السلام عليكم و رحمة الله و بركاته

صباح الخير ومساء الخير و تصبحوا علي خير
كل وحدة تاخد الجملة الي تناسبها
كيف حالكم و شن اخباركم


تقربصتي
الله يعطيك الصحة و العافية و يجعل حوشك ديمة عامر
و تصبحي علي خير

امواج
شكلك امدايرة تخفيف يخوف:hahaha: :hahaha:
شوفي لازم تخوشي معانا لمجموعة نيولوك بالسيف عليك من الاول صعب و بعدين تتعودي
و ياحنة وتي روحك جاياتك لكالجري في الصيف ماشين فسحة و ياحي عليك كان نالقاك مش نازلة:22:

غادة
ردي بالك علي ايدياتك , والي واخد عقلك يتهنى بيه
هادي عوينة و صاباتك

ام محمد
انشاء الله اوبيك توا احسن و انشاء الله ربي يزيده من الشفاء
سامحينا علي الصور الي مخالفة للاداب علي راي سلفية
ويالغالية مرحيتين بيك في اي وقت عاد انت تعتبر مش مستحيلة جيتك لعندي
ادللي انت غير قولي بنجيك و شوفي
و اني الرشتة محقوقة اني انديرهالك , فعندك عندي قصعة رشتة

ليبيا قلبي
ماشاء الله علي الكيكة
هادي كيكة تفتح النفس , هادي لازم تكون في قسم الحلويات
و شكله انتقلتلك عدوي تطيب الحلويات في الريجيم , اني كل ما اندير ريجيم نبدا نتفنن في التطيب
و بارك الله فيك الي دلتي ام ءالاء كسبتي فيها الاجر

مشيمشة
عاد انت في كندا تعالي زورني و ليك عليا انديرلك ال تبيه
وشن ما فيش امل تجي لهاملتون و انشوفوك
اني من الكساد ماعنديش غير التطيب انفش فيه غولي

حياه حلوه
شوفي اني مش حانخوفك من الزواج , لكن تعرفي نتمنى يوم واحد نرجع فيه بنت في حوش اهلي
ما فيش مسؤلية و لا التزامات نرقد امتى ما نبي و نوض امتى ما نبي ما فيش تخميم
يا ليت الزمان يعود يوما
هوا الزواج قبل الصغار مريح لكن بعد ما اتجيبي وتي روحك
و هذه سنة الحياة

ام مودي و ميمي
توا بنفتحوا موضوع رسمي لنيولوك و انت حتكوني المشرفة عليه
شدي حيلك

مرام
نستنوا فيك معانا في مجموعة نيولوك
تعرفي حتى اني نشكي من البطن و مرة كنت نهدرز مع راجلي و قولتله شكله البطن ما ترجعش زي ما كانت بعد الجياب و بعدها حصلتلك هزيبة فالي ما جبتي غير انت و خيره الي جابوا قبلك و رجعت بطونهم شوفي نوال الزغبي هادي جابية تواما
من الاسبوع الي فات و كلمته ترن في ودني و توتا نشرب في الليمون والكمون و امدايرة ريجيم و توا يشوف التغيير
و اني صغار ما نحكيليكش زي ظلي وين ما اني وينوما هما حتى الحمام حشاك ما بيوش يعتقوني فيه
و يبدا الباب بيتكصر من تخبيطهم عليا


ام ءالاء
تعرفي حد في المانيا و الا لا , اني بنت عمي في المانيا لكن ما نعرفش في اي مدينة
و معليش علي السؤال انت راجلك طبيب لاني نعرف مجموعة في المانيا اطباء يتخصصوا غادي

سلفية
عاد انت توا في اوتاوا , اتفسحي ياحنة رغم انه صقع
و كان حصلتي النت غادي طلي علينا و طمنينا عليك

اريام الحنين
انشاء الله تكوني بخير انت و عيلتك و ضيوفك
من لقي احبابه نسي اصحابه

هناء ,,,,,,,قودلايف,,,,,, خليتوا مكانكم
وينكم انشاء الله تكونوا بخير

البقية
طلوا علينا و زورونا و انشاء الله كلكم تكونوا بخير و في حفظ الله
:26: :26: :26:

السلام عليكم

كيف حالكم اليوم

ام محمد
ربي يسلمك يا غالية
شفتك في واحد من ردودك تحكي على المرضى مايقولولهمش على مرضهم
انا قعدت فترة مع امي برا لما كانت مريضة لاحظتهم الدكاترة يقولوا عالمرض على طول بدون لف ودوران
تعرفي احسن من هنا في ليبيا حتى الدكتور يبدا وجهه يتلون قبل مايقول عالمرض شنو هو ومحسوبك بيقول لواحد اخر من الاهل .. والمريض يبقوا يدسوا عليه

مشيمشة
ربي يسلمك يا غالية
شنو اخبارك

امواج
ههههههههه ... المدة اللي فاتت عالحروق والايام هذي عالجروح
باهي اللي كملتي الكوي ..انا ماعنديش فيه مشكلة الكوي بسرعة حتى لو كان واجد .. لكن الكنس اكبر مشكلة وتوا بنمشي نكنس الجنان الرياح دايرة فينا حالة طول الوقت غبار
وصحتين يا حنة عالفتات والبكلاوة والبسبوسة .... انا نموت في البسبوسة

ام مودي وميمي
اهلا بكِ
صار في الصيف عروض الازياء في ليبيا ... باهي ان شاء الله توصلوا بالسلامة
باهي انتِ ماتتبعيش نظام ريجيم وتنقيص اكل وهكي
ديري تخفيف يعني نقصي الكمية اللي تاكلي فيها وماتاكلي شئ قبل النوم خلي العشي بعد عن وقت النوم
وان شاء الله تنقصي

حياه
اهلا بكِ الباين ماعاد بنتلاقى معاك عالماسنجر طول الوقت وانا مش فاضية هالايام
لكن لما نتلاقوا ان شاء الله نبعت لك الملفات وتبعتي لي الصور
على فكرة امس لقيت طريقة كريمة في كتاب خديته من بنت عمي (الكتاب من دبي ) بعدين نكتبها لك

ليبيا قلبي
تسلم ايديك عالكيكة روعة
بكرة نحاول اندير كيكة كان حصلت وقت ... لكن انا ماعنديش جو عالتزيين ...
عندي دريم ويب من شهر رمضان شريته قاعد لتوا مادرت بيه شئ


ام الاء
اهلا بكِ وان شاء الله تنسجمي معانا

تقربصتي
ربي يسلمك وماشاء الله عليك


مرام
شنو اخبارك
قولي آمين
يارب وزنك ينقص
زمان في مراة جارتنا لما كنّا برا
قالت الجسم تلخبط صار له كأن جهة طلعت منها مانغا وجهة طلعت منها باباية وجيهة طلعت منها افوكادو وجهة اناناسة كله كتل زايدة

عيوني
كيف حالك ووينك
غياب اليوم الان شاء الله خير

سلفية
كيف حالك ومازال في الاجازة


سلامات

عيوني شبحت ردّك بعد ما بعتت ردّي

حياه حلوه



حياه
كيف حالك
عندك الحق شوفت البنيه اوعر من شوفت الحامل خخخخخخخخخخخخ شنو رايك اذا نزلين دبي تعالي مري خذي نحكي من جديات مش عزومت مركبيه . غير خسار كنك ساكنه في دبي والله كان جت لعندك.

شكولاته كنت جيبتها من ليبيا ,بس تلقي هنا الشكولاتة ابتاع الكيك في قسم الحلويات .الكريمه كريمه فرشه تليقها في التلجه جنب الزبادي في الي بكوها كيف الحليب وفي علبه كيف الزبادي في المراعي وفي الفرنسيه انا خذيت الفرنسيه وافطني راهو تشري الي يستعملوا فيها في الموالح الي انا استعملتها مرسم عليها كيك .
سلمي على ماما
شكرا عيوني على الدعوات الحلوه وان شاء الله لكي بمثل



تقربصتي


توه اندزلك الرابط في المنتدى الي نزلته فيها مرات يطلع عندك
قولي غير امتى راجلك جاي دبي توه نشريلك واحد وندزى معه اندبسه فيه خخخخخخخخخخخخخ ولا تزعلي


عيون




الله يخليكي ,حتى انا نبي انزلها غير منزلتها في منتدى تاني ,منقدرش انزلهم مره وحده التنزيل واعر متعب امس الساعه قريبا 2 في الليل بيش نزلتها .

في الحوش يقعد خاطرهم انديرلهم حاجه لما نبدا الرجيم انسك الازرق خخخخخخخخخخخخ انديرلهم مقاطعه ايوقلي انتي الي ادير رجيم مش نحن ...........مرات يترجوا بيش انديرلهم .... تعرفي خلاص لما انسكر انسي لاني عارف نفسي كان هذا مانهنيش روحي نقعد ماشي جايه على الكوجينه ........غير امس فرحنه بطاجين شويه جربت لهم خخخخخخخخخخخخ

غادة
شكله كنا نطبعوا في نفس الوقت