا فى الله ولله ويجمعنا ربى فى الجنة
ومممممم شن تانى حقة عندى سؤال
انى بما انى ما شاء الله جبت 5 صغار بطنى شكلها دارتلى اكتئاب هل فيه امل انى نخششها يعنى بالرياضة ممكن العضلات تنشد ولا غر نتعب فى روحى
لأنى مرة سمعت ان البطن لما تتمغط بالحمل>>>>>>> وصف ما فيش بعده
الموهيييم يقولوا ان العضلات تمزقت وما فيش امل الا بعملية زعمة حق هالكلام ولا لا

السلام عليكم و رحمة الله و بركاته

صباح الخير علي حبيباتي و صاحباتي و وخيياتي
كيف حالكم و شن اخباركم

سامحوني علي الغياب , معليش كنت لاهية مع حبيب قلبي و مع صاحبتي النافسة , واليوم عاد فضيتلكم
المشكلة اني قاعدة ما قريتش ردودكم , توا بنقراهم و نرد عليكم كلكم باذن الله, قلت نصبح عليكم اولا

السلام عليكم

كيف حالكم اليوم
وماشاء الله عليكم بادين تنشطوا

سلفية ربي يخيلك يا غالية
ونراجي فيك مش تفوتيني وتبدي لاهية باهلك وناسك وانا تنسيني


امواج
يا ريت والله كان توصلك نبعتها لك
ماتغلاش عليك
والادارة شنو رايكم اللي تبدا قاعدة تمسك الادارة ...... هههههههه اقتراح متاع مش طبيعي
انا اليوم دارتها فيا شركة الاتصالات كانوا قاطعين النت من الصبح مش عارفة ليش

هناء ياغالية
العرس احتمال الصيف هذا واحتمال بعد العيد
وان شاء الله نتشرفوا بحضوركم

تقربصتي
كيف حالك وحال البنيات وبوهم ربي يخليكم لبعض
تعرفي هبلتيني بالخلية اليوم درت عجينة ثانية بعد شوية نمشي انطيبها

مرااااااااااام
كيف حالك وربي يكون في عونك في هذيك البلاد
حتى الجو لما يبقى طول العام نفس الجو يبدا ممل
ماهو انا جربت بلاد مناخها استوائي مملة هلبا

حياه يا حلوه
الصورة ماطلعتش عندي
والبطن اللي عندك ماعليك الا انك اتدير لها شوية رياضة للبطن
ارقدي على ظهرك واثني ايديك تحت راسك وارفعي جسمك وانزلي
انا بطني خاشة في ظهري لوين امدايرة انخفاض في مكانها هههههه

عيوني يا عيوني
والله خليتي مكانك
وان شاء الله ديما انت وزوجك الحبيب في ملتمين ومبسوطين
ونراجوا فيك

وسلامي لجميع الغايبين

سلامات

كتبت رد واشبح وين طار

سلامات للجميع