السلام عليكم

كيف حالكم اليوم
وشن اخباركن كلكن ؟
اليوم اتصلت بهلى حصلتها رعشه
بوى دار عمليه على المسالك وما بوش ايقولولى
قالوا لى ما نبوش نشغلوك
قداش عاركتهم على الاقل قولوا بيش نعرف اخباركم وندلكم وين تمشوا ؟
أمغير ليش هلنا يدسوا علينا ؟
وما تريحتش نين كلمته وكلمت الدكتور طلع دفعتى وطمنى والحمد لله .
دعواتكن يا بنات ربى يعجل بشفاه
اللهم أنت الشافى أشفى والدى ومتعه بالعافيه شفاءاً لا يُغادر سقما لا شفاء ألا شفاءك .

ام محمد

انشاء الله لباس علي اوبيك
اللهم انت الشافي المعافي اشفي والد ام محمد و متعه بالصحة و السلامة
و الله يهديهم ياريتهم قالولك من الاول خير من خديتي رعشة
و وسعي بالك و توكلي علي الله و معاش ترعشي روحك , الرعشة ليك مش باهة و حافظي علي نفسك

ام مودى وميمى كيف حالك شنى وخيتى خليى نتعلموا الاكلات اللطف عليك شويه هكى وشويه هكى على الاقل على جيت حد او فى المناسبات ونفرحوا مرة مرة الصغويره

لكن بالنسبه لتغير اوخيتك لين ادجيب ان شاء الله حاولت المده اللى فاتت لكن الخلوق اجيبها ربى مهناش انا بنغيره لما نمشى لى ليبيا ان شاء الله وخلاص خلى اشوفوا كندا شنى درات فيا هى والحمل

ام محمد لاباس على ابيك طهورا ان شاء الله والحمد لله اللى طمنتى عليه ونسال الله العظيم رب العرش العظيم ان يشفيه


عيونى شنى ضربنى وبكى سبقنى وشكى ايووووووووووووووووه توا بنحمر عيونى <<< بنقلبها عركه وحرافه احرافوا تعرفوا :hahaha:

لا يحنه متزعليش والله كله راهو بصرا الله غالب عليا مرة مرة انخفف فى دمى راهو دوتى ديما 80 فى المئه بصاره والباقى جديات متزعلوش مرة مرة نتبرد عليكم خواتى ايقولولى مكثر اتسهويكك انقوللهم باهى شنى بنديروا كله جديات خلى مرة مرة نضحكوا


مجوبتونيش يا دكتورات على سوالى كنكم

سلفيه وعيونى بارك الله فيكم وأن شاء الله ما تنشغلوا على غالى ,,,
والله شيرتى أنذهبت ومعش ركزت
حتى امواج قالت زوجها مريض وما ساولتها
أن شاء الله لا باس عليه يا امواج وانشدينى أنا على دلع الرجاله حتى طشت زكمه يقعد يتقفقف وعالن طوارئ فى الحوش
ديمه انقوله ياريتك امغير تجرب وجع الجياب والحمل بس وتعرف كيف الصبايا صبارات ,,,

سلفيه ما فيش حد يعرف موعد الجياب امتى
هذه ساعه ربى بس يعرفها
والحسابات الطبيه مجرد ايقولولك 40 اسبوع ياأما أتزيد أو تنقص أسبوعين
بس فيه هلبه شواذ للقاعده
يعنى فيه حالات ايجيبوا قبل ال 38 اسبوع ممكن 36 اسبوع واتجيب خصوصاً اللى والده من قبل لأن فى العاده البكريه ممكن تتأخر
وبرضوا مش قاعده أنا فى محمد جبت 38 اسبوع ولما مشيت كنت 10 سم يعنى من الكشف مشوا يجروا بى لغرفة الولاده بالضبط ساعه ونص فى العياده كان الولد بحذاى وأنا نعيط جعانه عطونى ناكل
ودكتورتى نتفكر كلمتها من الحوش بالتليفون بيش تسبقنى لعيادة الامل ما هو هى تشتغل فى عيادة رأس حسن وعلى ما جتنى فى الامل كنت فى وضع الولاده
الدكتوره تحسابنى ناخذ وقت لكن المحماطى قعد فى جرت بعضه وجبت بسرعه ماشاء الله
العقبه ليك تحلى اعوينتك بالسلامه .
وتوكلى على ربك وانتِ رايحه اتقول أول مره أتجيبى
وبالنسبه لألام الظهر هذه لأن بطنك ثقيله كل الحوامل يكون عندهن الالام فى الظهر
وعنق الرحم مش شرط ينفتح توا يعنى لما يبدأ الوجع الحقانى ينفتح سبحان الله
الليه اللى عندك هذه يسموا فيها الوجع الكاذب ويكثر فى الاسابيع الاخيره يكون فيه الم كيف الم الولاده لكن قوته اقل وفتراته متباعده وما ايجيش امعاه لا ماده مخاطيه (الشو) ولا دم
لو تبى تعرفى الوجع الحقانى من الكاذب احسبى الفتره بين الليه والثانيه لو لقيتيها على فترات منتظمه وتتقارب من بعضها ونزل امعاك حاجه هذه احتمال تطلع لية اجياب
بس الوجع الكاذب هذا ايجى بغير انتظام يعنى كل ليه ابروحها وبعدين كان ما فيك شيئ باقى اليوم .

عموماً لية البنت بارده وفعلاً زى ما ايقولوا اتجى فى الظهر وما تحسابيش روحك بتجيبى .
ويا ستى توكلى على ربك وأن شاء الله ايسهلك
ووقت ما ايجيك الوجع اكثر حاجه المستشفيات
وحتى أتاوا فيها دكاترة نساء اكويسين
بس تقعد عفسه فى زوجك وما يحضرش المؤتمر ..

تعالوا جاى توا وقت مؤتمرات وسفر
درتى كيفى فى ولدى الاخير فى الاسبوع اللى بنولد فيه حصل زوجى اجازه وكلم صاحبه من اتاوا جانا ومشينا نحن وياهم وأصحابنا الاخرين لنياجرا قعدنا يومين
تعرفى كل اشويه الرجاله ينشدوا فيا شن اخبارك يادكتوره قصدهم بتجيب والا مازال
ولما نمشوا لدارنا ايديروا تليفونات يطمنوا جبت وألا مازال (عليك حشمه ما ننساهاش قعدت حتى لما يطلعوا يتمشوا نقعد امقمعزه ما نطلعش امعاهم من منظر بطنى وطريقة مشيتى والا كل ما يتباعدوا ويخلونى لتالى يفطنوا ويقعدوا يستنوا فيا نين نوصل )
وما جبتش الا بعد روحنا وروحوا لحياشهم خخخخخ

أن شاء الله نفرحوا بيك
حسه بطنى قعدت توجع فيا على طارى الجياب خخخخخ

السلام عليكم ورحمة الله وبركاتة

كيف حالكم اليوم ان شاء الله بخير

شنو اخباركم كلكم كلكم من دون ذكر الاسماء

شنو ديرين ياعرب كندا في التلج

امواج
لاباس على بعلولك