aionisahara :

السلام عليكم و رحمة الله و بركاته صباح الخير ومساء الخير و تصبحوا علي خير كل وحدة تاخد الجملة الي تناسبها كيف حالكم و شن اخباركم تقربصتي الله يعطيك الصحة و العافية و يجعل حوشك ديمة عامر و تصبحي علي خير امواج شكلك امدايرة تخفيف يخوف:hahaha: :hahaha: شوفي لازم تخوشي معانا لمجموعة نيولوك بالسيف عليك من الاول صعب و بعدين تتعودي و ياحنة وتي روحك جاياتك لكالجري في الصيف ماشين فسحة و ياحي عليك كان نالقاك مش نازلة:22: غادة ردي بالك علي ايدياتك , والي واخد عقلك يتهنى بيه هادي عوينة و صاباتك ام محمد انشاء الله اوبيك توا احسن و انشاء الله ربي يزيده من الشفاء سامحينا علي الصور الي مخالفة للاداب علي راي سلفية ويالغالية مرحيتين بيك في اي وقت عاد انت تعتبر مش مستحيلة جيتك لعندي ادللي انت غير قولي بنجيك و شوفي و اني الرشتة محقوقة اني انديرهالك , فعندك عندي قصعة رشتة ليبيا قلبي ماشاء الله علي الكيكة هادي كيكة تفتح النفس , هادي لازم تكون في قسم الحلويات و شكله انتقلتلك عدوي تطيب الحلويات في الريجيم , اني كل ما اندير ريجيم نبدا نتفنن في التطيب و بارك الله فيك الي دلتي ام ءالاء كسبتي فيها الاجر مشيمشة عاد انت في كندا تعالي زورني و ليك عليا انديرلك ال تبيه وشن ما فيش امل تجي لهاملتون و انشوفوك اني من الكساد ماعنديش غير التطيب انفش فيه غولي حياه حلوه شوفي اني مش حانخوفك من الزواج , لكن تعرفي نتمنى يوم واحد نرجع فيه بنت في حوش اهلي ما فيش مسؤلية و لا التزامات نرقد امتى ما نبي و نوض امتى ما نبي ما فيش تخميم يا ليت الزمان يعود يوما هوا الزواج قبل الصغار مريح لكن بعد ما اتجيبي وتي روحك و هذه سنة الحياة ام مودي و ميمي توا بنفتحوا موضوع رسمي لنيولوك و انت حتكوني المشرفة عليه شدي حيلك مرام نستنوا فيك معانا في مجموعة نيولوك تعرفي حتى اني نشكي من البطن و مرة كنت نهدرز مع راجلي و قولتله شكله البطن ما ترجعش زي ما كانت بعد الجياب و بعدها حصلتلك هزيبة فالي ما جبتي غير انت و خيره الي جابوا قبلك و رجعت بطونهم شوفي نوال الزغبي هادي جابية تواما من الاسبوع الي فات و كلمته ترن في ودني و توتا نشرب في الليمون والكمون و امدايرة ريجيم و توا يشوف التغيير و اني صغار ما نحكيليكش زي ظلي وين ما اني وينوما هما حتى الحمام حشاك ما بيوش يعتقوني فيه و يبدا الباب بيتكصر من تخبيطهم عليا ام ءالاء تعرفي حد في المانيا و الا لا , اني بنت عمي في المانيا لكن ما نعرفش في اي مدينة و معليش علي السؤال انت راجلك طبيب لاني نعرف مجموعة في المانيا اطباء يتخصصوا غادي سلفية عاد انت توا في اوتاوا , اتفسحي ياحنة رغم انه صقع و كان حصلتي النت غادي طلي علينا و طمنينا عليك اريام الحنين انشاء الله تكوني بخير انت و عيلتك و ضيوفك من لقي احبابه نسي اصحابه هناء ,,,,,,,قودلايف,,,,,, خليتوا مكانكم وينكم انشاء الله تكونوا بخير البقية طلوا علينا و زورونا و انشاء الله كلكم تكونوا بخير و في حفظ الله :26: :26: :26:

السلام عليكم و رحمة الله و بركاته صباح الخير ومساء الخير و تصبحوا علي خير كل وحدة تاخد...

aionisahara :

تقربصتي كيف حالك و حال البنوتات الحلوات ماشاء الله , الكيكة شكلها تهبل تسلم ايديك الي تنلف في الحرير توا عاد انت الي فتحتي علي روحك الباب هاتي ياحنة الطريقة و شكلها عجبني لانها مش دائرة زي المألوف كيف درتيها , هذا شكل الطاجين و الا الدائرة قصتيها بالنص و شن هيا كيكة تفاح مزينتيها بالخوخ و اللا شنو

تقربصتي كيف حالك و حال البنوتات الحلوات ماشاء الله , الكيكة شكلها تهبل تسلم ايديك الي تنلف في...

G Libya :

السلام عليكم اهلا امواج انا لله وانا اليه راجعون والله حتى انا لماشفت الموضوع امس تـأثرت هلبا عليها مع اني مانعرفهاش الله يرحمها ويغفر لها ويجعل مثواها الجنة اللهم آمين ..... ام مودي وميمي اهلا بكِ ... كيف حالكم اليوم ان شاءالله تمام ومعذورة شنو صار في برنامجك متاع التغييرات في الجسم والبشرة والشعر سلامات

السلام عليكم اهلا امواج انا لله وانا اليه راجعون والله حتى انا لماشفت الموضوع امس...

ذات الهمّة :

سامحونى اوخياتى على التأخير لان الكمبيوتر متاعى فى الحوش فاسد وفى الشغل تعرفوا ان يوم الجمعة والسبت راحة جيت اليوم ومعاش لحقت عليكم ماشاء الله عينى عليكم باردة والله حاجة تفرح القلب هاللمة الحلوة وخاصة وانتم فى الغربة ادعولى حتى انا نسافر زيكم والله يوم الخميس اترشحت فى دورة تدريبية الى بريطانيا ولمدةست شهور ولكن خسارة صدمنى زوجى وقال هلبةست شهور منقدرش نقعد المدة هاذى كلها وكل ماحاولت فيه سكر رأسه وتوا نبى نغيرها لمدة شهر فى مصر تخيلوا الكأبة الى انا فيها حياة حلوة بالنسبة لوزنك جميل جدا والبطن مشكلتها مشكلة عموما طريقتك صح متاع الليمون ولكن الماء يكون دافى يعنى سخنيه ويبرد قليلا ومافيش غير الر ياضة حاولى معليش وديمة وانتى ماشية اوقاعدة شدى عضلات بطنك للداخل لان السمنة فى هذة المنطقة سببها ترهل عضلات البطن مشيمشة تفكرتك ياغالية يامشيمشتنا ياحلوة وماشاء عليك وعلى اكلاتك زى العسل ام محمد كيفك ماشاء الله على الصور تهبل خلى يشوفو بلادنا الجميلة امواج البحار سلامة زوجك هم الاسنان هم عليك بزيت القرنفل B] ام مودى وميمى [/B]سلامة ابيك وقلبى معاك مشكلة الغربة مشكلة وماليك دركو عليك باش مايشغلوكش انشاء لاباس عليه :7_5_122: :7_5_122:

سامحونى اوخياتى على التأخير لان الكمبيوتر متاعى فى الحوش فاسد وفى الشغل تعرفوا ان يوم الجمعة...