ماشاء الله عليكم وعلى تجمعكم واحد يغيب عليكم شوية معاش يلحق اهلا بكل البنات الجديدات انستونا وشرفوتنا المنتدى منتداكم
تقريصتى
وين غاطسة طميننا على صحتك وقفتى الريجيم والالا بصراحة ضميرى انبْنى اول مابعتللك برنامج الريجيم وقلتى انا ارضع فى بنتى وزعلت جدا عندما سمعت بهبوط دمك حاولى حبيبتى ان تأخدى العسل مع الحبة السوداء
امواج البحار
كيفك ماشاء عليك ديمة منورة وسلمك نشادة على الجميع وربى يرزقك ببنوتة ثانية
حياة حلوة
التصميم حلو جدا وتسلم عبقريتك قوللى وين لقيتيه وكيف نزلتيه انشاء ما كثرث عليك
عيونى سهارا
كيف حالك ومعاش تغيبى علينا ونبى نعرف على اللوك الجديد شنى درتى
ام مودى وميمى
ماتغبيش علينا طلتك مميزة فى المنتدى
مرام
كيفك انتى والبرازيل يقولون عندهم طبيعة حلوة حاولى ان تصورين لنا يعض المناطر عيونى
ام محمد
ماشاء عليك حتى انتى ليك بصمة جميلة فى المنتدى ومنورة هلبه هلبه طمنينى

سلامات ولنا عودة :)

hi
how are you?

السلام عليكم
ام مودي وميمي
نيولوك جديد شن ديري خلطات طبيعه او كريمات
شن ديري الوجه او جسم او شعر او كله مع بعضه
ليبية100 100
ربي يكون في عونك الله غالب هما صغيروين الحل تاخذي فرصتك بعد واحد منهم يرقد وخالص
مهاد
وين يابختي كان تعرفي كم خاطري نمشي للمصراته متوحشه صحباتي وبنت خالتي وخالتي نحط رصيد 8 دقائق ويكمل مندهدرز معهن زين حتي يكمل
اني كنت نسكن امام مدرسه 28 مارس وجنب مصنع الاحذيه كان تعرفيه انت من وين وشن متزوجه ولا بنوته كيفي عرفينه علي حالك اكتر
almsbahi
شن اخبارك ان شاء الله بخير
ذات الهمه
يارب يحلي ايامك ويحقق امنياتك ويفرحك بوليد
اني درته علي فوتشوب يعني صوره بس من الجهاز وباقي كله فلاتر ان شاء الله كون فهمتك واذا كنت قصدك علي برنامج الفتوشب ممكن تنزليه من النت او تمشي مهندس كمبيوتر وتفضلي الي اي سؤل
سلامي للجميع

السلام عليكم
كيف حالكم يابنات كلكم ان شاءالله مابيكمش



امواج
كيف حالكم ياحبيبة او حال الصغيويرة ان شاء الله بخير , بارك الله فيك علي التوضيح والماكينة عجبتني او طبعا استخدمتها لوجهي بس والبداية كانت صعبة بعدين تعودت عليها والحمد لله

ام محمد
كيف حالكم او حال الصغيويرة ان شاء الله بخير او شن امدايرة في المدينة الجديدة صارلك
زي حالاتي , وبالنسبة للجهاز والله عجبني هلبه وخسارة معنديش أي حد في دبي نعرفه :(

ليبيا قلبي
كيف حالك اوحال اهلك ان شاءالله تكونوا بخير , و شن اخبار الريجيم

سلفية
كيف حالك وحال الصغويره ان شاءالله تكونوا بخير , ربي ينوضك بالسلامه انتي والبنوته
ان شاءالله :04:

حياه
كيف حالك اوحال اهلك ان شاءالله تكونوا بخير , او شن اخبارك مع الرياضة

عيوني
حتي حني توحشناك ياغاليه ان شاء الله تكونوا بخير وكيف حال عموري توا , ان شاء الله احسن

تقربصتي
كيف حالكم ياغالية وحال السنفورات ان شاءالله تكونوا بخير وان شاء الله صحتك احسن توا
الحمد الله علي سلامتك وان شاء الله معاد تشوفي شر

غادة
كيف حالك اوحال اهلك ان شاءالله تكونوا بخير

مرام
كيف حالك يا غالية وكيف حال الصغيويرة , ربي يفرجها في وجهك ويوسع صدرك وايسر امورك ان شاء الله

هناء
كيف حالكم او حال الصغويره ان شاء الله مابيكمش

ام مودي وميمي
كيف حالكم وحال مودي وميمي ان شاءالله تكونوا بخير , مبروك عليكم الحوايج وان شاء الله تبيدوهم بالهنئ

قود لايف
كيف حالكم او حال وليدك ان شاء الله مابيكمش

ذات الهمة
كيف حالكم ان شاءالله تكونوا بخير و انشاء الله ديمة ايامكم افراح او ربي يرزقك بعيل من حيث لا تحتسبي ان شاء الله , بنقولك علي الاخت الجديدة ليبية حتى هى من بريطانيا بالك قاعدة ادوري في حد من بريطانيا

ام ءالاء
كيف حالكم او حال السنفورة ءالاء ان شاء الله بخير , ما ضايقيش روحك كلنا هكي او ربي ايدوم الصحيحة علينا كلنا و يفرحك بشوفة امك وعويلتكم فى القريب يا رب

اريام الحنين
كيفك وكيف الاولاد ان شاءالله تكونوا بخير

امل
كيف حالكم يا عروسة او مبارك عليكم , ان شاءالله تكونوا بخير او شن جوكم في بريطانيا , ان شاء الله انبسطتي

ليبية100 100
كيف حالكم او حال الصغيويرة ان شاء الله بخير او شن جوكم في المانيا ان شاء الله مبسوطين , ربي ايكون في عونك مع الصغيويرة او كلنا الحال من بعضه وان شاءالله ربي يعطينا وسعة البال

Misteriosa
كيف حالكم ان شاءالله تكونوا بخير

مهاد :26: سومة
كيف حالكم او حال العويلة كلهم او حال ليبيا ان شاءالله تكونوا بخير , ما نحكيلكمش قداش مستاحشة
ليبيا او اهلي :(

ليبية
كيف حالكم ان شاءالله تكونوا بخير

meana :26: greenstar

مرحبتين بيكم وان شاء الله معرفة خير

مرت رجلها :26: مدام علي :26: ام تقي الدين
ان شاءالله تكونوا بخير , معش بنتوا ياريت اطمنونا عليكم

:26:

وان شاء الله مانكون انسيت حد او ربي يونسنا ببعض ويجعل ايامنا كلها فرح وهني ويدوم علينا الصحيحة اااااامين
وان شاءالله انشوفكم علي خير او ماتنسوناش من صالح دعائكم والسلام عليكم

السلام عليكم و رحمة الله و بركاته

كيف حالكم اليوم و شن اخباركم و شن امدايرين

الحاضرات الحمد لله انكم بخير و متواصلين معانا و الغايبات انشاء الله اتكونوا بخير و الله يسمعنا عليكم الاخبار الطيبة

مشيمشة
ما شاء الله عليك صاحبة اصول تسألي و تنشدي علي كل واحدة
الله يحفظك و يبارك فيك

امواج
وينك مغطسة اليوم , اللمة ما تحلى الا بيك
و ما حد يلومني علي كلامي هذا لان شوفتوا بعيونكم لما غابت امواج شن صار فيكم

سلفية
كيف حال البنوتة الي تتغلا و ما تبيش تنزل ,و الله عندها حق الدنيا هادي مولية اشبح كيف
و صار ما ادهورتيش في اوتاوا
وشن قررتي بتسميها المولودة المنتظرة و الا ماتبيش تقولي:22:

حياه حلوه الحلوة
شن اخبار القراية, شكلك شادتيها بروفة علي دور ست البيت
انشاء الله نفرحوا بيك في القريب العاجل

غادة
خلاص طالما كنت عنداخوالك سماح
لكن ما تغيبش علينا اكثر لانك خليتي مكانك

تقربصتي
وينك اليوم , انشاء الله تكوني يخير


ذات الهمة
اهو لاني مروحة لليبيا وسمعت كل البنات و السيدات في ليبيا موليين ما شاء الله زي الفنانات جسم و شعر و لبس و مكياج قولت خلي اندير صيانة عامة قبل ما انروح

ام مودي و ميمي
اني بديت في الريجيم و العناية بالبشرة و انشاء الله ناوية نقص شعري و اندير حل في الشيبات الي طلعولي من هم صغاري

قودلايف
كيف حالك و حال وليدك

امل
الليبيين في كل مكان , بشوية بشوية توا تتعرفي علي ناس و يونسوك انشاء الله

مهاد
اهلين , اسمك حلو عجبني علي الاخر

ليبية 100 100
انت زيي زوز اولاد
اني احمد ثلاثة سنين و ثلاثة شهور و عمر عام و سبعة شهور
ربي يحفظلك اوليداتك و يخليهملك
وسعي بالك معاهم

ام ءالاء
الحمد لله انك اليوم احسن
و ربي يحفظلك بنيتك {احلى و نيسة}
لما تبي تفطمي لازم تقرري و ما تتراجعيش
و توا اجليها شوية لان راجلك مشغول لانه ممكن تحتاجيه يساعدك
معليش بش انساعدك نبي نعرف بنيتك تاخد في الشيشة يعني متعودة عليها و الا لا
اني صغاري كانوا ما ياخدو في شئ لما فطمتهم احمد خدي الطاسة و عمر خدي الشيشة بعد الفطم
و حاولت بالتدريج لكن ما انفعش فقررت لازم نوقف مرة وحدة بدون رجعة
الاثنين فطمتهم ليلة جمعة صليت ركعتين و دعيت ربي انه يساعدني احمد بكي ساعة و هوا يبي صدري و اني رافضة و نعطي فيه الشيشة و هوا يلوح فيها و بعد ساعة رضي بالامر الواقع و خدها و خلاص و في الصبح لان مش عاجباته الشيشة عطيته الطاسة و مشي الحال
اما عمر كل شيه واعر قعد ليلة كاملة و هوا يبكي و مسكر راسة لين قريب استسلمت لكن راجلي يقولي خلاص اتحملتي كل هالعياط اصبري لما قر يب يطلع الضو اخداها زي الوليد الطيب و رقد و ثاني يوم في النهار نفس الشئ يبي صدري لكن سكرت راسي وارضي بالامر الواقع
الخلاصة لازم تتحملي و تصبري و الله يكون في عونك

ام محمد
كيف حالك اليوم
بارك الله فيك علي الاهتمام , وانشاء الله كل شئ باجره


جرين ستار
اهلين
ام محمد ما قصرت
و عاد توا مشكلة الخط انحلت تعالي و هدرزي

ليبيا قلبي
تعالي وهدرزيلي علي ريجيمك خلي انشجعوا بعضنا

مرام
شن اخبارك توا

اريام الحنين
توحشتك وينك و اش اخبارك و اخبار الطبخ الليبي معاك

هناء
طمنينا عليك

البقية
انشاء الله تكونوا بخير و ما تزعلوش مني لان ما شاء الله كثرنا و اكيد انسيت وحدة ما ردتش عليها بالتخصيص



تحياتي للجميع
عيوني سهارا