em mohamed :

السلام عليكم ورحمة الله وبركاته كيف حالكم اليوم ؟ أن شاء الله طيبات وبخير كلكن . أول حاجه بنعتذر من أمواج وأنا حذفت الردود كلها وقلت بيش ما ينفهمش الكلام غلط مش من قبلك يا امواج وفاهمين قصدك وبارك الله فيك وبنفس الوقت فاهمين مقصد ام تقى الدين وانها غرضها التنبيه وما عممتش فى ردها من الاول بنفس الوقت سياسة المنتدى والقوانين اللى اموقعين عليها عند التسجيل ذكرت عدم التعرض لأى جنسيه وان المواضيع او الردود اللى من شأنها اشعال حساسيات يتم حذفها دون الرجوع الى العضوه وانا حذفتهن وقلت غمن على الموضوع بيش ما يستمرش النقاش وما حدش يأخذ على خاطره من الثانى قصدى غيرن الموجه ومع ذلك كبرتن الموضوع وهو اصلاً ما فيش حاجه ... وحتى فى ردى هذا ما بيتش انوضح شنو صار بينما انتِ حتى اللى على الخاص حطيتيه على العام (ننقنك شهداره خخخخخخ) عموما حصل خير وهاتى راسك انبوسها كانك شايله منا او من سياستنا (شكلها مش عاجبتك بس الله غالب أزرطتى فينا واللى صار صار ) خليك كبيرة عقل وما تحرجيش ,,,, لانى ما شفتش رد لك اليوم خمنت انك زعلانه وخصوصا ردك الاخير وكأنك تبى اتقولى ربنا على الظالم خخخخخ المهم مازلت نبى نمسح كل الردود المتعلقه بالشأن ... وها قلتلكن رانى نبى نمسح الردود والسياسه هذه ماشى عليها قسم المغتربات علشان هكى ما عندنش مشاكل ولله الحمد ممكن اتلاحظى ان سبب المشاكل فى باقى اقسام المنتدى سببها ترك الردود مثل ما هى وهذه مش حجر على حرية العضوات بس من باب درء المشاكل ومنعاً للحساسيات والفتن لأن صوابع ايديك مش زى بعضها ومش كل الناس تفهم جوك وشن قصدك شكلى كثرت الدوه المهم سامحينا وردى زى قبل راهو الموضوع بلا هدرزتك كساد وجوه شين . والهدف الرئيسى للموضوع هو الاستفاده من بعضنا والتعارف والتقرب الى الله بنفس الوقت سلفيه الحمد لله على سلامتكم وان شاء الله تمتعتوا وغيرتوا جوكم . عيونى لابأس على اوليدك أن شاء الله يتحسن وهذا حالهم الصغار فى الشتاء ربى يشفيه ويطمن قلبك عليه وسلم ايدياتك على العصيبنات تعرفى عندى مصارين فى الفريز وامتنبله نحشيهن بعيد عنك الجهد بالهون والنفسيه تعبانه هاليومين الله المستعان ... وانا انقول خيرها راكبتنى الشهيقه تاريتكم حاطينى على القرمه انتِ وصاحبتك والحمد لله اللى عطانى الصبر وأن شاء الله خذيت الاجر بس مثل ما ايقولوا لما تنزل المصيبه ينزل معاها الصبر وفعلا هذا اللى جانى حتى لما خبرنى الدكتور بالتشخيص انا اللى سهلت عليه المهمه الراجل قعد يلكلك قبل ما ينطق (انا قلت اللى عندى كنسر) هز راسه بالاجابه وتوقعنى انعيط لكن اللهم لك الحمد اللى نطقته الحمد لله انا لله وأنا اليه راجعون ممكن لأنى كنت مهيأه نفسى لأسوء الاحتمالات , بس صبرت وروحت لخوشى وطيبت غداى ودموعى جفن ما نزلنش ألا لما خبرت صاحبتى حتى زوجى لما عرف من ملفى بالمستشفى وروح للحوش ما حكيناش حاجه بس جهزت روحى ومشينا لدكتورة الجراحه ولما قعدنا نستنوا فى الدكتوره فى غرفة الكشف هذاك الوقت بس جت عينى فى عينه وحسيته يبى يبكى هذاك الوقت بس حضنته وبكيت (دموعى نزلن وانا نتفكر فى الموقف ) بس الحمد لله اهو كله قعد ذكرى وان شاء الله ربى ما ايعاودها والحمد لله من يوم مرضتى وللان انشوف فى نعم ربى عليا وفى رضاه واستجابته لكل ما دعيت اللهم ثبتنا واغفر لنا ولوالدينا ولجميع المسلمين . تعرفن يا بنات ان اهلى ما يعرفوش لعند توا بوى بس اللى عارف وحتى لما مشيت ما بيتش انخبر امى واختى مع انى كنت ناويه انقوللهم بس ما لقيتش الشجاعه وحسيت انى توا امغير انعيشهم فى قلق عليا وخلاص ففضلت السكوت . مع ان جن مواقف واجده وخاطرى نهدرز لأمى ونحكيلها على رحلتى فى العلاج لكن كل ما انجى نبى نحكى اتصير حاجه وألا ايجى حد فقلت ربى ما يبينيش انقول ونشغلها ولما جيت بنروح لكندا كنت مزكومه فقعدت كل اشوى تتصل امى واتقولى طمنينى رانى مشغوله عليك قلت لو خبرتها بالورم شنو صار فيها .... معليش دوشتلكن راسكن بالدوه بس سيره وانفتحت .... باقى البنات ان شاء الله كلكن بخير راهو كلكن فى البال حتى وانا ما نذكرش فى اساميكن بس الله يعلم بقدركن ومعزتكن عندى سامحنى واسترن ما ريتن منى

السلام عليكم ورحمة الله وبركاته كيف حالكم اليوم ؟ أن شاء الله طيبات وبخير كلكن . أول حاجه...

امواج البحار :

وعليكم السلام ورحمة الله وبركاته ... وحتى انتِ هاتي راسك انبوسه لكِ ... ومعلش الخوات يتعاركن خخخخخخخخخخخ لنقيني شهداره خخخخخخخ ... لكن راني مازلت نعاود ونقول بيش ماحدش يفهم كلامي غلط لام تقي الدين بغض النظر عن انها هي ايش كان قصدها انا طلبت منها عالخاص ماتحددش وردت فى العام وماغيرتش كلامها وبالعكس راهو مازال فى راسي كلامها المحدد ... وتفهمي منه انها حددت ولكن ماعرفتش تعبر وفى نفس الوقت ماغيرتش كلامها لغاية ماانتِ حذفتيه !!! المهم ... كيف حالك وكيف حال صحتك وشنو تسمعي من اخبار على الوالد ان شاالله طيب ... الله يفرج همك وكربك ويسهلك امرك ان شاالله ... وربِ يزيدك شفاء من عنده ...

وعليكم السلام ورحمة الله وبركاته ... وحتى انتِ هاتي راسك انبوسه لكِ ... ومعلش الخوات يتعاركن...

امواج البحار :

نعدي انجيب عيالي من المدرسة اليوم عندهم نص نهار ونرد نكمل عقاب التهدريز ولو اني قاعدة انهدرز بروحي خخخخخخخخخخخخخ لكن ماعليه ... يالله فى امان الله ...

نعدي انجيب عيالي من المدرسة اليوم عندهم نص نهار ونرد نكمل عقاب التهدريز ولو اني قاعدة انهدرز...

امواج البحار :

الحلوة ليبيا قلبي ... ماشاء الله عليكِ ويارب نفرحو بيك قريب بقدرتك ياقادر على كل شي ويجبر بخاطرك ويسلهك امورك ياغالية قولي امين فى النهار المبارك ... وبارك اللهِ فيكِ عن النشدة والتهدريز الحلو الله يسلمك ياغالية واللهِ ماننسي كلامك الطيب وعقلك الكبير ... الله يحفظك ويجعل لك فى كل خطوة سلام <<< الدعوة هاذي نحبها موووت الله يرحمها جددتي دايما كانت تقولي فيها ... يالله ماتغيبش علينا وخلينا نفرحو بشوفتك ... فى امان الله ...

الحلوة ليبيا قلبي ... ماشاء الله عليكِ ويارب نفرحو بيك قريب بقدرتك ياقادر على كل شي ويجبر بخاطرك...

امواج البحار :

ام تقي الدين ... شنو حتى انتِ زعلتي خخخخخخخخخخخخ ... اسمعي انا نبي نربي نفسي من يوم وغادي ... انقولك ليش وكيف !!! ياحنا اختك قلبها ابيض وتحب القعدة طيبة والهدرزة ومن النوع لما نقعد راضية على صاحبي نعطيه عيوني ويلى يبيها لكن لما اطريلي منه بعيد عنك ننقلب 180 درجة وبالذات لما نحس روحي مظلومة "والله اعلم" ... المهم فإنا نبي نحاول نغير طبعي الشين هذا من ناحية انِ ماننقلبش بسرعة ونخلي عندي شوية مرونة مش واجد لكن شوي كويس !!! خخخخخخخخخخخخخ لما مشيت لليبيا صارلي مواقف من اعز الناس وماقدرتش اندافع على روحي ولا ندوي كلمة بعيد عنك جاتني حاجة اسمها "طاموسة" تقول فيها صاحبتى الله يذكرها بالخير ... المهم الطاموسة هذي بعيد عنك معناها انتبكش ليش لإن تجينى حالة صدمة نقعد انقول لروحي هالناس نحبها وغالين عليا وكانهم انقلبو عليا <<< ويامكثرهم هالنوعية ونقعد ندوي لروحي كيف وشنو فيه ونقعد ناكل فى روحي ونحمط بروحي ومن غير مانقول يانااااس ياهوووو راهو مش هكي الحكاية والقصة !!! المهم شنو يصير بعدها ينقلب هذيك الحب لجفاء وبعيد عنك نبتعد بسرعة من غير ولا كلمة !!! باهي توا هذا حل لالالا ابداً مش حل المفروض من الاول نوضح وجهة نطري واندافع عن روحي بس بذوق وبثقة ومافيش داعي للقطع والبعد ... المهم توا شنو نبي منك نبيك كيف ماانا قتلك سامحينى انتِ قولي سامحتك خخخخخخخخخخخ ... ونبيك ياحنا تنوري المجلس "اطلع وبان وعليك الامان" خخخخخخخخخ عليك حالة ... وربِ يرزقك بر الوالدين ويجمعك بهم عاجلاً غير اجلاً قولي امين ... وهيا تعالي وشاركي ... ومن غير تحديد وتخصيص خخخخخخخخخخ ومانبيش نغم طبعي مايعرفش الغم خخخخخخخخخخخخخ ...

ام تقي الدين ... شنو حتى انتِ زعلتي خخخخخخخخخخخخ ... اسمعي انا نبي نربي نفسي من يوم وغادي ......